ءار حالىقتىڭ سۇيەنەتىن رۋحاني جانە ادامگەرشىلىك تىرەكتەرى بار. قازاق حالقىنىڭ ساناسىڭداعى وسىنداي ىرگەلى تىرەكتىڭ ءبىرى ويشىل, اعارتۋشى, اقىن, كومپوزيتور اباي قۇنانباي ۇلىنىڭ شىعارماشىلىق مۇراسى.
ابايدىڭ گۋمانيستىك فيلوسوفياسىندا ىزگى ماقساتتار اشىق, تازا جۇرەكتەن تۋادى. بۇزىلعان ادامنىڭ ويى قارا, ماقساتى جامان.
اباي شىعارماشىلىعى, ونىڭ دانالىققا تولى فيلوسوفيالىق ويلارى, قايتالانباس پوەزياسى, سازدى اندەرى قاراپايىم حالىققا دەگەن قامقورلىققا تولى. ولار ناعىز رۋحاني بايلىقتىڭ قاينار كوزى. يسلام دىنىنە نەگىزدەلگەن. الەم قۇرلىقتارىنا يسلام ءدىنىنىڭ تارالۋى قازىرگى شەشۋشى ترەندكە, ۇدىرىسكە اينالۋدا. سوتسيۋمدا وسى ناعىز رۋحاني حالىققا سۇيەنەتىن گارمونيا زاڭى ءومىر بار. ونىڭ بۇزىلۋى ەرتە مە, كەش پە داعدارىسپەن, دامۋدىڭ توقتالۋىمەن, قازىرگى كوروناۆيرۋس سەكىلدى ىندەتتەرمەن جازالانادى. ەشتەڭە ءىز-ءتۇزسىز كەتپەيدى! سەبەپتىڭ ارتىنان سالدارى كەلەدى! قازىرگى كەزەڭدەگى بۇكىل الەمنىڭ دەنساۋلىق ساقتاۋى مەن ەكونوميكالىق جاھاندىق داعدارىسىنا ادامزاتتىڭ كوپ بولىگىنىڭ رۋحاني – ادامگەرشىلىك دەگراداتسياعا ۇشىراۋى سەبەپ بولدى. ۇلى اباي وسىنداي جاعدايدان ساقتاندىرعان بولاتىن.
ول ءوز ىستەرى مەن كوكەيكەستى ويلارىن جاراتۋشىدان العان حالىقتىڭ رۋحاني كوشباسشىسى بولدى. ويشىل ءوزىنىڭ فيلوسوفياسىن شىعىس پەن باتىستىڭ دۇنيەتانىمىن جاراسىمدى سينتەزدەۋى نەگىزىندە زامانىنان الدىعا كەتتى. بۇلاي بولۋى, ونىڭ شىعىس جانە ەۋروپالىق مادەنيەتتەردىڭ نەگىزگى دۇنيەتانىمدىق جولدارىن قات-قابات قابىلداۋىنا جول اشتى. وسىلاردىڭ نەگىزىندە ول الەم مەن ونداعى قىزمەتتىڭ ءبىرتۇتاس وبرازىن جاسادى. ەگەر دە باتىستىڭ ۇرانى «دۇنيەنى وزگەرتۋ» بولسا, شىعىس ءۇشىن ء«وزىن تانۋ» ماڭىزدى ەدى. ال اباي جاڭا باعىت «كەمەل ادام بولۋدى» ۇسىندى. بۇل يدەيا ونىڭ دۇنيەتانىمى مەن ءومىرىنىڭ ەرەكشەلىگىن ايقىندادى. ابايدىڭ ادام جانە ونىڭ رۋحاني نەگىزدەرى جايىنداعى وي-تۇيىندەرى ءسوز جوق فيلوسوفيالىق سيپاتتا. رۋحانيات ماسەلەسىن اباي ءومىر بويى نازارىنان تىس قالدىرمادى.
جوعارىدا ايتىلعاننىڭ ءبارى ابايدىڭ جەكە تۇلعاسىندا گارمونيالىق ادامنىڭ نەگىزگى بەلگىلەرى بار ەكەندىگىن دالەلدەيدى. وكىنىشكە قاراي, تاريحتا وسىنداي تۇلعا بولۋ وتە سيرەك كەزدەسەتىن قۇبىلىس. ول XIX عاسىردا وسى دەڭگەيگە جەتتى. ءبىزدىڭ سانامىزدا ابايدىڭ ءومىرى مەن شىعارماشىلىعى ءبىر ۇلتتىڭ عانا ەمەس, الەمدەگى ميللياردتاعان قايىرىمدى جانداردىڭ ارىنا اينالدى. ونىڭ فيلوسوفيالىق ويلارى, ونەگەگە اينالعان ولەڭدەرى قازاقستاننان تىس كوپتەگەن ەلدەرگە ەتەنە تانىس. ابايدىڭ ءومىرى مەن شىعارماشىلىعىن ءبىلۋ ادامداردىڭ ۇلتىنا, ناسىلىنە قاراماي رۋحاني – ادامگەرشىلىك تاربيە بەرۋ ءۇشىن قاجەت. ونىڭ ەڭبەكتەرى مەن ويلارى ۋاقىتقا باعىنبايدى. اباي حالىقتار ءۇشىن وتكەندى, قازىرگىنى جانە بولاشاقتى بايلاناستىراتىن التىن كوپىر, جول كورسەتەر جارىق جۇلدىز بولىپ قالا بەرمەك.
سوندىقتان بۇۇ كازاقستانداعى اباي كۇنىن ۇلى ابايدىڭ حالىقارالىق كۇنى رەتىندە جاريالاۋدى ۇسىنۋعا بارلىق نەگىز بار. قازىر ادامداردىڭ كوپشىلىگى رۋحاني يگىلىكتەردەن بەزىنىپ, ماتەريالدىق قۇندىلىقتار مەن اقشانىڭ سوڭىنان قۋعا كىرىسكەن جاعدايدا بۇل شارانىڭ بۇتكىل ادامزاتقا پايداسىن تيگىزەرى انىق.
وراز بايمۇراتوۆ,
جاھاندىق گارمونيا وداعىنىڭ قازاقستان ايماقتىق ۇيىمىنىڭ پرەزيدەنتى,
ۇعا اكادەميگى
