باعدارلامالار • 08 تامىز، 2020

اۋىل شارۋاشىلىعى مينيسترلىگى گەرمانيالىق ينۆەستورلارعا پەرسپەكتيۆالى سالالاردى بەلگىلەدى

34 رەت كورسەتىلدى

قازاقستان مەن گەرمانيانىڭ اگروونەركاسىپتىك كەشەنى ىنتىماقتاستىعى اياسىنداعى جۇمىستار جايلى اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ گفر ازىق-ت ۇلىك جانە اۋىل شارۋاشىلىعى فەدەرالدى مينيسترلىگىنىڭ پارلامەنتتىك ستاتس-حاتشىسى ۋۆە فايلەرمەن تالقىلادى. كەزدەسۋ ىسكەرلىك جانە عىلىمي ورتا وكىلدەرىنىڭ قاتىسۋىمەن ونلاين-فورماتتا ءوتتى. بەينەكونفەرەنتسيادا تاراپتار اگرارلىق سالا پروبلەمالارىن، ونىڭ ىشىندە COVID-19 پاندەمياسىنىڭ تاماق ونىمدەرىن ءوندىرۋ مەن وتكىزۋگە تيگىزگەن اسەرىن تالقىلادى. بۇل تۋرالى اشم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

سونداي-اق جوبالىق قىزمەت شەڭبەرىندە جاقىن اراداعى ءبىر جىلعا ارنالعان تىعىز ىنتىماقتاستىق باعىتىن بەلگىلەدى.

ساياسي جانە قوعامدىق پىكىرتالاستاردا COVID-19 تاقىرىبى وزەكتى بولىپ تابىلادى. كوروناۆيرۋس ينفەكتسياسىنىڭ تارالۋى ەكونوميكانىڭ بارلىق سالالارىنا، سونىڭ ىشىندە اۋىل شارۋاشىلىعىنا دا اسەر ەتتى. پاندەميانىڭ بەلسەندى ارەكەتى كەزىندە كوپتەگەن ەلدەر ءوز شەكارالارىن جاۋىپ، اۆتوكولىكتەردىڭ قوزعالىسىن شەكتەدى، بۇل ازىق-ت ۇلىك ونىمدەرىن ۋاقتىلى جەتكىزۋگە كەدەرگى بولدى. كوپتەگەن شارۋاشىلىق ءالى كۇنگە دەيىن جۇمىسشىلاردىڭ جەتىسپەۋشىلىگىن باستان كەشۋدە-وسى جانە باسقا دا كوپتەگەن پروبلەمالار ازىق-ت ۇلىك قاۋىپسىزدىگىنىڭ ماڭىزدىلىعىن ايقىندادى.

ء"تيىستى قورىتىندى جاساپ، پاندەميا جالعاسقان جاعدايدا قاۋىپ-قاتەرگە دايىن بولۋ كەرەك. بۇل باعىتتى گەرمانيا ەۋرووداق كەڭەسىنە توراعالىق ەتكەن كەزدەن باستاپ ستراتەگيالىق باعىت رەتىندە بەلگىلەدى"، دەپ اتاپ ءوتتى ءوز بايانداماسىندا پارلامەنتتىك ستاتس-حاتشى ۋۆە فەيلەر.

"شارۋالار ءۇشىن العا قويعان ماقساتتار ورىندالۋى كەرەك. ولاردى قولداۋ كەرەك. بۇل باعىتتاعى ىلگەرىلەۋ كوپجىلدىق قارجىلاندىرۋ باعدارلاماسى بويىنشا ءارى قارايعى كەلىسسوزدەرگە، بىرلەسكەن اگروونەركاسىپ ساياساتى جانە فەرمەرلىك شارۋاشىلىق ستراتەگياسىنا بايلانىستى. ەاەو-دا جانۋارلاردىڭ ءال-اۋقاتىنا جانە كەڭەيتىلگەن قورەكتىك قۇندىلىقتارعا قاتىستى بىرىڭعاي ساپا بەلگىسىن قۇرۋ قاجەت"، دەدى ول.

بۇل باعىتتار گەرمانيا مەن قازاقستان ىنتىماقتاستىعىنىڭ ەكىجاقتى باعدارلاماسى شەڭبەرىندەگى جوبالىق جۇمىستاردا كورىنىس تابادى. نەمىس تاراپى ءوز اگرارلىق ازىق-ت ۇلىك سەكتورىن دامىتۋدا قولداۋ كورسەتۋ ءۇشىن شەتەلدىك ارىپتەستەرمەن تاجىريبە الماسۋعا دايىن ەكەنىن ءبىلدىردى.

ءوز كەزەگىندە، قر اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ قازىرگى ەكونوميكالىق جاعدايدا قازاقستاندىق اگرارلىق سالانى دامىتۋ ۆەكتورلارى اۋىل شارۋاشىلىعى ونىمدەرىن قايتا وڭدەۋدى تەرەڭدەتۋگە، ازىق-ت ۇلىك ونىمدەرىن ءوندىرۋدى ۇلعايتۋ ەسەبىنەن ەلدىڭ ازىق-ت ۇلىك قاۋىپسىزدىگىن قامتاماسىز ەتۋگە جانە يمپورتتى الماستىرۋعا باعىتتالاتىنىن ايتتى.

ا.ساپاروۆتىڭ ايتۋىنشا، اۋىل شارۋاشىلىعىنداعى ەڭبەك ونىمدىلىگىن ارتتىرۋ ءۇشىن سالانى تەحنيكالىق جانە تەحنولوگيالىق تۇرعىدان قايتا جاراقتاندىرۋعا باسا نازار اۋدارىلاتىن بولادى. وسىمدىك شارۋاشىلىعىندا ءبىرىنشى كەزەكتە ساپالى تۇقىم، تىڭايتقىشتاردى قولدانۋ، زاماناۋي تەحنيكالار. مال شارۋاشىلىعىندا اسىل تۇقىمدى مال ۇلەسى ۇلعايتىلادى.

"بۇگىنگى كۇنى ۆەدومستۆو الدىندا ءوندىرىستى بارىنشا دامىتۋ مىندەتى تۇر، سول ارقىلى باسىم باعىتتارداعى ينۆەستيتسيالىق جوبالاردى ىسكە اسىرۋ ارقىلى يمپورتقا تاۋەلدىلىكتى ازايتۋعا بولادى"، دەدى ول.

"اۋىل شارۋاشىلىعى مينيسترلىگى يمپورتتى الماستىرۋمەن جانە ەكسپورتتى دامىتۋعا تىكەلەي بايلانىستى سالالارعا ينۆەستيتسيا سالۋدىڭ ەڭ پەرسپەكتيۆالى باعىتتارىن ءبولدى: ەت، سيىر، قوي جانە شوشقا ەتىن قوسا العاندا، ەت ءوندىرۋ، قايتا وڭدەۋ، ءسۇت، جەمىس-جيدەك پەن كوكونىستەردى ءوندىرۋ جانە وڭدەۋ، ونىڭ ىشىندە جىلىجاي كوكونىستەرى; مايلى داقىلدار مەن ءداندى داقىلداردى قايتا وڭدەۋ، سونىمەن قاتار جىل سايىن ەلدە جانە الەمدە تانىمال بولا تۇسەتىن ورگانيكالىق ونىمدەر ءوندىرىسى"، دەپ تولىقتىردى ءبىرىنشى ۆيتسە-مينيستر.

سونىمەن قاتار، تاراپتار گەرمانيا-قازاقستان اگرارلىق-ساياسي ديالوگىنىڭ ەكىجاقتى ىنتىماقتاستىق جوباسىن جۇزەگە اسىرۋدى تالقىلادى.

گكاپد – 2009 جىلى قازاقستان رەسپۋبليكاسىنىڭ اۋىل شارۋاشىلىعى مينيسترلىگى مەن گەرمانيا فەدەراتيۆتىك رەسپۋبليكاسىنىڭ ازىق-ت ۇلىك جانە اۋىل شارۋاشىلىعى فەدەرالدى مينيسترلىگى اراسىندا قۇرىلعان ەكىجاقتى ىنتىماقتاستىق جوباسى.

اگرارلىق-ساياسي ديالوگ وكىلدەرى بەينەكونفەرەنتسياعا قاتىسۋشىلاردى الداعى جىلدىڭ جوسپارلارىمەن تانىستىردى. جۇمىس ەكى باعىتتا – ورگانيكالىق اۋىل شارۋاشىلىعىن دامىتۋ جانە اگروونەركاسىپتىك كەشەندى قارجىلاندىرۋ ارقىلى جۇزەگە اسىرىلادى.

"ورگانيكالىق اۋىل شارۋاشىلىعى سالاسىندا - ءبىز وسى باعىتتا جۇمىس ىستەي باستادىق. بىرىنشىدەن، ءبىز نارىقتى تالداپ، ەۋروپاعا ورگانيكالىق ونىمدەردى ەكسپورتتاۋ مۇمكىندىكتەرىن زەرتتەگىمىز كەلەدى. بۇل قازاقستاندىق اۋىلشارۋاشىلىق تاۋار وندىرۋشىلەرگە جاڭا ەكسپورتتىق نارىقتارعا شىعۋ پەرسپەكتيۆالارىن كورۋگە كەپىلدىك بەرۋى كەرەك"، دەدى جوبالىق توپتىڭ جەتەكشىسى الەكساندر بارنەۆيتس.

اگروونەركاسىپتىك كەشەندى قارجىلاندىرۋ باعىتىندا جوبالىق توپ «قازاگرو» قورجىنىنان ينۆەستيتسيالاۋ مۇمكىندىگى بار قازاقستاندىق كومپانيالاردى تاڭداۋدى جوسپارلاپ وتىر.

ء"بىز گەرمانيادان سەرىكتەستەر تاۋىپ، جاڭا نارىقتار اشا الامىز"، دەدى ا.بارنەۆيتس.

كەزدەسۋ سوڭىندا اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ سەنىمدى، ناقتى ناتيجەلەرگە باعىتتالعان جۇمىستى جالعاستىرۋعا جانە قازاقستان رەسپۋبليكاسىندا الەۋەتتى جەرگىلىكتى ارىپتەستەردى ىزدەۋگە جاردەم كورسەتۋگە دايىن ەكەندىگىن ءبىلدىردى.

ەستەرىڭىزگە سالا كەتەيىك، اعىمداعى جىلدىڭ قاڭتار ايىندا قازاقستان رەسپۋبليكاسىنىڭ اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ باستاعان قازاقستاندىق دەلەگاتسيا بەرليندە وتكەن "جاسىل اپتا 2020" (International Green Week 2020) حالىقارالىق ازىق-ت ۇلىك كورمەسىنىڭ سالتاناتتى اشىلۋىنا قاتىستى.

وتكەن بەينەكونفەرەنتسيا ىسكەرلىك كەزدەسۋدىڭ جالعاسى بولىپ تابىلادى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار