جىل باسىنان بەرى استانادا كاسىپكەرلەر سانى 6,5 پايىزعا ارتتى. مۇنىڭ ءوزى كاسىپكەرلەر لەگىنە تاعى 178 305 ادامنىڭ قوسىلعانىن بىلدىرەدى.
جىل باسىنان بەرى استانادا كاسىپكەرلەر سانى 6,5 پايىزعا ارتتى. مۇنىڭ ءوزى كاسىپكەرلەر لەگىنە تاعى 178 305 ادامنىڭ قوسىلعانىن بىلدىرەدى.
وڭتۇستىك قازاقستان وبلىسى سوزاق اۋدانىندا مۇمكىندىگى شەكتەۋلى 15 وتباسى باسپانالى بولدى. سالتاناتتى شاراعا وبلىس اكىمىنىڭ ورىنباسارى ەربول سادىر مەن اۋدان اكىمى امانعالي ايمۇرزاەۆ قاتىسىپ, مەملەكەت ساياساتىنىڭ ارقاسىندا الەۋمەتتىك ماسەلەلەردى شەشۋگە قازىنادان قوماقتى قارجى ءبولىنىپ, ەل يگىلىگى ءۇشىن كوپتەگەن وڭدى تىرلىكتەردىڭ اتقارىلىپ جاتقانىن تىلگە تيەك ەتتى.
وسكەمەندە ەندى بالىق جارمەڭكەسى وتكىزىلەدى. الداعى سەنبى كۇنى كەرۋەن كەرەتىن بۇل شاراعا وبلىس اكىمى بەردىبەك ساپارباەۆ باستاماشى بولدى. وسىعان وراي قالا باسشىلىعى ساۋداعا جاڭا اۋلانعان بالىقتارمەن قاتار, ءتىرى فورەل مەن سازانداردىڭ دا شىعارىلاتىنىن ايتىپ وتىر. مۇنىڭ سوڭى بالىق تاعامدارىنىڭ كونكۋرسىنا ۇلاسادى.
قىزىلوردا قالاسىندا شاعىن زاۋىت اشىلدى. قالاعا قاراستى اقسۋات اۋىلىندا جەكە كاسىپكەر اسحات نۇرسەيىتوۆتىڭ «بيزنەستىڭ جول كارتاسى-2020» باعدارلاماسى اياسىندا بوي كوتەرگەن كاسىپورنى قۇرىلىسقا قاجەتتى 320 ءتۇرلى تاس ونىمدەرىن شىعارادى.
پاۆلودار وبلىسىندا ورماندارعا قىرعاۋىلدى جەرسىندىرۋ جوباسى جۇزەگە استى. وبلىس اكىمى ەرلان ارىننىڭ باستاماسىمەن قولعا الىنعان شاراعا ساي اقتوعاي اۋدانى جاڭا اۋىل اۋماعىنداعى توعايعا 50 دالا قۇسى جىبەرىلدى. ونى «جاسىل ەل» ستۋدەنتتىك قۇرىلىس جانە جاستار جاساعىنىڭ وبلىستىق شتابى جۇرگىزدى.
جامبىل وبلىسىنىڭ شۋ اۋدانىندا ەسىرتكى تاسىمالداۋشى قولعا ءتۇستى. وسىندا جۇرگىزىلگەن جەدەل-ىزدەستىرۋ شارالارى كەزىندە «كوكقاينار» شەكارالىق بەكەتىندە توقتاتىلعان كولىكتەگى 38 جاستاعى جولاۋشىنىڭ سپورتتىق سومكەسىنەن 11 كيلو ماريحۋانا جانە 1 كيلوعا جۋىق گاشيش تابىلعان.
«قازاقپارات», «قازاقستان جاڭالىقتارى»,
Bnews.kz, TengriNews, EgemenNews
حابارلارى بويىنشا دايىندالدى.
