مينيسترلىك اقپاراتىنا سايكەس, كەزدەسۋدە باعدارلامانى ىسكە اسىرۋ بويىنشا جۇرگىزىلگەن جۇمىس قورىتىندىلارى جانە بيىلعى جىلدىڭ ەكىنشى جارتىجىلدىعىنا قويىلعان مىندەتتەر مەن ناقتى قىزمەت باعىتتارى تالقىلاندى.
ب.تىلەپوۆ ايتىپ وتكەندەي, باعدارلاما اياسىنداعى ءاربىر جوبانىڭ ءىس-شارالارى قاتىسۋشىلاردىڭ جاس ەرەكشەلىگىنە قاراي ۇيىمداستىرىلىپ, ولار پايدالى ءارى قىزىقتى بولۋى ءتيىس.
"كەزدەسۋ بارىسىندا ۆيتسە-مينيستر باعدارلاما اياسىندا اعىمداعى جىلى باستاماشىلىق ەتىلگەن جاڭا جوبالاردى ساپالى جانە ءتيىمدى ىسكە اسىرۋ قاجەتتىگىن اتاپ ءوتتى. سونىمەن قاتار, "رۋحاني جاڭعىرۋ" باعدارلاماسىن ىسكە اسىرۋ بويىنشا 2021 جىلعا ارنالعان ءىس-شارالار جوسپارىن ازىرلەۋ ماسەلەلەرى تالقىلاندى. جوسپار جاڭا تالاپتاردى ەسكەرە وتىرىپ ازىرلەنەدى جانە ساراپتامالىق قوعامداستىقتىڭ قاراۋىنا ۇسىنىلاتىن بولادى", - دەلىنگەن ۆەدومستۆو مالىمەتىندە.
