دونالد ترامپ قىتاي ونىمدەرىنىڭ ەلدە ەركىن قولدانىستا بولۋىنا قىسىم كورسەتىپ كەلەدى. ءجۇز ميلليونعا جۋىق امەريكالىق قولدانۋشىسى بار Tik Tok الەۋمەتتىك جەلىسىنىڭ جۇمىسىنا دا توسقاۋىل قويىلدى. وعان سەبەپ رەتىندە پرەزيدەنت اكىمشىلىگى ۇلتتىق قاۋىپسىزدىكتى العا تارتتى. الايدا Micrsoft كومپانياسى قىتايلىق ءونىمنىڭ اقش-تاعى قىزمەتىن ساتىپ الۋعا قىزىعۋشىلىق تانىتىپ وتىر. الپاۋىت كومپانيا كەلىسسوزدى قىركۇيەكتىڭ ورتاسىنا دەيىن اياقتاۋدى كوزدەۋدە. ساراپشىلار وسىلايشا ەلدەگى اسا ءىرى ءارى بەدەلدى الەۋمەتتىك جەلىنى يەمدەنگەن Micrsoft سالا ۇزدىكتەرى Facebook, Google كومپانيالارىنا باسەكەلەس بولا الادى دەپ ەسەپتەيدى. Tik Tok كەيىنگى جىلدارى جاستار اراسىندا كەڭىنەن تانىمال بولعان پلاتفورمالاردىڭ ءبىرى. 150 ەلدە, 75 تىلدە قىزمەت كورسەتەتىن قوسىمشانى بىلتىر ءبىر ميللياردتان استام قولدانۋشى جۇكتەگەن.
