اباي • 10 تامىز، 2020

جاس كىتاپحاناشىلاردىڭ ءىى سلەتى اباي مۇراسىنا ارنالدى

34 رەت كورسەتىلدى

زاعيپ جانە ناشار كورەتىن ازاماتتارعا ارانالعان رەسپۋبليكالىق كىتاپحاناسى جاس كىتاپحاناشىلارىنىڭ II Cلەتىن وتكىزدى. «جاستار جانە ابايدىڭ رۋحاني قۇندىلىقتارى» تاقىرىبىن ارقاۋ ەتكەن سلەت ء«بىز ساتتىلىكتى تاڭدايمىز!» ۇرانىمەن ونلاين رەجيمدە Zoom پلاتفورماسىندا ءوتتى، - دەپ حابارلايدى Egemen.kz.

ابايدىڭ 175 جىلدىق مەرەيتويىنا وراي ۇيىمداستىرىلعان سلەت اياسىندا كىتاپحانا ديرەكتورى اسحات بايۇزاقوۆ ادامزاتتىڭ رۋحاني قازىناسىنا قوسقان ولشەۋسىز ۇلەس قسقان حاكىم مۇراسىنىڭ ماڭىزدىلىعىنا توقتالدى.

سلەت جۇمىسىنا قر مادەنيەت جانە ونەر ءىسى دەپارتامەنتىنىڭ ديرەكتورىنىڭ ورىنباسارى م.ارعىنبەكوۆ، م.و. اۋەزوۆ اتىنداعى ادەبيەت جانە ونەر ينستيتۋتى ديرەكتورىنىڭ ورىنباسارى ە.سۇلتان، ءنوۆوسىبىر وبلىستىق زاعيپ جانە ناشار كورەتىن ازاماتتارعا ارنالعان ارنايى كىتاپحانا ديرەكتورى يۋ. لەسنەۆسكي، سانكت-پەتەربۋرگ مەملەكەتتىك زاعيپ جانە ناشار كورەتىن ازاماتتارعا ارنالعان ارنايى كىتاپحاناسىنىڭ دامۋ ءبولىمىنىڭ جەتەكشى ادىسكەرى، جاستار كەڭەسىنىڭ توراعاسى م.نازاروۆ; كوكشەتاۋ قالالىق اقپاراتتىق كىتاپحانا جۇيەسىنىڭ ديرەكتورى ا. ابىشەۆا، ت.ب. قاتىستى.

 «اباي – الەمدىك دەڭگەيدەگى ويشىلداردىڭ قاتارىنداعى عاجايىپ تۇلعا» تاقىرىبىنا ارنايى كىتاپحانالار ماماندارىمەن قاتار شەتەلدىك ارىپتەستەر بايانداما جاسادى. اتاپ ايتقاندا، كۋزباسس ارنايى كىتاپحاناسىنىڭ، م.ح. تۋحۆاتشين اتىنداعى باشقۇرت رەسپۋبليكالىق زاعيپتارعا ارنالعان كىتاپحاناسىنىڭ ونلاين رەجيمدەگى قىزمەتى، «ا. قۇنانباەۆتىڭ 175 جىلدىعىنا ارنالعان ونلاين شارالاردى دايىنداۋ بويىنشا زاعيپتار ءۇشىن رەسەي مەملەكەتتىك كىتاپحاناسىنىڭ جۇمىسى، ت.ب. تاقىرىپتاردا باياندامالار تىڭدالدى.  سلەت قاتىسۋشىلارى ونلاين كونفەرەنتسيا قارارىمەن تانىسىپ، ماراپاتتاۋ راسىمىنە قاتىستى. ء«ىزباسارى ابايدىڭ» اتتى رەسپۋبليكالىق ونلاين بايقاۋىنىڭ ناتيجەسىنە وراي 7 اتالىم بويىنشا 21 وقىرمان I، II، III دارەجەلى ديپلومدارمەن ماراپاتتالىپ، اباي قۇنانباەۆتىڭ «دۇنيەدە ءسىرا سەندەي ماعان جار جوق...» MP3 فورماتتاعى كىتاپحانا دىبىس جازۋ ستۋدياسىنان شىققان كىتابى سىيعا تارتىلدى. ال «برايل جۇيەسىندە شىعارىلعان ۇزدىك باسىلىمدار» رەسپۋبليكالىق بايقاۋىنىڭ جۇلدەگەرلەرىنە I، II، III دارەجەلى ديپلومدار جانە اقشالاي سىيلىقتار تابىستالدى.

زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانا ءنوۆوسىبىر وبلىستىق زاعيپ جانە ناشار كورەتىن ازاماتتارعا ارنالعان ارنايى كىتاپحاناسىمەن 2017 جىلى مەموراندۋمعا قول قويعان بولاتىن.  سلەت اياسىندا موسكۆا قالاسىنداعى زاعيپ ازاماتتارعا ارنالعان رەسەي مەملەكەتتىك كىتاپحاناسى جانە تاتارستان رەسپۋبليكالىق زاعيپ جانە ناشار كورەتىن ازاماتتارعا ارنالعان ارنايى كىتاپحانالارى ىنتىماقتاستىققا قول قويىلدى.

سلەت قر ۇلتتىق اكادەميالىق كىتاپحاناسى مەن «قازاقستاندىق كىتاپحانالىق وداق» زتب بىلىكتى جاس ماماندارىنىڭ «قازاقستاندىق ۇلتتىق ەلەكتروندى كىتاپحانا قازاقستاننىڭ عىلىمي جانە مادەني رەسۋرسى رەتىندە» جانە «كىتاپحانا ىسىندە اقپاراتتىق تەحنولوگيالاردىڭ قولدانىلۋى» تاقىرىپتارىندا سەمينار-ترەنينگتەرمەن جالعاسىن تاپتى. ونىڭ بارىسىندا «ەلەكتروندى مەملەكەتتىك كىتاپحانا قورى - قازاقستاننىڭ ۇلتتىق ەلەكتروندى كىتاپحاناسى» جوباسىنىڭ جۇزەگە اسۋى، كىتاپحانا ىسىندە اقپاراتتىق تەحنولوگيالاردىڭ قولدانىلۋى جايىندا ماعلۇماتتار بەرىلدى.

سلەت جۇمىسى حالىقارالىق ونلاين ۆەبينارلارمەن جالعاستى. ال «سپورتتا شەكارا جوق» - «توقتاتۋعا بولمايتىن كوماندا» تاقىرىبىنداعى حالىقارالىق ونلاين ۆەبيناردا ءواتىسۋشىلار سالاۋاتتى ءومىر سالتىن ناسيحاتتاپ، مۇمكىندىگى شەكتەۋلى جانداردى ءوز-وزىنە سەنىمدىلىككە باۋلۋ تاقىرىبىن تالقىلادى.

ەكى كۇنگە سوزىلعان سلەت جۇمىسى قاتىسۋشىلار ءۇشىن  پايدالى، قۇندى اقپاراتقا تولى بولدى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار