سونداي-اق, ولار شىمكەنت قالاسى اكىمدىگىندە مۇرات ايتەنوۆتىڭ تاپسىرماسىمەن قۇرىلعان كوروناۆيرۋسقا قارسى كۇرەس بويىنشا ارنايى سيتيۋاتسيالىق شتابتىڭ جۇمىسىمەن تانىستى. قالا باسشىسى وندا جۇقپالى دەرتپەن كۇرەستە اكىمدىك تاراپىنان اتقارعان جۇمىستار جايلى ايتىپ, بولاشاققا جاسالعان جوسپارلارىمەن ءبولىستى. ال اجار عينايات كۇزگى جانە قىسقى ماۋسىمدىق ينفەكتسيالىق اۋرۋلاردىڭ ورشۋىنە جول بەرمەۋ, كارانتيندىك شەكتەۋلەردىڭ الىنۋى كەزىندەگى جۇمىستاردى جۇيەلەۋ جونىندە ءسوز قوزعادى.
"ەگەر, كۇزدە ىندەتتىڭ ەكىنشى تولقىنى باستالار بولسا قالاداعى بارلىق مەديتسينالىق مەكەمەلەردىڭ رەزەرۆىندە توسەك-ورىندار مەن 2 ايلىق دارىلىك زاتتار قورى بار. ودان وزگە, ەپيدەميولوگ دارىگەرلەردىڭ بىلىكتىلىگىن ارتتىرۋ ماقساتىندا ارنايى سەمينارلار ۇيىمداستىرىلىپ, دايىندىق جۇمىستارى جۇرگىزىلىپ جاتىر", - دەدى قالالىق دەنساۋلىق ساقتاۋ باسقارماسى باسشىسىنىڭ م.ا تيميرحان ۆارزيلوۆ.
سونىمەن قاتار, اجار عينيات دارىگەرلەرمەن ونلاين بايلانىسىپ, پىكىرلەرىن تىڭداپ, جۇقپالى ىندەتپەن كۇرەستە ەرلىك تانىتقان ارىپتەستەرىنە العىس ايتتى.
"شىمكەنت قالاسىندا ينفەكتسيانىڭ تارالۋ دەڭگەيى تومەندەگەنىن كوردىم. بۇل ىندەت تەك ەلىمىزگە عانا ەمەس, الەمگە تونگەن قاۋىپ بولدى. وسى تۇستا ايانباي ەڭبەك ەتىپ جاتقان بارشاڭىزعا مينيسترلىك اتىنان العىسىمدى بىلدىرەمىن" - دەپ اتقارىلىپ جاتقان جۇمىستارعا وڭ باعاسىن بەردى.
شىمكەنتتە 14 تامىزداعى جاعداي بويىنشا COVID-19 ينفەكتسياسىن جۇقتىرعاندار سانى – 5134, ونىڭ ىشىندە 4285 ناۋقاس ىندەتىنەن جازىلعان. پروۆيزورلىق ورتالىقتاردا 2810 توسەك-ورىن بار بولسا, بۇگىندە ونىڭ 84 پايىزى بوس. 211 ءموبيلدى توپ 22 376 ناۋقاستىڭ ۇيىنە بارىپ العاشقى مەديتسينالىق كومەك كورسەتتى.
