كومباتتىڭ ورىنباسارى قىزمەت كورسەتەتىن ەكيپاجدى شاقىرىپ, پپب قىزمەت ينسپەكتورلارى ناراسان ءالىمجانوۆ پەن ەرنار مۇقانوۆ كومەككە كەلدى. جۇرگىزۋشى مەن پوليتسەيلەر كولىكتى ءبىر ساعاتتان اسا ۋاقىت بىرلەسە جوندەدى. «ولار باسىنان اياعىنا دەيىن بىرگە بولىپ, ماعان كومەكتەستى,- دەپ ەسىنە الدى يۋري يسماگۋلوۆ. – «شىنى كەرەك, ءتورت وفيتسەردىڭ ماعان كومەكتەسىپ, «قارا جۇمىسپەن» اينالىسىپ جاتقاندارىنا ءوزىم ىڭعايسىزدانىپ ەدىم ولار: ء«بىزدىڭ جۇمىسىمىز – جولداعى ءتارتىپ. سەن ورنىڭنان قوزعالمايىنشا, ءبىز ەشقايدا كەتپەيمىز» -دەدى. مەن 2000 جىلدان كولىك تىزگىندەپ كەلەمىن, جول ۇستىندە كوپتى كوردىم, بىراق بۇگىنگى كۇنگە دەيىن مىنانداي كوڭىل ءبولۋدى كەزدەستىرمەپپىن. بۇلار سەنۋگە بولاتىن ناعىز ازاماتتار ەكەن»...
ءبىرشاما ۋاقىت وتكەن سوڭ جولدا كەلە جاتقان اۋىر جۇك كولىگىنىڭ جۇرگىزۋشىسى پاترۋلدىك پوليتسەيلەرگە حابارلاسقان. پوليتسەيلەرگە رازى بولعان جۇرگىزۋشى العىسىن جاۋدىرىپ: «اقتوبەدە بولساڭىزدار, ەسىگىم ءاردايىم اشىق, مەنىڭ ءنومىرىمدى بىلەسىزدەر, قوناققا كەلىڭىزدەر...» - دەگەن ەكەن.
«جولاۋشىنىڭ قاۋىپتەن امان بولۋى – ءبىز ءۇشىن باستى العىس. العىس سوزدەرى قۋانىش سىيلاپ, قىزمەتتىڭ قيىن ساتتەرىندە ءتوزىمدى بولۋعا كومەكتەسەدى. سقو-دا جۇرگىزۋشىلەر دە كومەك كورسەتىپ تۇرادى, پوليتسەيلەردىڭ تۇرعانىن كورسە دە, ءوتىپ كەتپەي كومەكتەرىن ۇسىنىپ جاتادى. بۇل قۋانتادى, سەبەبى جول قوزعالىسى قاتىسۋشىلارىنىڭ ءبىر-بىرىنە قۇرمەت كورسەتۋى- جولداعى ءتارتىپتىڭ ماڭىزدى شارتتارىنىڭ ءبىرى», دەيدى ۋ.ورازالين.
