ۇلىبريتانيادا «قار ادامى» جۇنىنە دنك ءاناليزى جۇرگىزىلدى. بۇل تۋرالى Segodnya.ua حابارلادى.
وكسفورد ۋنيۆەرسيتەتىنىڭ باسشىلىعى ءوز قىزمەتكەرىنىڭ زەرتتەۋ جۇرگىزىپ, «قار ادامىنىڭ» قۇپياسىن اشقانىن مالىمدەپ وتىر. ال وسى ءىستى قولعا العان گەنەتيك برايان سايكس گيمالاي تاۋىنان تابىلعان «يەتي» تۋرالى مىناداي شەشىمگە كەلدى. ول «قار ادامى» ءجۇنىنىڭ 40 مىڭ جىل بۇرىن تىرشىلىك ەتكەن, سيرەك كەزدەسەتىن پوليارلىق ايۋدىڭ گەنىمەن سايكەس كەلگەنىن ايتتى. وسىلايشا «يەتيدىڭ» ادامعا سايكەستىگى جوقتىعى انىقتالدى. ەندى برايان سايكس گيمالاي تاۋىندا الپينيستەردىڭ ۇرەيىن ۇشىرىپ جۇرگەن جانۋاردىڭ نە ەكەنىن انىقتاپ شىعۋ ءۇشىن ءوز زەرتتەۋلەرىن ءارى قاراي جالعاستىرا بەرمەك.
ايدار ورىسباەۆ.
