قالالىقتاردىڭ سۇراقتارىنا جاۋاپ بەرە كەلىپ, ب.ساعىنتاەۆ وسى جوبا اياسىندا تۇرعىنداردىڭ باستامالارى مەن ۇسىنىستارى نەگىزىندە جالپى قۇنى 14,5 ملرد تەڭگە بولاتىن 333 جوباعا ءوتىنىش بەرىلگەنىن ايتتى.2020 جىلى جالپى قۇنى 1,4 ملرد تەڭگە بولاتىن 55 جوبا ىسكە اسادى, سونىڭ ىشىندە قۇرىلىس سالاسى مەن اباتتاندىرۋعا قاتىستىلارى دا بار.
"بۇگىنگى ەفيردى پايدالانىپ, الماتىلىقتاردى "بيۋدجەتكە قاتىسۋ" جوباسىنا بەلسەندى قاتىسۋعا شاقىرامىن. كەلەر جىلى ورىندالاتىن جوبالارعا دا ىرىكتەۋ جۇرگىزىلەدى. قازىرگى كەزدە وتىنىشتەر قابىلدانۋدا. وزدەرىڭىزدىڭ اۋلالارىڭىز بەن ىقشاماۋداندارىڭىزدا قانداي جوبانى جۇزەگە اسىرۋ قاجەتتىگىن وزدەرىڭىز شەشەتىن بولاسىزدار», - دەپ اتاپ ءوتتى الماتى اكىمى.
وتكەن جىلى ءار اۋدانعا 500 ميلليون تەڭگەگە قاراجات قاراستىرىلعان بولاتىن. بۇگىنگى تاڭدا "بيۋدجەتكە قاتىسۋ" جوباسىنىڭ سوماسىن ەكى ەسە كوبەيتۋ ماسەلەسى قاراستىرىلىپ وتىر.
