باعدارلامالار • 17 تامىز، 2020

شاڭىراق "5-10-20" باعدارلاماسى بويىنشا ءوتىنىش قابىلداۋ باستالدى

3983 رەت كورسەتىلدى

"نۇرلى جەر" مەملەكەتتىك باعدارلاماسىنىڭ جاڭا باعىتتارىنىڭ ءبىرى "شاڭىراق" پيلوتتىق جوباسىن تۇرعىن ءۇي قۇرىلىس جيناق بانكى ("بايتەرەك" حولدينگىنىڭ ەنشىلەس ۇيىمى) جۇزەگە اسىرادى. ول مەملەكەت باسشىسىنىڭ تاپسىرماسىنا سايكەس، باسپانالى بولۋدى ارمانداعان قازاقستاندىق ازاماتتارعا جەڭىلدەتىلگەن شارتتارمەن نەسيە بەرۋ ماقساتىندا ازىرلەنگەن، دەپ حابارلايدى Egemen.kz

– بيىل "شاڭىراق" پيلوتتىق جوباسىن جۇزەگە اسىرۋ ءۇشىن بيۋدجەتتەن 210 ملرد تەڭگە كولەمىندە قاراجات ءبولۋ جوسپارلانعان. ونىڭ 90 ملرد تەڭگە كولەمىندەگى العاشقى بولىگى تۇرعىن ءۇي قۇرىلىس جيناق بانكىنە ءتۇستى. وسى بيۋدجەتكە سايكەس، ءبىز ەلىمىزدىڭ شامامەن 7-8 مىڭداي وتباسىن باسپانامەن قامتاماسىز ەتۋدى جوسپارلار وتىرمىز. جىلدىق مولشەرلەمەسى 5 پايىزعا تەڭ (جتسم 5،2%)، جەڭىلدەتىلگەن زاەمدى الۋ ءۇشىن، باعدارلاما قاتىسۋشىلارى اكىمدىك كەزەگىندە تۇرۋلارى قاجەت. سونداي-اق تۇرعىن ءۇي قۇرىلىس جيناق بانكىندەگى شوتتارىنا زايم مولشەرىنىڭ 10 پايىزىنان كەم تۇسپەيتىن سومانى باستاپقى جارنا رەتىندە جيناۋلارى قاجەت. نەسيەلەندىرۋ مەرزىمى 20 جىلعا دەيىن، – دەپ اتاپ ءوتتى تۇرعىن ءۇي قۇرىلىس جيناق بانكىنىڭ باسقارما ءتورايىمى ءلاززات يبراگيموۆا.

"شاڭىراق" جوباسىنىڭ اياسىندا جەڭىلدەتىلگەن نەسيەنى ءبىرىنشى كەزەڭدە، باسپاناعا مۇقتاج جان رەتىندە 1986 جىلدان باستاپ 2010 جىلعا دەيىنگى مەرزىمدى قوسا العاندا اكىمدىك كەزەگىنە تۇرعان قازاقستان رەسپۋبليكاسىنىڭ ازاماتتارى الا الادى. وتىنىشتەردى قابىلداۋ مەرزىمى اياقتالعاننان كەيىن، بانكتىڭ "شاڭىراق" جوباسىن ودان ءارى نەسيەلەندىرۋگە قاجەتتى قاراجاتى بولعان جاعدايدا، باعدارلامانىڭ ەكىنشى كەزەڭىنە اكىمشىلىك كەزەگىنە كەيىنگى جىلدارى تۇرعان ازاماتتار دا شاقىرىلۋى مۇمكىن. سونداي-اق، باعدارلاماعا قاتىسۋ ءۇشىن سوڭعى التى اي ىشىندەگى وتباسىنىڭ ءار مۇشەسىنە كەلەتىن وتباسىلىق تابىستىڭ ءبىر ايلىق كولەمى 3،1 كۇنكورىس مينيمۋمىنان اسپايتىن (2020 جىلدىڭ 1 ساۋىرىنەن باستاپ كم – 32 668 تەڭگەگە تەڭ) ەڭبەك جانە (نەمەسە) كاسىپكەرلىك قىزمەتتەن تۇسەتىن كىرىستىڭ (زەينەتاقى اۋدارىمدارىن، جەكە تابىس سالىعى مەن باسقا دا مىندەتتى اۋدارىمداردى ەسەپتەمەگەندە) بولۋى تالاپ ەتىلەدى. ياعني، 2020 جىلى وتباسىنىڭ ءار مۇشەسىنە كەلەتىن تابىس كولەمى 101 271 تەڭگەدەن اسپاۋى ءتيىس.

اتالعان باعدارلاما بويىنشا تۇرعىن ءۇيدى تەك جاڭا سوعىلعان ۇيلەردەن عانا الۋعا بولادى.

بۇل "5-10-20" باعدارلاماسى بويىنشا جەرگىلىكتى اكىمدىكتەر سوعىپ جاتقان نەسيەلىك تۇرعىن ۇيلەر مەن جەكە قۇرىلىس كومپانيالارى سوققان ۇيلەر (سونداي-اق، "تۇرعىن ءۇي قۇرىلىسىنا كەپىلدىك بەرۋ قورى" اق كەپىلدىگى بار).

"شاڭىراق" باعدارلاماسى بويىنشا پاتەر الۋعا بولاتىن قۇرىلىس كومپانيالارىنىڭ ءتىزىمىن hcsbk.kz سايتىنان جۇكتەپ الۋعا بولادى.

اكىمدىكتەر سالعان نەسيەلىك تۇرعىن ۇيلەردىڭ 1 شارشى مەترى بويىنشا كەلەسى باعا مولشەرلەرى بەلگىلەنگەن: 240 مىڭ تەڭگەگە دەيىن – الماتى قالاسىندا، 220 مىڭ تەڭگەگە دەيىن – نۇر-سۇلتان قالاسىندا، 200 مىڭ تەڭگەگە دەيىن – شىمكەنت قالاسى مەن الماتى ماڭىنداعى ايماقتاردا، 180 مىڭ تەڭگەگە دەيىن – اقتوبە، اتىراۋ، اقتاۋ، تۇركىستان، قاراعاندى قالالارى مەن قاراعاندى وبلىسىندا، باسقا وڭىرلەردە – 160 مىڭ تەڭگەگە دەيىن.

پاتەرلەر جەكە قۇرىلىس كومپانيالارى سوققان ۇيلەردەن ساتىپ الىنعان جاعدايدا ەڭ جوعارى زاەم سوماسى: نۇر-سۇلتان مەن الماتى قالالارىندا 18 ملن تەڭگە، اتىراۋ، اقتاۋ، اقتوبە، شىمكەنت، تۇركىستان، قاراعاندى قالالارى مەن قاراعاندى وبلىسىندا 15 ملن تەڭگەگە دەيىن، ال قالعان وڭىرلەردە 12 ملن تەڭگەگە دەيىنگى باعا ۇسىنىلعان.

اكىمدىك كەزەگىندە تۇرعان ازاماتتار باعدارلاماعا قاتىسۋ تۋرالى جانە تولەم قابىلەتتىلىگىن باعالاۋ جونىندەگى وتىنىشتەرىن 2020 جىلدىڭ 17 تامىزىنان باستاپ 16 قىركۇيەگىنە دەيىنگى ارالىقتا تەك hcsbk.kz سايتى ارقىلى ەلەكتروندى تۇردە بەرە الادى. بۇل تۇرعىن ءۇي قۇرىلىس جيناق بانكىنىڭ كليەنتتەرىنە دە، ازىرشە بانكتەن سالىم اشىپ، كليەنتتەر قاتارىنا قوسىلىپ ۇلگەرمەگەن تۇرعىندارعا دا قاتىستى.

ءوتىنىش بەرۋ مەرزىمى 2020 جىلدىڭ 17 تامىزى مەن 16 قىركۇيەگى ارالىعىندا.

 

باعدارلاماعا قاتىسۋ ءۇشىن جاسالاتىن 6 قادام:

1-قادام:www.hcsbk.kz بانك سايتىنداعى "قولجەتىمدى تۇرعىن ءۇي/ "شاڭىراق" پيلوتتىق جوباسى ءبولىمى ارقىلى ەلەكتروندىق ءوتىنىش بەرۋ;

2-قادام:بانك سايتىندا ءوتىنىش بەرگەن كۇننەن باستاپ 3 كۇن ارالىعىندا بانك قىزمەتكەرىنىڭ قوڭىراۋىن كۇتىپ، وعان جاۋاپ بەرۋ. ول نەسيەلەندىرۋ شارتتارىنى مەن  باعدارلاما تالاپتارىن ءجىتى ءتۇسىندىرىپ، ءوتىنىش تاپسىرۋ ءۇشىن ءسىزدى بانك بولىمشەسىنە جازادى; 

3-قادام:تولەم قابىلەتتىلىگىڭىزدى باعالاۋ ءۇشىن قۇجاتتارىڭىزدى الىپ، بانك بولىمشەسىنە بەلگىلەنگەن ۋاقىتتا كەلۋ;

4-قادام:زايمدى ماقۇلداۋ جونىندە بانكتىڭ وڭ شەشىمىن الۋ;

5-قادام:بانك تالاپتارىنا ساي، جەكە قۇرىلىسشىلاردان جاڭا تۇرعىن ءۇي تابۋ (سونداي-اق، "تۇرعىن ءۇي قۇرىلىسىنا كەپىلدىك بەرۋ قورى" اق كەپىلدىگى بار)، ساتۋ-ساتىپ الۋ نەمەسە ۇلەستىك قاتىسۋ كەلىسىمدەرىن جاساۋ;

6-قادام:بانكتەن زاەم الۋ!

زاەمدى الۋ ءۇشىن ءوتىنىش بەرۋشىنىڭ جيناق شوتىندا نەسيە كولەمىنىڭ 10% كەم تۇسپەيتىن تۇرعىن ءۇي قۇرىلىس جيناعى بولۋ كەرەك.

اكىمشىلىك كەزەگىنە قاي ۋاقىتتان باستاپ ەسەپكە تۇرعانىڭىزدى eGov.kz سايتى ارقىلى نەمەسە جەرگىلىكتى اتقارۋشى بيلىك ورگاندارىنان بىلۋگە بولادى.

سوڭعى جاڭالىقتار

سال-سەرىنىڭ سوڭى

قازاقستان • كەشە

GGG – CANELO: ەر كەزەگى ۇشكە دەيىن...

كاسىپقوي بوكس • كەشە

الاش ارداقتىسىن تۇركى الەمى ۇلىقتادى

احمەت بايتۇرسىن ۇلى • كەشە

ءبىزدىڭ سايىن

ادەبيەت • كەشە

ماعجاننىڭ قاراسوزدەرى

ادەبيەت • كەشە

ساف اۋاداعى سەرۋەن

ەگەمەن قازاقستان • كەشە

ۇقساس جاڭالىقتار