جۋىردا عانا ومىردەن وتكەن قازاقستاننىڭ ەڭبەك ەرى, داڭقتى بالۋان جاقسىلىق ۇشكەمپىروۆ ەسىمى ەشقاشان ۇمىتىلمايدى. وسى ۋاقىتقا دەيىن تاراز قالاسىنداعى "تاراز-ارەنا" سپورت كەشەنىن جاقسىلىق ۇشكەمپىروۆ ەسىمىمەن اتاۋ ۇسىنىلعان بولاتىن. جامبىل وبلىسىنىڭ اكىمدىگى مەن ءماسليحاتىنىڭ بىرلەسكەن ۇسىنىسى ءماسليحات وتىرىسىندا ماقۇلداندى. وبلىس اكىمى بەردىبەك ساپارباەۆ جاقسىلىق ۇشكەمپىروۆتىڭ قازاق سپورتىنداعى قايتالانباس تۇلعا, ءبىرتۋار ازامات ەكەنىن اتاپ ءوتتى. سونداي-اق, وتاندىق كۇرەس مەكتەبىنىڭ قالىپتاسۋى مەن دامۋىنا دا قوسقان ۇلەسىن ايتا كەلىپ, اتالعان باستامانى قولداعانى ءۇشىن دەپۋتاتتارعا العىس ءبىلدىردى. ال, قايتا اتاۋ تۋرالى ۇسىنىس رەسپۋبليكالىق ونوماستيكالىق كوميسسيانىڭ قاراۋىنا جىبەرىلەتىن بولدى.
ايتا كەتەيىك, جاقسىلىق ۇشكەمپىروۆ 1951 جىلى 6 مامىر كۇنى جامبىل وبلىسى, بۇگىنگى بايزاق اۋدانى, تەگىستىك اۋىلىندا دۇنيەگە كەلگەن.
جامبىل وبلىسى
