قوعام • 19 تامىز، 2020

قازاقستاندا فارماتسەۆتيكا ونەركاسىبىن دامىتۋ باعدارلاماسى قابىلدانادى

28 رەت كورسەتىلدى

پرەمەر-مينيستر اسقار مامين قاراعاندى وبلىسىنا جۇمىس ساپارى اياسىندا قازاقستان رەسپۋبليكاسىنىڭ فارماتسەۆتيكا ونەركاسىبىنىڭ دامۋ ماسەلەلەرى جونىندە كەڭەس وتكىزدى،  - دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

قر فارماتسەۆتيكا سالاسىنداعى احۋال مەن دامۋ پەرسپەكتيۆاسى تۋرالى يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ، دەنساۋلىق ساقتاۋ ۆيتسە-ءمينيسترى ل. بيۋرابەكوۆا، «سق-فارماتسيا» باسقارما توراعاسى ە. ەسقاليەۆ، «حيمفارم» اق ديرەكتورى ا. يسەنوۆا، «Super-pharm» جشس باسشىسى ق. قايمولداەۆ، مەديتسينالىق بۇيىمداردى وندىرۋشىلەر قاۋىمداستىعىنىڭ ءتورايىمى گ. مۇحامەدجانوۆا باياندادى.

بيىلعى 7 ايدىڭ قورىتىندىسى بويىنشا پاندەميا كەزىندە فارماتسەۆتيكا كاسىپورىندارىنىڭ ءوندىرىس كولەمى 23،2%-عا، 70،2 ملرد تەڭگەگە دەيىن ارتتى. سالادا 96 كاسىپورىن جۇمىس ىستەيدى، ونىڭ ىشىندە 33-ءى – ءدارى-دارمەكتەر بويىنشا، 41-ءى – مەديتسينالىق بۇيىمدار بويىنشا، 22-ءسى – مەديتسينالىق تەحنيكا بويىنشا. يندۋستريالاندىرۋ كارتاسى اياسىندا 5 مىڭ جاڭا جۇمىس ورنىن قۇرۋمەن ينۆەستيتسيا سوماسى 62،9 ملرد تەڭگە بولاتىن 41 جوبا پايدالانۋعا بەرىلدى. قازاقستاننىڭ فارماتسەۆتيكا يندۋسترياسىنىڭ ء«وسۋ نۇكتەلەرى» الماتى، شىمكەنت قالالارى مەن الماتى جانە قاراعاندى وبلىستارىندا.

«قازاقستاننىڭ فارميندۋسترياسىنىڭ دامۋ الەۋەتى زور. باستى مىندەت – جەتكىلىكتى قورى مەن نومەنكلاتۋراسىن كەڭەيتۋدى قامتاماسىز ەتۋ ارقىلى ءدارى-دارمەكتەر مەن مەديتسينالىق بۇيىمداردىڭ وتاندىق وندىرىسىنە سەرپىن بەرۋ. ەلىمىزدىڭ حالقى ءۇشىن ساپالى مەديتسينالىق ونىمدەر قولجەتىمدى بولۋى ءتيىس»، — دەدى ا. مامين.

وتاندىق فارماتسەۆتيكا ءوندىرىسىن ودان ءارى دامىتۋ ماقساتىندا ۇكىمەت باسشىسى يندۋستريا مينيسترلىگىنە بيزنەس قاۋىمداستىعىنىڭ پىكىرىن ەسكەرۋمەن فارماتسەۆتيكا سالاسىن دامىتۋ باعدارلاماسىن ازىرلەپ، بيىلعى قىركۇيەك ايىندا جوباسىن ۇسىنۋدى تاپسىردى.

پرەمەر-مينيستر وتاندىق ءدارى-دارمەك نارىعىندا حالىققا قولجەتىمدىلىك پەن ساپانى، ال بيزنەس ءۇشىن تيىمدىلىكتى قامتاماسىز ەتەتىن وڭتايلى باعالار بەلگىلەنۋى ءتيىس ەكەنىن اتاپ ءوتتى. سونىمەن قاتار مەديتسينالىق ماسكالار مەن باسقا دا جەكە قورعانىش قۇرالدارىن ءوندىرۋ ستاندارتتارىن بەكىتۋدى تاپسىردى.

دەنساۋلىق ساقتاۋ مينيسترلىگىنە «سق-فارماتسيامەن» بىرلەسىپ، مەديتسينالىق ۇيىمداردا ءدارى-دارمەكتەردىڭ بولۋىن جوسپارلاۋ تەتىكتەرىن قايتا قاراۋ، ءدارى-دارمەكتەردى تىركەۋ تالاپتارىن وڭتايلاندىرۋ، وتاندىق وندىرۋشىلەر ءۇشىن ساتىپ الۋ كولەمىن بولجاۋ جۇيەسىن ەنگىزۋ تاپسىرىلدى.

ۇكىمەت باسشىسى وتاندىق ءدارى-دارمەكتەردىڭ سىرتقى نارىقتارعا جەدەل شىعۋىن قامتاماسىز ەتۋ، جاڭا دارىلەردى تىركەۋ كەزىندەگى كەدەرگىلەردى بارىنشا ازايتۋ قاجەتتىگىن اتاپ ءوتتى.

ا. مامين جۇمىس ساپارى اياسىندا «ارسەلورميتتال تەمىرتاۋ» اق-عا بارىپ، «قاراعاندى – تەمىرتاۋ» اۆتوموبيل جولىنىڭ كولىك ايرىعىن قارادى، سونداي-اق دەنساۋلىق ساقتاۋ نىساندارىنىڭ، «قاراعاندى فارماتسەۆتيكالىق كەشەنى» يممۋنوبيولوگيالىق جانە بيوفارماتسەۆتيكالىق پرەپاراتتاردى ءوندىرۋ كاسىپورنىنىڭ، «ليندە گاز قازاقستان» تەحنيكالىق جانە مەديتسينالىق گازداردى شىعارۋ زاۋىتىنىڭ، «امانات» دارىلىك زاتتار مەن مەديتسينالىق بۇيىمداردى ساقتاۋ جانە قىزمەت كورسەتۋ جونىندەگى لوگيستيكالىق كەشەننىڭ جۇمىسىمەن تانىستى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار