ەكولوگيا • 18 تامىز، 2020

ەكولوگيا مينيسترلىگىنىڭ جەدەل جەلىسىنە 706 شاعىم كەلىپ ءتۇستى

7 رەت كورسەتىلدى

ستيحيالىق قوقىس تۋرالى حابارلاردىڭ كوپشىلىگى الماتى (104)، شىعىس قازاقستان (82) جانە قاراعاندى   وبلىستارىنان (76)، سونداي-اق الماتى قالاسىنان (78) كەلىپ ءتۇستى. اقمولا (63)، قوستاناي (57) مەن اقتوبە وبلىسى (57) ازاماتتاردان تۇسكەن وتىنىشتەر سانى بويىنشا كوشباسشىلار قاتارىنا كىردى، دەپ Egemen.kz.

706 شاعىمنىڭ 530-ى ستيحيالىق ۇيىندىلەرگە، 176-ى تولىپ كەتكەن كونتەينەرلەرگە قاتىستى.

ءبىر اپتا ىشىندە اكىمدىكپەن بىرگە پوليگونداردىڭ جارتىسىنان كوبى نەمەسە 419 ءۇيىندى جويىلدى. بۇل باعىتتاعى جۇمىس جالعاسۋدا.

جالپى ەكولوگيا مينيسترلىگى تۇرعىندار تاراپىنان شاعىمدار ارتقانىن بايقاۋدا. بۇل ازاماتتىق پوزيتسيانىڭ وسكەنىن بىلدىرەدى. ونىڭ ۇستىنە، جەدەل جەلى جۇمىسىنىڭ تيىمدىلىگى كەيىنگى ەكى اپتادا ايقىن بايقالادى.

شاعىم تۇسكەننەن كەيىن اقپارات دەرەۋ جەرگىلىكتى ەكولوگيا دەپارتامەنتتەرىنە، قر ءىىم قىزمەتى مەن اكىمدىكتەرگە جىبەرىلەدى. ماماندار جەدەل تەكسەرۋ ورنىنا بارىپ، شارا قولدانادى، كىنالىلەر جازالانىپ، سونىڭ ىشىندە ايىپپۇل ءوندىرىلىپ الىنادى.

ەسكە سالساق، ەكولوگيا مينيسترلىگىنىڭ جەدەل جەلى ءنومىرى: +7 (775) 952-49-00. ۆاتساپتاعى وسى ءنومىر ارقىلى كەز-كەلگەن قازاقستاندىق ءوز قالاسىنداعى نەمەسە اۋىلىنداعى ستيحيالىق كوقىس تۋرالى اقپاراتتى، ونى راستايتىن فوتوسۋرەت پەن بەينەتۇسىرىلىمدى جىبەرە الادى.

ەكولوگيا مينيسترلىگى ەلدەگى بارلىق حالىققا بۇل ماسەلەگە بەي-جاي قاراماۋىن وتىنەدى. ستيحيالىق ۇيىندىلەرگە كۋا بولا قالسا، جەدەل جەلىگە دەرەۋ حابارلاۋىن، زاڭبۇزۋشىلارعا سول جەردە ەسكەرتۋ جاساپ،  پوليتسيا شاقىرۋ كەرەكتىگىن ەسكە سالادى.

وسى باعىتتاعى جۇمىس تەك بىرلەسىپ اتقارعان ۋاقىتتا عانا رەتكە كەلەدى، دەپ اتاپ وتەدى قر ەگترم ءباسپاسوز قىزمەتى.

سوڭعى جاڭالىقتار

ۇقساس جاڭالىقتار