اباي • 10 تامىز، 2020

الماتىدا زيالى قاۋىم وكىلدەرى اباي ەسكەرتكىشىنە گۇل شوقتارىن قويدى

33 رەت كورسەتىلدى

الماتى قالاسىندا زيالى قاۋىم وكىلدەرى اباي ەسكەرتكىشىنە گۇل شوقتارىن قويىپ، ۇلى حاكىمنىڭ رۋحىنا تاعزىم ەتتى، - دەپ حابارلايدى Egemen.kz.

اباي الاڭىندا وتكەن شاراعا شاھار اكىمى باقىتجان ساعىنتاەۆ، اكادەميك مەكەمتاس مىرزاحمەتوۆ، بەلگىلى قالامگەرلەر ولجاس سۇلەيمەنوۆ، مۇرات اۋەزوۆ، روللان سەيسەنباەۆ، م.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ، قازاقستان جازۋشىلار وداعى توراعاسىنىڭ ءبىرىنشى ورىنباسارى اقبەرەن ەلگەزەك قاتىستى.

ۇلى اقىننىڭ اسىل مۇراسىن ناسيحاتتاۋ مەن جاس ۇرپاق بويىنا سىڭىرۋدەگى يگى ءىستىڭ جالعاسىنداي ەلىمىزدىڭ بارلىق وڭىرلەرىندە اباي كۇنىن اتاپ وتۋگە بايلانىستى جوسپارلانعان جۇزدەگەن شارالار وتۋدە. الداعى ۋاقىتتا پرەزيدەنت تاپسىرماسىنا وراي گۋمانيتارلىق پاندەردىڭ بولىنبەس بولشەگى رەتىندە "ابايتانۋ" كۋرسىن وقىتۋ، سونىمەن قاتار جاڭا فيلوسوفيالىق جانە ساياسي ۇستانىم تۇرعىسىنان "ابايتانۋ" وقۋلىعى مەن حرەستوماتياسى ازىرلەنەتىن بولادى. بۇل باعىتتا جۇرگىزىلەتىن زەرتتەۋ جۇمىستارى ەلىمىزدىڭ عالىمدارى ءۇشىن دە اباي الەمىن تەرەڭنەن تانۋعا مۇمكىندىك بەرەدى.

قالا اكىمى "ابايدىڭ تۋعان كۇنى رەسمي مەرەكە بولىپ بەلگىلەندى. بۇل كۇن قازاقتىڭ مادەنيەتىن، ادەبيەتى مەن پوەزياسىن بەينەلەيدى. پرەزيدەنت جاريالاعان ۇلى ويشىل جانە جازۋشىنىڭ 175 جىلدىعى اقىننىڭ پوەتيكالىق، فيلوسوفيالىق ەڭبەكتەرىنىڭ عىلىمي-زەرتتەۋ جۇمىسىن جانداندىرماق. ابايدىڭ مۇراسى ءالى زەرتتەلۋ كەرەك. بۇل رەتتە ۇلى اباي ايتقان پرينتسيپتەر، ياعني ەڭبەكقورلىق، بىلىمگە دەگەن قۇشتارلىق، ادامزاتتى ءسۇيۋ مەن وي تازالىعى تۋرالى پىكىرلەرى وزەكتىلىگىن جويمايدى. اباي كۇنى قۇتتى بولسىن!" - دەپ جازدى جەكە پاراقشاسىندا.

ابايدىڭ باعا بەتپەس مول مۇراسى تاريحى، مادەنيەتى مەن ادەبيەتىن تۋ ەتكەن حالىق ءۇشىن ۇلتتىق ساناسى، رۋحانياتىنىڭ قايتا جاڭعىرۋىنىڭ، قوعامنىڭ وركەنيەت كەڭىستىگىنە ۇمتىلىسىنداعى قوزعاۋشى كۇشى رەتىندەگى ءرولى زور.

الماتى

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار