"1985 جىلى تۋعان, 35 جاستاعى س.ازاماتشا بۇرىن قىلمىستىق جاۋاپكەرشىلىككە تارتىلعان, اڭقاۋ قالا تۇرعىندارىنا قارسى الاياقتىق جاساعان. اعىمداعى جىلدىڭ شىلدە ايىنىڭ ورتاسىندا ول اباي داڭعىلىمەن ساين كوشەسىنىڭ قيىلىسىندا تۇرىپ, سەنگىش ازاماتتارعا جاقىنداپ, جۇمىس قاجەت پا دەگەن سۇراقتارىن قويعان. ايەل كارانتيندى, كەيبىر ازاماتتاردىڭ قازىر جۇمىستان بوساتىلعانىن جانە ۋاقىتشا جۇمىس ىزدەۋى مۇمكىن دەگەن فاكتوردى پايدالاندى. س.ازاماتشا – جاقسى پسيحولوگ, ول زارداپ شەككەندەرمەن تەز ارادا سويلەسىپ, ولارعا تارتىمدى جالاقىسى بار مۇناي كومپانياسىنا جۇمىسقا ورنالاسۋعا كومەك بەرە الاتىندىعىنا سەندىردى. قىزمەتتەرى ءۇشىن ازاماتتاردان سىياقى الدى, بىراق كەيىننەن – اقشا دا, جۇمىس تا جوق. قازىرگى ۋاقىتتا ءبىزدىڭ بولىمگە ەكى ادام وسى ەپيزودتار بويىنشا جۇگىندى", – دەيدى اۋەزوۆ اۋداندىق پوليتسيا باسقارماسىنىڭ باستىعى الىشەر تۇرسىنبەتوۆ.
سونىمەن قاتار, پوليتسيا كۇدىكتىنىڭ قالانىڭ اۋماعىندا جانە باسقا اۋداندارىندا زاڭسىز ارەكەتتەر جاساعان بولۋى مۇمكىن ەكەنىن جوققا شىعارمايدى. وسىعان بايلانىستى ازاماتتارعا جۇگىنەدى. الداۋدىڭ باسقا ەپيزودتارى تۋىنداعان جاعدايدا پوليتسياعا مىنا نومىرلەر بويىنشا حابارلاسۋلارىڭىزدى سۇرايمىز: 8-701-852-60-94, 8-707-515-47-35.
