ايماقتار • 07 تامىز، 2020

ەلوردا اكىمى قۇرىلىسشىلاردى كاسىبي مەرەكەلەرىمەن قۇتتىقتادى

16 رەت كورسەتىلدى

پرەزيدەنتتىڭ تاپسىرماسىنا سايكەس بيىل قولجەتىمدى الەۋمەتتىك تۇرعىن ءۇي قۇرىلىسىنىڭ كولەمى ءۇش ەسە ارتتى، دەپ حابارلايدى نۇر-سۇلتان اكىمدىگىنىڭ رەسمي سايتى.

بۇگىن ەلوردا اكىمى التاي كولگىنوۆ قۇرىلىسشىلاردى كاسىبي مەرەكەلەرىمەن قۇتتىقتادى.

"قالامىزداعى الەۋمەتتىك ۇيلەر، مەكتەپتەر، اۋرۋحانالار، جولدار، ساياباقتار مەن اۋلالار قۇرىلىسشىلاردىڭ ەڭبەگىمەن سالىندى. قۇرىلىس سالاسى قىزمەتكەرلەرىنىڭ كۇندەلىكتى قاجىرلى ەڭبەگىنىڭ ارقاسىندا قالامىز ءوسىپ، ودان ءارى كوركەيىپ كەلەدى. ولار كۇندىز-ءتۇنى، ايازدا دا، ىستىقتا دا جۇمىس ىستەيدى"،-دەپ جازدى ەلوردا اكىمى ينستاگرام پاراقشاسىندا.

سونىمەن قاتار، ا.كولگىنوۆ ەلوردانىڭ اۆتورى جانە باس ساۋلەتشىسى ەلباسى ەكەنىن دە اتاپ ءوتتى.

"تۇڭعىش پرەزيدەنتتىڭ استانانى كوشىرۋ تۋرالى شەشىمى پراگماتيزم مەن كورەگەندىكتىڭ ۇلگىسى. قۇرىلىسشىلار 300 مىڭ حالقى بار شاعىن قالانى قارقىندى ءوسىپ كەلە جاتقان استاناعا اينالدىردى. قالا تۇرعىندارىنىڭ سانى ءتورت ەسە ءوستى. بارشا قۇرىلىس سالاسىنىڭ قىزمەتكەرلەرىن كاسىبي مەرەكەلەرىمەن قۇتتىقتايمىن! سىزدەرگە زور دەنساۋلىق، باقىت جانە تابىس تىلەيمىن"،-دەپ جازدى التاي كولگىنوۆ.

ەلوردا قۇرىلىس سەكتورىندا كوشباسشى بولىپ قالا بەرمەك. قالادا جىل سايىن ميلليونداعان شارشى مەتر تۇرعىن ءۇي، الەۋمەتتىك نىساندار سالىنىپ جاتىر.

"نۇر-سۇلتان — ارماندار ورىندالاتىن قالا. تۇرعىندار ساپالى ءبىلىم الىپ، وتباسى قۇرىپ. مەملەكەت باسشىسى ەلوردانىڭ دامۋىنا ەرەكشە كوڭىل بولەدى. پرەزيدەنتتىڭ تاپسىرماسىنا سايكەس بيىل قولجەتىمدى الەۋمەتتىك تۇرعىن ءۇي قۇرىلىسىنىڭ كولەمى ءۇش ەسە ارتتى"،-دەپ اتاپ ءوتتى اكىم.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار