مەديتسينا • 13 تامىز، 2020

ەلورداداعى 27 مەديتسينالىق ۇيىمنىڭ جوسپارلى قىزمەتى قايتا جانداندى

38 رەت كورسەتىلدى

الەۋمەتتىك مەديتسينالىق ساقتاندىرۋ قورىنىڭ سايتىندا جوسپارلى ەمدەۋگە جاتقىزۋدىڭ قايتا جاڭارتىلعان ۋاقىتى، كۇنى كورسەتىلگەن مەديتسينالىق كومەك كورسەتەتىن ۇيىمداردىڭ تىزبەسى  بەرىلگەن.  تىزبە ۇنەمى جاڭارتىلىپ وتىرادى، - دەپ حابارلايدى Egemen.kz

2020 جىلدىڭ 1 تامىزىنان باستاپ نۇر-سۇلتان قالاسىندا جوسپارلى مەديتسينالىق كومەك كورسەتۋ قايتا جانداندى. ءبىرىنشى كەزەكتە، اۋرۋحاناعا جاتقىزۋدى رەسپۋبليكالىق دەڭگەيدەگى مامانداندىرىلعان كلينيكالار، كوپ بەيىندى اۋرۋحانالار، قالالىق اۋرۋحانالار (COVID-19-مەن كۇرەس جونىندەگى ءىس-شارالارعا قاتىسپايتىن قالعان ستاتسيونارلاردى كەزەڭ-كەزەڭىمەن قوسا وتىرىپ) جولعا قويا باستادى. ايتا كەتۋ كەرەك، ولاردىڭ ىشىندە جەكە كلينيكالاردىڭ سانى دا جەتكىلىكتى. نۇر-سۇلتان قالاسى بويىنشا جوسپارلى مەديتسينالىق كومەك قىزمەتتەرىن جەتكىزۋشىلەردىڭ تولىق تىزىمىمەن قوردىڭ سايتىندا (https://fms.kz/ru/content/pg). تانىسۋعا بولادى. ءتىزىم ۇنەمى جاڭارتىلىپ وتىرادى.

"كوروناۆيرۋسقا قارسى ءىس-شارالارعا قاتىسپايتىن مەديتسينالىق ۇيىمدار جۇمىسىن قايتا باستاۋعا مۇمكىندىك الدى. جوسپارلى مەديتسينالىق كومەك كورسەتۋ بويىنشا قۇرىلعان جوسپار ەپيدەميولوگيالىق جاعدايعا بايلانىستى وزگەرىپ وتىرادى"، –  دەپ اتاپ ءوتتى "الەۋمەتتىك مەديتسينالىق ساقتاندىرۋ قورى" كەاق نۇر-سۇلتان قالاسى بويىنشا فيليالى ديرەكتورىنىڭ ورىنباسارى ايناگۇل داۋلەتشينا.

بارىمىزگە بەلگىلى، كارانتيندىك شەكتەۋلەرگە بايلانىستى كوپتەگەن جوسپارلى مەديتسينالىق قىزمەتتەر ۋاقىتشا توقتاتىلعان بولاتىن. ەندى بۇل سالا قايتا جاندانعان كەزدە جوسپارلى مەديتسينالىق كومەكتى الۋشىلار سانى ايتارلىقتاي وسەدى دەپ كۇتىلۋدە. قاجەتتى سانيتارلىق-ەپيدەميولوگيالىق شارالاردى جاساعاننان كەيىن مەديتسينالىق ۇيىمدارعا ستاتسيونارلاردى اشۋعا رۇقسات بەرىلەدى.

سوڭعى جاڭالىقتار

ۇقساس جاڭالىقتار