دەگەنمەن دە,سوتتالعانداردىڭ تاماقتانۋى قر ۇكىمەتىنىڭ 28.11.2014 جىلعى №1255 قاۋلىسىمەن جۇزەگە اسادى.زك-169/1 مەكەمەسىندەگى تىلمەن قامتاماسىز ەتۋ توبى مەن اسپازشىلار, وسى قاۋلىعا ساي جۇمىس اتقارىپ كەلەدى. مەكەمەنىڭ ارنايى عيماراتىندا ورنالاسقان اسحانا 9 بولمەدەن تۇرادى.
ءىشى قاجەتتى بارلىق جابدىقتارمەن قامتاماسىز ەتىلگەن,تاپ-تازا,بارلىق سانيتارلىق-ەپيدەميولوگيالىق نورمالار ساقتالعان. وسى مەكەمەدە ەكى جىلدان بەرى ايشا جۇنىسقىزى اسپازشى بولىپ جۇمىس جاسايدى.ونىڭ جۇمىس كۇنى, كۇندەلىكتى تاڭەرتەڭ 8.30-دان باستالادى.
مەكەمەنىڭ اسحانا مەڭگەرۋشىسى قايرات ەكەۋى اسحانا اۋماعىنىڭ تازالىعىن قاراپ شىعىپ,كۇندەلىكتى اس ءمازىرى بويىنشا,ازىق-ت ۇلىكتەردىڭ جەتكىلىكتىگىنە قاداعالاپ شىعادى.كۇنىنە ءۇش مەزگىل 200-گە جۋىق جانعا اس-سۋ دايىنداۋ وڭاي ەمەس,سوندىقتان شارۋاشىلىق بولىمىنە قالدىرىلعان,اسپازدىق ونەرى بار ءۇش ازاماتتىڭ كومەگىنە جۇگىنۋگە تۋرا كەلەدى.مۇندا مەنىڭ كومەكشىم بولىپ جۇمىس جاسايتىن نۇرجان جانە ماقسات ەسىمدى جازاسىن وتەۋشىلەر وتە ەپتى,ءارى ىسىنە ۇقىپتى,جاۋاپكەرشىلىكپەن قارايدى.
اۋمينوۆ قايراتتىڭ ايتۋى بويىنشا,تاماقتانۋ راتسيونى,كۇندەلىكتى اس مازىرىنە سايكەس دايىندالادى.ەرتەڭگىلىك اسقا بوتقا تۇرلەرى,جۇمىرتقا بەرىلسە,تۇسكى اسقا مىندەتتى تۇردە,ىستىق كۇيدەگى سۇيىق جانە قويۋ تاعام بەرىلەدى.اس ءمازىرىنىڭ قۇرامى, قىس,جاز ايلارىنا قاراي جاڭالانىپ,وزگەرىپ تۇرادى.جازدا جەڭىل تۇردەگى,بىراق اعزاعا پايدالى دارۋمەندەرگە تولى كوكونىس كوبىرەك پايدالانسا,قىستا كەنەۋلى,تويىمدى تاعامدار بەرىلەدى. جانە دە,اعزاعا قاجەتتى بالىق,ءسۇت تاعامدارى دا,ءجيى بەرىلىپ تۇرادى.ديەتالىق ءمازىر ءتيىمدى تاماقتانۋدىڭ ەسەبىنەن فيزيولوگيالىق نورمالاردىڭ نەگىزىندە قۇرىلادى.
جەتكىزىلۋشىلەردەن ونىمدەردى ساتىپ الۋ كونكۋرستىق نەگىزدە جۇزەگە اسىرىلادى.ازىق-ت ۇلىك تاۋارلارى ساپالى سەرتيفيكاتتارمەن كەلەدى.وسىلايشا,تەرگەۋ مەكەمەسىندەگى سوتتالعاندار,كۇندەلىكتى بالعىن كوكونىس,ازىق-ت ۇلىكپەن قامتاماسىز ەتىلىپ,دايىندالعان ءدامدى اس نەگىزىندە,تالاپ نورمالارىنا ساي تاماقتانىپ ءجۇر.
