ايماقتار • 08 تامىز، 2020

تۇركىستاندا پوليتسەيلەر تۇرعىندارعا بەتپەردە تاراتتى

18 رەت كورسەتىلدى

تۇركىستان پوليتسەيلەرى ىندەتتىڭ الدىن الۋ بويىنشا جۇمىستار جۇرگىزىپ جاتىر. بۇل تۋرالى ءىىم ءباسپاسوز قىزمەتى حابارلايدى، دەپ جازادى Egemen.kz

ەلىمىزدىڭ باس سانيتار دارىگەرىنىڭ قاۋلىسى نەگىزىندە كارانتين رەجيمى تاعى دا ەكى اپتاعا ۇزارتىلعانى بەلگىلى. وسىعان بايلانىستى سايرام اۋدانىنىڭ پوليتسەيلەرى رەيدتىك جۇمىستاردى ودان ءارى جالعاستىرۋدا. ءتارتىپ ساقشىلارى ىندەتتىڭ الدىن الۋ ماقساتىندا اۋداننىڭ ادامدار كوپ شوعىرلاناتىن جەرلەرىندە، قوعامدىق ورىنداردا بەتپەردە كيۋ، ارا قاشىقتىقتى ساقتاۋ مەن كارانتين تالاپتارىن قاتاڭ ۇستانۋ جاعدايىن ءجىتى تەكسەرۋدە.

ناتيجەسىندە سوڭعى ءبىر اپتا كولەمىندە قر اقبتك-ءنىڭ 425-بابىن بۇزعان 53 ادام انىقتالدى. ولارعا قاتىستى جيناقتالعان ءىس-قۇجاتتار اۋداندىق سەس-كە جولداندى. سونداي-اق اۋدان پوليتسەيلەرى تۇرعىندارعا بەتپەردە تاراتتى.

– اۋدانىمىزدىڭ ءاربىر تۇرعىنى ءوز ساۋلىعى ءۇشىن كارانتين تالاپتارىنا باعىنۋعا ءتيىس. ءبىزدىڭ پوليتسەيلەر موبيلدىك توپتارعا ءبولىنىپ، كۇندەلىكتى رەيدتىك جۇمىستاردى جۇرگىزۋدە. سوندىقتان زاڭعا باعىنىپ، ساقتاۋ شارالارىن قاتاڭ ۇستانۋعا شاقىرامىز، – دەدى رەيد بارىسىن ۇنەمى باقىلاۋدا ۇستاپ جۇرگەن سايرام اۋداندىق پوليتسيا باسقارماسى باسشىسىنىڭ ورىنباسارى ساپارعالي بوتابەكوۆ.

جالپى العاندا اۋدان تۇرعىندارىنىڭ باسىم بولىگى بەتپەردە ءتارتىبىن ساقتايتىنى بايقالدى. بۇل ءوز كەزەگىندە ءتارتىپ ساقشىلارىنىڭ پروفيلاكتيكالىق جۇمىستاردى جانداندىرا جۇرگىزۋىنىڭ جانە حالىقتىڭ كارانتين تارتىبىنە تۇسىنىستىكپەن قارايتىنىنىڭ ناتيجەسى دەپ بىلەمىز.

سوڭعى جاڭالىقتار

مەننيدىڭ تاعى ءبىر مارتتىگى

كاسىپقوي بوكس • كەشە

ۇقساس جاڭالىقتار