سپورت • 11 تامىز، 2020

ەۆگەني حۋدياكوۆ: 56 شاقىرىمدى ءجۇزىپ وتكەندەر سيرەك

5 رەت كورسەتىلدى

وتكەن اپتادا «Egemen Qazaqstan» گازەتىندە سۋ سپورتىنان توكيو وليمپيا­داسىنا جولداما جەڭىپ العان ۆيتالي حۋدياكوۆتىڭ ىستىق­كولدىڭ ءبىر جاعالاۋىنان ەكىنشىسىنە دەيىنگى ارالىقتى ءجۇزىپ وتكەنى تۋرالى جازعان بولاتىنبىز («56 شاقىرىمدى ءجۇزىپ ءوتتى؟»، «EQ»، 7 تامىز، 2020 جىل). ءبىز ءۆيتاليدىڭ وزىمەن تىلدەسىپ كورگىمىز كەلگەن، الايدا سپورتشى ۇزاق قاشىقتىقتى باعىندىرىپ شارشاپ قالعانىن ايتتى. ءسويتىپ سپورتشىنىڭ اكەسى ءارى باپكەرى ەۆگەني حۋدياكوۆپەن تىلدەستىك.

– كەرەمەت ناتيجە كورسەتكەن سىزدەردى تاعى دا قۇتتىقتايمىز. ءۆي­تاليدىڭ بۇل ەرلىگى سپورت الە­مىندە قالاي باعا­لاندى؟

– ءجۇزۋ قاشىقتىعى – 56 شاقىرىم. بىردەن ايتايىن، الەمدە مۇنداي كورسەتكىشكە جەتكەندەر ساۋساقپەن سانارلىق قانا. ال ىستىقكولدىڭ 1600 مەتر بيىكتە جاتقانىن ەسكەرسەك، ورتا تاۋ دەڭگەيىندە مۇنداي جاعداي ءالى بولعان جوق. بۇرىن اتالعان كولدىڭ 36 شاقىرىمىنا دەيىن عانا جۇزگەندەر بار. بۇل ءبىزدىڭ تورەشىمىز، قىرعىزدىڭ تانىمال جۇزگىشى احمەد انارباەۆ. ول 1982 جىلى ىستىقكولدىڭ 36 شاقىرىمىن ءجۇزىپ ءوتتى. بۇل بۇگىنگە دەيىن ۇلكەن جەتىستىك سانالىپ كەلگەن. ءجۇزۋ كەزىندەگى نەگىزگى قيىندىقتار دەپ ءجۇزۋ قاشىقتىعىنىڭ ۇزاقتىعىن جانە سۋ تەمپەراتۋراسىنىڭ 20 گرادۋس­تان تومەندىگىن ايتار ەدىم. كارتادا 54 شاقىرىم دەپ كورسەتىلگەنىمەن، ورتا تاۋ دەڭگەيىندە قيىندىقتار ارتادى دا، جاعاعا جەتۋ ۋاقىتى ۇزارا تۇسەدى. حالىقارالىق فەدەراتسيا ەرەجەسى بويىنشا، سۋ تەمپەراتۋراسى 20 گرادۋستان تومەن بولسا، سپورتشى ارنايى كوستيۋم كيۋى ءتيىس (ۆيتالي TYR كوستيۋمىن كيدى). دەمەك، بۇل الەمدەگى ەڭ جوعارى جەتىستىك.

– ءجۇزۋ قارساڭىندا دايىندىق قالاي ءوتتى؟

– اشىق سۋدا ءساۋىر ايىندا جۇزە باستادىق. بار الەم كوروناۆيرۋس ىندەتىمەن بەتپە-بەت كەلگەندە، ءبىز ىستىقكولدە جاتتىعۋ جيىنىن وتكى­زۋ تۋرالى شەشىم قابىلدادىق. وقشاۋلانۋ كەزىندە بارلىق قاۋىپ­سىزدىك شارالارىن ساقتاپ، جاتتىعۋعا مۇم­كىندىك بار. وليمپيا ويىندارىن كەيىنگە شەگەرگەن سوڭ، وسىنداي قادامعا باردىق. الدىمەن ازعان­تاي شاقىرىمداردى ەڭسەردىك. العا­شىندا 12 شاقىرىم، كەيىن 35 شاقى­رىم، تاعى ءبىر باقىلاۋ كەزىندە 25،5 شا­قىرىمدى باعىندىردىق. توزىم­دىلىكتى ارتتىرۋ ءۇشىن كوپ جۇمىس ىستەدىك. مۇندا ارنايى بازا مەن جاتتىعۋ كەشەندەرى بار. سونداي-اق ۆيتالي 43 شاقىرىمدىق مارافونعا جۇگىردى، جارتىلاي مارافوندارعا قاتىستى. ودان بولەك، سۋدا كۇنىنە ەكى رەت جاتتىعۋ جاسادىق. الاڭسىز جاتتىعۋ ءۇشىن ۇلتتىق وليمپيادا كوميتەتى بار مۇمكىندىكتى ۇسىندى.

– قازىر سپورتشىنىڭ جاعدايى قالاي؟

– ءجۇزىپ كەلگەن سوڭ ازداعان قيىن­دىقتار بولدى. ويتكەنى قايتار جولدا ۇلكەن تولقىنعا تاپ بولدىق. كەيىن جاعدايى جاقساردى، ءوز جۇمىسىنا ريزا. اشىق سۋدا ءجۇزۋ سپورتشىلار ءۇشىن وڭاي ەمەس. سۋدىڭ اعىسى، تول­قىنى، تەمپەراتۋراسى ۇلكەن ءرول وي­نايدى. دەگەنمەن، مۇنىڭ ءبارى قا­زىرگى قيىندىقپەن كۇرەسىپ جات­قان دارىگەرلەر ەرلىگىنىڭ قاسىندا ەشتەڭە ەمەس. وسى جەتىستىگىمىزدى ءبىز عا­لامدىق ىندەتپەن كۇرەسىپ جاتقان­دارعا ارناعىمىز كەلەدى. ۆيتا­لي مەن بارشا كوماندا اتىنان حالىقتىڭ دەنساۋلىعى ءۇشىن كۇرەسىپ جاتقاندارعا العىس ايتامىز. 

– سۇحباتىڭىزعا راحمەت.

 

اڭگىمەلەسكەن

ايگەرىم توقسانبەك،

ارنايى «Egemen Qazaqstan» ءۇشىن

 

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار