ايماق باسشىسى الدىمەن اۆتوجول سالاسىنداعى ەڭ ءىرى جوبا – مەركى-شۋ-بۋرىلبايتال تاس جولىنىڭ 266 شاقىرىمدىق قۇرىلىسىنا ەرەكشە نازار اۋداردى. قىتايلىق مەردىگەر كومپانيا وكىلىنىڭ ايتۋىنشا, جۇمىستارعا 500-گە جۋىق ادام مەن 271 تەحنيكا جۇمىلدىرىلعانىمەن, ءبىر قاراعاندا, بۇل جەردەن ونداي جۇمىسشىلاردىڭ سانى بايقالمايدى. قالعاندارى زەرتحانا, ۇساقتاۋ قوندىرعىسىنا قىزمەت كورسەتۋ سەكىلدى بولىمشەلەردە ەڭبەك ەتۋدە.
بۇگىنگى تاڭدا 18 شاقىرىمعا اسفالت, 20 شاقىرىمعا نەگىزگى جول جابىندىسى توسەلگەن. جاڭا اسفالتبەتون زاۋىتىن ىسكە قوسۋ-رەتتەۋ جۇمىستارى اياقتالىپتى. مەردىگەر تاس جولدىڭ ءبىر باعىتىن وسى جىلى اياقتاۋعا بەرگەن ۋادەسىن تاعى دا راستادى. دەگەنمەن اسا سەنىمدى ەمەس دەسەك تە, ولار تاپسىرمانى ورىنداۋ ءۇشىن بار كۇشىن سالماق. بەردىبەك ساپارباەۆ №8 كارەردە قۇم ءوندىرۋدىڭ رۇقسات ەتىلگەن كولەمىن ۇلعايتۋ ماسەلەسىن شەشۋگە, سونداي-اق شەتەلدىك مامانداردىڭ قازاقستانعا شەتەلدىك مامانداردىڭ كىرۋىنە كومەك كورسەتۋگە ۋادە بەردى.
– اۋا رايى سۋىماي تۇرعاندا الداعى ءۇش اي ىشىندە بارلىق توپىراق جۇمىستارىن اياقتاپ ۇلگەرۋ ءۇشىن ەكى اۋىسىمدا جۇمىس ىستەۋ قاجەت. ماسەلە تۋىنداعان جاعدايدا اۋدان اكىمىنە تىكەلەي حابارلاسىڭىزدار, -– دەدى بەردىبەك ساپارباەۆ.
وبلىس اكىمى پاندەميامەن كۇرەستىڭ قيىن كەزەڭىندەگى بيزنەستىڭ الەۋمەتتىك جاۋاپكەرشىلىگى ماسەلەسىن دە كوڭىل ءبولدى. قىتايلىق ينۆەستورلار قورعانىس كوستيۋمدەرى مەن ماسكالار ساتىپ الۋعا كومەكتەسسە, ەندى ولار قايىرىمدىلىق قورىنا قارجى اۋدارۋعا نيەتتى.
قازان ايىنىڭ ورتاسىندا قۋاتتىلىعى ساعاتىنا 140 توننا اسفالت پەن 150 تەكشە مەتر قيىرشىق تاس شىعاراتىن "Standart Constraction" جشس اسفالت-بەتون زاۋىتى جۇمىس ىستەي باستاماق. قۇنى 300 ميلليون تەڭگە بولاتىن نىساننىڭ قۇرىلىسىندا 40 ادام تەر توگۋدە. سەرىكتەستىك باسشىسى مۇحامبەتالى شالقاربەكوۆتىڭ ايتۋىنشا, بيتۋم وندىرەتىن زاۋىتتى دا ىسكە قوسۋ جوسپارىندا بار ەكەن. بۇل جوبانى ايماق باسشىسى قولدايتىنىن ءبىلدىردى, ويتكەنى جەرگىلىكتى جول قۇرىلىسىندا وسى ماتەريالدىڭ جەتىسپەۋشىلىگى تۋىنداپ وتىرعانى جاسىرىن ەمەس.
«مەركى-شۋ-بۋرىلبايتال» ءىرى جوباسىنان باسقا, شۋ اۋدانىندا 128 كوشە, ونىڭ ىشىندە شۋ قالاسىندا 48 كوشە جوندەۋدەن وتۋدە. شاعىن جوبالاردى ءۇش كومپانيا جەڭىپ العان دەسەك, "ارحات-وركەندەۋ" - 76 كوشە, "التاي بيلدينگ" - 15 جانە "رزدي-قۇرىلىس" - 37 كوشە. ايماق باسشىسى شۋ قالاسىنىڭ قازاق كوشەسىندە جوندەۋ جۇمىستارىن جۇرگىزىپ جاتقان «ارحات-وركەندەۋ» جشس جەتەكشىلەرىن اڭگىمەگە تارتتى. اتالعان سەرىكتەستىككە تيەسىلى نىسانداردىڭ جالپى قۇنى ءبىر ميلليارد تەڭگەنى قۇرايدى, الايدا ولارداعى جۇمىس قارقىنى باياۋ جۇرۋدە. بۇل ورايدا باسقا مەردىگەرلەردەگى جاعداي دا اسا ءماز ەمەستىگى بايقالادى.
- اعىمداعى جىلى تەندەرلەردىڭ 99 پايىزىن جەرگىلىكتى كومپانيالار جۇزەگە اسىرۋدا. سىزدەر جۇمىس جاساعىلارىڭىز كەلدى, وعان قول جەتكىزدىڭىزدەر, ال ەندى نەگە ساپالى جۇمىس اتقارمايسىزدار؟ ەگەر سىزدەر تاپسىرىلعان شارۋانى بەلگىلەنگەن مەرزىمدە ورىنداي الماساڭىزدار, وندا سىزدەرگە دەگەن سەنىم جوعالادى, - دەدى بەردىبەك ساپارباەۆ.
اعىمداعى ۆەگەتاتيۆتى ماۋسىمدا شارۋالار سۋارۋ سۋىنا قاتىستى قيىن جاعدايدى باستان وتكەرۋدە. وزەندەر تاياز بولىپ, قويمالارىندا سۋدىڭ كاز مولشەرى جينالعان. بۇل شامامەن 200 ميلليون تەكشە مەتر ىلعال جينالعان تاسوتكەلدىڭ تەحنوگەندىك رەزەرۆۋارىنا دا قاتىستى. الايدا, "قازسۋشار "رمك وبلىستىق فيليالىنىڭ باسشىسى قازىبەك بەدەباەۆتىڭ ايتۋىنشا, بۇل اعىمداعى جىلى جەرگىلىكتى شارۋاشىلىقتاردىڭ قاجەتتىلىكتەرىن قاناعاتتاندىرۋ ءۇشىن جەتكىلىكتى بولۋى ءتيىس. بۇگىندە مۇندا بوگەتتى سەيسميكالىق تۇرعىدان نىعايتۋ جانە قويماعا ىلعال ارتىعىمەن تولعان جاعدايدا اۆاريالىق سۋ اعىزۋ جۇيەسىن قۇرۋ بويىنشا جۇمىستار جۇرگىزۋ جوسپارلانىپ وتىر.
الايدا, وعان ءالى ەرتە. ويتكەنى, سىيىمدىلىعى 620 ميلليون تەكشە مەتر بولاتىن قويماعا ىلعالدىڭ مول بولعان جىلداردىڭ وزىندە 540 ميلليونعا تەكشە مەتر سۋ جينالعاندىعى بايقالعان. وعان قوسا اتالعان جوبا وتە قىمبات, قۇنى 1,9 ميلليارد تەڭگەگە باعالانۋدا.
"ەگەر قويمادا كوپ مولشەردە سۋ بولماسا, وندا اۆاريالىق سۋ اعىزۋ نەگە كەرەك؟ قازىر ءبىز ءۇشىن ەڭ باستىسى – ىلعالدىڭ مۇمكىندىگىنشە كوپ مولشەردە ساقتالۋىن قامتاماسىز ەتىپ, سۋ ماسەلەسىندە كورشىلەرگە دەگەن تاۋەلدىلىكتى شەشۋ. سوندىقتان ماسەلەنى اۋقىمدى تۇردە شەشۋ كەرەك", دەدى ايماق باسشىسى.
ونىڭ پىكىرىنشە, تاسوتكەل سۋ قويماسىنىڭ سىيىمدىلىعىن ءبىر ميلليارد تەكشە مەترگە دەيىن ۇلعايتۋ باعىتىندا جوبانى قايتا قاراۋ قاجەت, ول سۋارمالى جەرلەردىڭ كولەمىن ەداۋىر ارتتىرۋعا مۇمكىندىك بەرمەك. بۇل مول ءونىم جيناۋ, جاڭا جۇمىس ورىندارىن قۇرۋ جانە جامبىلدىقتاردى ءوز ازىق-ت ۇلىگىمەن قامتاماسىز ەتۋگە مۇمكىندىك بەرەدى. كوكتەمگى سۋ تاسقىنى كەزدە قۇمعا سۋ جىبەرمەس ءۇشىن, رەزەرۆۋاردىڭ ءتۇبىن تازالاپ, بوگەتتىڭ قابىرعاسىن بيىكتەتۋ كەرەك. ءوڭىر باسشىسى ەسكيزدىك جوسپاردى ازىرلەۋ ءۇشىن جوبالاۋشىلاردى شاقىرۋدى تاپسىردى.
مۇندا بەردىبەك ساپارباەۆ قۇنى 1,6 ميلليارد تەڭگە بولاتىن "ا&ت ەنەرگو" كومپانياسىنىڭ سۋ ەلەكتر ستانتسياسىنىڭ ەكىنشى كەزەگىنىڭ قۇرىلىس بارىسىمەن تانىستى. ول جوبا بويىنشا ستانتسيا قۋاتتىلىعى 4,6-دان 9,2 مۆت-قا دەيىن ەسەلەنبەك. بۇگىنگى كۇنى وندىرىلەتىن ەنەرگيا جامبىل ەلەكتر جەلىلەرى جۇيەسىنە جىبەرىلەدى دەسەك, ال ەنەرگەتيكالىق كومپانيا جىل سايىن اۋداندىق بيۋدجەتكە 100 ميلليون تەڭگەگە دەيىن اۋدارادى.
شۋ قالاسىنا جۇمىس ساپارى كەزىندە ايماق باسشىسى جوسپاردان تىس اۋدانداعى ۇزدىكتەردىڭ ءبىرى سانالاتىن جەرگىلىكتى گيمنازياعا ارنايى ات باسىن بۇردى. 1956 جىلى ىرگەسى قالانعان ەسكى عيماراتقا بىرنەشە جىل بۇرىن قوسىمشا ەكى قاباتتى عيمارات قوسىلعان. قازىرگى ۋاقىتتا ءبىلىم ورداسىندا جىلى سانيتارلىق توراپ جابدىقتالۋدا. مۇندا 630 بالا وقىسا, جاڭا وقۋ جىلىندا ءبىرىنشى سىنىپقا 65 وقۋشى قابىلدانادى. قالا گازبەن قامتىلعانىنا قاراماستان, گيمنازيا ءالى كۇنگە دەيىن كومىرمەن جىلىتىلادى. ءوڭىر باسشىسى اۋدان اكىمى نۇرجان كالەندەروۆكە جىلىتۋ ماسەلەسىن شەشۋدى, سونداي-اق ءبىرىنشى سىنىپ وقۋشىلارىن ءداستۇرلى تاسىلمەن وقىتۋ جايىن پىسىقتاۋدى تاپسىردى.
