ايماقتار • 08 تامىز، 2020

ەرتىستە پوليتسەيلەر حالىقارالىق ىزدەۋدە جۇرگەن قىلمىسكەردى ۇستادى

986 رەت كورسەتىلدى

پاۆلودار وبلىسىنىڭ پوليتسەيلەرى رەسەيلىك جەدەل ۋاكىلدەرمەن ىزدەستىرىلىپ جاتقان قىلمىسكەردى ۇستادى. بۇل تۋرالى ءىىم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

"قاۋىپسىز جول" جەدەل-الدىن الۋ ءىس-شاراسىن وتكىزۋ بارىسىندا ەرتىس اۋدانىنىڭ كريمينالدىق پوليتسيا قىزمەتكەرلەرى شارۋا جانە فەرمەر قوجالىقتارى تەكسەرىلدى.

– شارۋاشىلىقتاردىڭ بىرىندە ەر ادام پوليتسەيلەردىڭ نازارىن اۋداردى، – دەدى ەرتىس اۋداندىق پوليتسيا ءبولىمى باستىعىنىڭ مىندەتىن اتقارۋشى سەرىك ۇسەنوۆ.

– سۇراستىرۋ بارىسىندا 37 جاستاعى ەر ادام رەسەي فەدەراتسياسىنان شىققانى انىقتالدى. ونى دەرەكتەر بازاسى بويىنشا تەكسەرۋ كەزىندە بۇل ەر ادامدى ماسكەۋ قالاسى بويىنشا ءىىم مم وڭتۇستىك-باتىس اكىمشىلىك وكرۋگى بويىنشا ىشكى ىستەر باسقارماسىنىڭ جەدەل ۋاكىلدەرى ىزدەۋگە سالعانى انىقتالدى. ەر ادام 2019 جىلدىڭ قىركۇيەك ايىندا جاياۋ جۇرگىنشىنى قاعىپ كەتىپ، جول – كولىك وقيعاسى سالدارىنان دەنە جاراقاتىن العان. ماسكەۋ قالاسىنىڭ پوليتسەيلەرى وسى فاكتى بويىنشا رەسەي فەدەراتسياسىنىڭ قىلمىستىق كودەكسىنىڭ 264-بابى 1-بولىگى بويىنشا – جول قوزعالىسى جانە كولىك قۇرالدارىن پايدالانۋ ەرەجەلەرىن بۇزۋ قىلمىستىق ءىس قوزعادى. ءبىز ىزدەستىرۋدىڭ باستاماشىسىنا ىزدەستىرىلۋشىنىڭ ورنالاسقان جەرىن انىقتاۋ تۋرالى حابارلادىق، – دەپ ايتىپ ءوتتى ۇسەنوۆ.

اتاپ ايتقاندا، جىل باسىنان باستاپ پاۆلودار پوليتسەيلەرىمەن قىلمىس جاساعانى ءۇشىن ىزدەستىرىلىپ جاتقان 69 ادامدى انىقتاپ ۇستالدى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار