مۋرال فوتوسۋرەتشى جەڭىس ىسقابايدىڭ سۋرەتى نەگىزىندە جاسالعان ەكەن. تۇتاس قابىرعانى الىپ تۇرعان بەيسەننىڭ بەينەسىن سۋرەتشى بەكبولات كەڭەسوۆ سالىپ شىقتى. سۋرەت استىنا "قارەكەت ەت, باتىرىم!" دەپ جازىلعان. ال ەسىمى ەلگە ايگىلى ءجۋرناليستىڭ جارقىن بەينەسىن جۇرت نازارىنا ۇسىنۋ يدەياسىن "رۋحاني جاڭعىرۋ" جوبالىق كەڭسەسى باستاعان ەكەن. ءىستىڭ ناتيجەلى بولۋىنا وبلىستىق ىشكى ساياسات باسقارماسى بارىنشا ۇلەس قوستى.
"مىنە, "Jetisu" تەلەارناسىنىڭ قاپتالىنداعى ءۇيدىڭ قابىرعاسىندا بەيسەن دوستىڭ بەينەسى جىميىپ قاراپ تۇراتىن بولدى. ءوزى ءجيى ايتاتىن "قارەكەت ەت, باتىرىم" دەگەن ءسوزى دە تاسقا باسىلدى. جالپى, جۇرت جۇرەگىندە بەيسەننىڭ بەينەسى ماڭگىلىك ساقتالادى. ەلدىڭ ەرگە قۇرمەتى, تاعزىمى وسىنداي يگى ىستەردەن كورىنىس تابۋدا, - دەيدى مارقۇمنىڭ ۇزەڭگىلەس جولداسى, "Jetisu" تەلەارناسىنىڭ ديرەكتورى سەرىك سارىباي.
ايتپاقشى, بەيسەن قۇرانبەك بەينەلگەن مۋرالدىڭ قاسىنا جەتىسۋلىقتار ەرەكشە ىلتيپاتپەن ەسكە الاتىن تاعى ءبىر جاس باتىردىڭ سۋرەتى دە تاڭبالاندى. ول 20 جاستاعى ولجاس قۇلجابەكوۆ ەسىمدى باتىر ەدى. ولجاس 2008 جىلدىڭ تامىز ايىندا قاپشاعاي سۋ قويماسىندا باتىپ بارا جاتقان بالانى قۇتقارىپ, ءوزى سۋعا كەتكەن بولاتىن. جاس جىگىت قايتىس بولعاننان كەيىن پرەزيدەنت جارلىعىمەن "ەرلىگى ءۇشىن" مەدالىمەن ماراپاتتالعان.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
