23 قازان، 2013

كاسىپكەرلىكتى قولداۋ كۇشەيەدى

195 رەت كورسەتىلدى

قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ ۇكىمەتتىڭ وتكەن كەڭەيتىلگەن وتىرىسىندا «بيزنەستىڭ جول كارتاسى-2020» باعدارلاماسى كاسىپكەرلىكتى قولداۋدىڭ ءتيىمدى تەتىگىنە اينالعانىمەن، ونى جۇزەگە اسىرۋعا قاتىستى شاعىمدار دا كوبەيىپ وتىرعانىن ايتقان بولاتىن. وسىعان وراي كاسىپكەرلەردى زاڭسىز تەكسەرۋ كوپ ەكەندىگىن، بىراق سول ءۇشىن جاۋاپقا تارتىلىپ جاتقان كىنالى لاۋازىمدى تۇلعالاردىڭ تىم ازدىعىن دا باس پروكۋرورعا ەسكەرتكەن ەدى. مىنە، وسى ماسەلەلەرگە بايلانىستى كەشە پرەزيدەنت جانىنداعى ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ كەزەكتى ءباسپاسوز كونفەرەنتسياسىندا وتاندىق كاسىپكەرلىكتىڭ جاي-كۇيى، ونى قازىرگى تاڭدا قولداۋ، قورعاۋ جايىنا توقتالدى.

 

قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ ۇكىمەتتىڭ وتكەن كەڭەيتىلگەن وتىرىسىندا «بيزنەستىڭ جول كارتاسى-2020» باعدارلاماسى كاسىپكەرلىكتى قولداۋدىڭ ءتيىمدى تەتىگىنە اينالعانىمەن، ونى جۇزەگە اسىرۋعا قاتىستى شاعىمدار دا كوبەيىپ وتىرعانىن ايتقان بولاتىن. وسىعان وراي كاسىپكەرلەردى زاڭسىز تەكسەرۋ كوپ ەكەندىگىن، بىراق سول ءۇشىن جاۋاپقا تارتىلىپ جاتقان كىنالى لاۋازىمدى تۇلعالاردىڭ تىم ازدىعىن دا باس پروكۋرورعا ەسكەرتكەن ەدى. مىنە، وسى ماسەلەلەرگە بايلانىستى كەشە پرەزيدەنت جانىنداعى ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ كەزەكتى ءباسپاسوز كونفەرەنتسياسىندا وتاندىق كاسىپكەرلىكتىڭ جاي-كۇيى، ونى قازىرگى تاڭدا قولداۋ، قورعاۋ جايىنا توقتالدى.

ورتا بۋىندى كاسىپكەرلىك ءار مەملەكەتتىڭ ۇلتتىق ەكونوميكاسىنىڭ نەگىزى بولىپ تابىلادى، دەدى ا.ءابي­بۋللاەۆ. بۇل – الەمدىك اكسيو­ما. وسىنى ەسكەرە وتىرىپ، 11 قازاندا ۇكىمەت مۇشەلەرىنىڭ قاتى­سۋى­مەن وتكەن كەڭەيتىلگەن وتىرىس­تا ەل پرەزيدەنتى نۇرسۇلتان نازارباەۆ «بيزنەستىڭ جول كارتاسى-2020» باعدارلاماسىن ىسكە اسىرۋ تۇرعىسىندا ونى مەملەكەتتىك قورعاۋ جانە وتاندىق كاسىپكەرلىكتى قولداۋدى كۇشەيتۋ قاجەتتىلىگىنە باسا نازار اۋداردى. مەملەكەت باسشىسى «بيزنەستىڭ جول كارتاسى-2020» باعدارلاماسى اياسىندا نەسيە بويىنشا پايىزدىق مولشەرلەمەنى قارجىلاندىرۋ جونىندەگى جۇمىس­تار وبلىس­تاردا ماردىمسىز ءجۇر­گىزىلىپ جاتقاندىعىنا جانە گرانت­تاردىڭ ءبولىنىپ بەرىلمەۋى مەن كاسىپكەرلەردىڭ شاعىن نەسيەلەرگە قولى جەتپەي وتىرعاندىعىنا ايرىقشا الاڭداۋشىلىق ءبىلدىردى.

پرەزيدەنت ۇسىنىسىمەن ءبىزدىڭ مەملەكەتتە كاسىپكەرلەرگە قارجى ءبولىنىپ، زاڭ جۇزىندە ورتا جانە شا­عىن بيزنەستى قولداۋ جونىندەگى قازاقستاندىق كاسىپكەرلەرگە جا­سالىناتىن جاعدايلار، ياعني مەم­لەكەتتىك قاراجات ءبولۋ باسقا مەملەكەتتەردە جوقتىڭ قاسى بولماسا دا، كوپتەگەن وزگە مەملەكەتتەردىڭ ورتا جانە شاعىن كاسىپكەرلەرى ءۇشىن قول جەتپەي وتىرعان اڭساعان ارمان ەكەندىگى راس، دەدى ودان ءارى رەسمي وكىل. دەگەنمەن، شاعىن جانە ورتا بيزنەس سۋبەكتىلەرىنە ءارتۇرلى مەملەكەتتىك ورگاندار تاراپىنان كوپتەگەن تەكسەرۋلەر مەن كۇندەلىكتى كەدەرگىلەر پرەزيدەنت تاپسىرمالارىنا قاراماستان ءالى دە تىيىلار ەمەس. وسى رەتتە كاسىپكەرلىكتى قور­عاۋ مەن قولداۋ جونىندەگى قا­زاق­ستان ۇكىمەتىنىڭ ۇستانىمى قان­داي، «بيزنەستىڭ جول كارتاسى-2020» باعدارلاماسىنىڭ ىسكە اسىرىلۋ بارىسى قالاي، شاعىن جانە ورتا بيزنەس سۋبەكتىلەرىن تەك­سەرۋدىڭ سانى، ولاردىڭ ماقساتى جانە قاعيداتتارىن ءتۇسىندىرۋ ءۇشىن قانداي مەملەكەتتىك ورگان­دار تەكسەرۋگە قۇزىرەتتىلىگى بار، وسى سالاداعى حالىقارالىق ءتاجى­ري­بە بىزگە نە بەرەدى جانە جالپى وسى باعىتتاعى مەملەكەت باسشىسىنىڭ سىن-ەسكەرتپەلەرىنەن كەيىن ۇكىمەتتىڭ جۇمىسى الداعى ۋاقىتتا قانداي بولماق جانە وسى جونىندە باسقا دا سۇراقتارعا جاۋاپ الۋ ماقساتىندا اتالعان ءباسپاسوز ءماسليحاتىنا قازاقستان رەسپۋبليكاسى وڭىرلىك دامۋ ۆيتسە-ءمينيسترى سەرىك جۇمانعارين، باس پروكۋروردىڭ ورىنباسارى جاقىپ اسانوۆ، «دامۋ» كاسىپكەرلىكتى قولداۋ قورىنىڭ ديرەكتورى ميراس ەسەنباەۆ جانە قازاقستان رەسپۋبليكاسى وڭىرلىك دامۋ مينيسترلىگى كاسىپكەرلىكتى دامىتۋ كوميتەتى توراعاسىنىڭ ورىنباسارى باقىتجان ساركەەۆ قاتىستى.

قازاقستان رەسپۋبليكاسى ءوڭىر­لىك دامۋ ۆيتسە-ءمينيسترى سەرىك جۇمانعارين «بيزنەستىڭ جول كارتاسى-2020» باعدارلاماسىن ىسكە اسىرۋ بويىنشا اتقارىلىپ جاتقان جۇمىستارعا قىسقاشا توقتالدى. بۇگىندە «بيزنەستىڭ جول كارتاسى-2020» باعدارلاماسى كاسىپكەرلىكتى قولداۋدىڭ ەڭ ءتيىمدى جانە سۇرانىمى مول قۇرالى، سونداي-اق كاسىپكەرلەر اراسىندا ەڭ تانىمال باعدارلاما بولىپ تابىلادى ەكەن. قازىرگى كۇنى اتالعان باعدارلامانىڭ قولداۋ شارالارىمەن 36 مىڭنان استام كاسىپكەر قامتىلعان. وسى باعدارلامانى ىسكە اسىرۋ ناتيجەسىندە 170 مىڭنان استام جۇمىس ورىندارى ساقتالىپ جانە 58 مىڭعا جۋىق جاڭا جۇمىس ورىندارى اشىلعان. ماسەلەن، قازىرگى كۇنى ەلدەگى ءار بەسىنشى جاڭا جۇمىس ورنى وسى باعدارلاما اياسىندا اشىلىپ وتىر. باعدارلامانىڭ ءۇش باعىتى بويىنشا 810،4 ملرد. تەڭگە قۇرايتىن 3376 جوبا سۋبسيديالانعان.

بۇدان كەيىن ءسوز العان باس پروكۋروردىڭ ورىنباسارى جاقىپ اسانوۆ ەلباسىنىڭ سىنىنان كەيىن زاڭسىزدىقتى ايقىنداۋ جاندانعانىن جەتكىزدى. راسىندا دا، تەكسەرۋشى ورگانداردىڭ بيىلعى جىلى جوسپارلاعان 100 مىڭنان استام تەكسەرۋلەرىنىڭ 2 مىڭىن ءبىز زاڭسىز دەپ تانىپ، ولاردى جوسپاردان الىپ تاستادىق. ءسويتىپ، وسى 2 مىڭ فاكتى بويىنشا پروكۋرورلاردىڭ ۇسىنىستارىمەن 204 قىزمەتكەر، ونىڭ ىشىندە 185-ءى – تارتىپتىك، 19-ى اكىمشىلىك جازاعا تارتىلدى. ولاردىڭ 90 پايىزى سانيتاريا مەن ەپيدەميولوگيا، توتەنشە جاعدايلار، ۆەتەريناريا جانە ەكولوگيا سالالارىنىڭ قىزمەتكەرلەرى. دەگەنمەن، باقىلاۋ ورگاندارىنىڭ باسشىلارى كوپ جاعدايدا ءوز قىزمەتكەرلەرىنە ءتيىستى جازا قولدانباي، ولاردى جاۋاپكەرشىلىكتەن بوساتىپ، پروكۋرورلاردىڭ ۇسىنىستارىنا فورمالدى جاۋاپ بەرىپ جاتادى. سوندىقتان ءاربىر جەرگىلىكتى پروكۋرورعا وسى ايدىڭ اياعىنا دەيىن ءوزىنىڭ ەنگىزگەن ۇسىنىسى بويىنشا جازالانباعان كىنالى تۇلعالاردى جاۋاپكەرشىلىككە تارتۋ ءۇشىن قوسىمشا شارالار قابىلداۋ تاپسىرىلدى، دەدى ج.اسانوۆ.

بىراق، ايتا كەتەتىن جاعداي، بيىلعى جىلى جوسپارلانعان 2 مىڭ زاڭسىز تەكسەرۋلەر انىقتالعان بولسا، بىلتىر بۇل كورسەتكىش 13 ەسە كوپ، ياعني 26 مىڭعا جۋىق بولعان ەكەن. ارينە، بۇل باعىتتاعى پروكۋراتۋرا جۇمىسى تەك وسى شارالارمەن شەكتەلىپ قالمايدى. ونىڭ ۇستىنە، اتالعان سىن تەك جوسپارلانعان تەكسەرۋلەرگە قاتىستى كورىنەدى. ال جالپى بيىلعى جىلى پروكۋرورلاردىڭ ارالاسۋىمەن 11 مىڭ كاسىپكەردىڭ قۇقىعى قورعالىپ، 1 مىڭ لاۋازىمدى تۇلعا جازاعا تارتىلعان. قازىر پروكۋراتۋرانىڭ باستاماسىمەن كاسىپكەرلەردىڭ قۇقىقتارىن قورعاۋ جونىندەگى جوبالار قولعا الىنۋدا.

وسى ماقساتتا باس پروكۋراتۋرا «نۇر وتان» پارتياسىمەن بىرلەسىپ، ارنايى جوبانى ىسكە اسىرماقشى. ونىڭ ماقساتى – ماسىلدىقپەن كۇرەسۋ، اقپارات بەرۋ ارقىلى حالىقتى وياتۋ، وي سالۋ، ەڭبەككە دەگەن ساۋاتىن اشۋ، ءاربىر قازاقستاندىقتى ءوز ءومىرىنىڭ مەنەدجەرى بولۋعا ۇيرەتۋ، ازاماتتارىمىزدىڭ قولىنا بالىق ەمەس، قارماق بەرۋ ارقىلى كاسىپكەرلىككە ىنتالاندىرۋ كورىنەدى. ويتكەنى، ەل تۇرعىندارىنىڭ جارتىسىنا جۋىعى 7 مىڭ اۋىلدىق ەلدى مەكەندە تۇرادى. سوندىقتان كاسىپكەرلىكتى دامىتۋ ماسەلەسى، اسىرەسە، اۋىلدىق جەرلەردە، ءبىزدىڭ ەلىمىز ءۇشىن ۇلكەن ماڭىزعا يە بولىپ وتىر.

الەكساندر تاسبولاتوۆ،

«ەگەمەن قازاقستان».

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار