وسىلايشا، مەملەكەت ءۇشىن ەڭ باستى كاپيتال – ەل تۇرعىندارىنىڭ ومىرىنە قاتەر تونگەن جوق. ەندىگىسى قيراعان ماتەريالدىق بايلىق-تۇعىن. مۇنى دا بەرەكە-بىرلىگى بەكەم، بويىنا قايىرىمدىلىق ۇيالاعان ەل-جۇرت كوتەرىپ الىپ كەتتى. ماقتاارالعا اعىلعان گۋما­نيتارلىق كومەكتىڭ ەسەبىندە شەك جوق دەسەك قاتەلەسپەسپىز. الىگە دەيىن سۋ تاسقىنىنان زارداپ شەككەن مەكەنگە جاردەم ءبىر ساتكە دە تولاستاعان ەمەس. ناتيجەسىندە شەكاراداعى شالعاي اۋدانعا مەملەكەتتىك دەڭگەيدە كومەك كور­سەتىلىپ، اعايىننىڭ باسىنداعى اۋىرت­پالىق جەڭىلدەي ءتۇستى. 

قيىن-قىستاۋ كەزەڭدە ەل پرە­زي­دەنتى قاسىم-جومارت توقاەۆ شۇعىل شەشىم قابىلدادى، وبلىس اكىمى ومىر­زاق شوكەەۆكە ارنايى تاپسىرما بەردى. ەكى ايدىڭ ىشىندە سۋ شايعان اۋىل­دار قالپىنا كەل­تىرىلدى. كۇنى كەشە باس­پاناسىز قال­عان تۇرعىندار ءۇشىن جا­ڭادان سالىنىپ جاتقان شاعىناۋداندا 115 ءۇيدىڭ قۇرىلىسى تولىق اياقتالدى.

جالپى، اۋدان كولەمىندە 386 ءۇي­دىڭ ىرگەتاسى قالانىپ، قابىر­عاسى ورىلگەن. باسىم بولىگى­­نىڭ شاتىرى جابىلىپ، ىشكى ار­لەۋ جۇمىستارى جۇرگىزىلۋدە. دە­مەك تۇرعىنداردىڭ قۋانىشقا كەنە­لەتىن كۇنى دە جاقىن. اپتا باسىندا ءوڭىر باسشىسى ومىرزاق شوكەەۆتىڭ توراعالىعىمەن وتكەن اكىمدىك لەزدەمەنىڭ كۇن تار­تىبىندە دە ماقتاارالداعى قۇ­رىلىس جۇمىستارى تالقىلاندى. تۇركىستان قالاسى مەن ماقتاارال اۋدانىنداعى قىزۋ ەڭبەك تۋرالى وبلىستىق قۇرىلىس باسقار­ما­سى­ن­ىڭ باسشىسى توقتار ۇسىپ­اليەۆ بايانداما جاسادى.

«تۇركىستان وبلىسى بويىنشا قۇرىلىس جۇمىستارىنا 9 مىڭنان استام، ال تۇركىستان قالا­سىنداعى قۇ­رى­لىس ناۋ­قانىنا 4 مىڭنان استام ادام جۇمىلدىرىلعان. بار­لىق قۇرىلىس نىسانىندا ەلدەگى كا­رانتين تالاپتارى قاتاڭ ساق­تالۋدا. جۇمىسشىلار ءتيىستى ساقتىق شارالارىن قاتاڭ ۇس­تانىپ، جۇمىس ىستەۋدە. تۇركىستان قالاسىندا قۇرىلىسى توق­تاعان نىساندار جوق»، دەدى ول.

باسقارما باسشىسى سونداي-اق ماق­تاارال اۋدانىنداعى قۇرىلىس الاڭ­ىندا 29 مەردىگەر مەكەمە مەن 1400 جۇمىسشى، 87 ارنايى تەحنيكا قۇ­رىلىس-مونتاج جۇمىستارىنا تار­تىلعانىن ايتىپ ءوتتى.

اۋدانداعى سۋ شايعان جەڭىس، دوستىق، جاڭاتۇرمىس ەلدى مە­كەندەرى ءۇشىن 70 گەكتار جەر­دە جاڭادان بوي كوتەر­گەن مىر­زاكەنتتەگى جاڭا شاعىن اۋدان­دا 1200 ورىندىق مەكتەپ پەن 280 ورىندىق بالا­باقشا جانە دارىگەرلىك امبۋلاتوريا مەن پوليتسيا ۋچاس­كەسىنىڭ قۇرىلىسى جۇرگى­زىلىپ جاتقانىن تىلگە تيەك ەتتى. مۇنىمەن قاتار، فيردوۋسي اۋىلى­­نان دارى­گەرلىك امبۋلاتو­ريا مەن پوليتسيا بەكەتى، ورگەباس اۋى­لىنان فەلدشەرلىك-اكۋشەر­لىك پۋنكت پەن پوليتسيا بەكەتى سالىنىپ جاتقانىنا توقتالدى.

اپات سالدارىنان قولىن­داعى ءتورت ت ۇلىگىنەن ايىرىل­عان اعايىنعا دا ءتيىستى كومەك كورسەتىلمەك. ورىن العان توتەن­شە جاعداي كەزىندە ءۇي جانۋارلارىنان ايرىلعان ازاماتتار­عا مال شىعىنى تولىعىمەن تولەنە­دى. توپان سۋ باسقاندا جالپى اۋدانداعى 22 وتباسى 144 باس مالىنان اجىراپ، شىعىندان­عان بولاتىن. بۇگىندە «تۇركى­ستان» كورپوراتيۆتىك الەۋمەتتىك قورى ارقىلى تۇيەگە 300 مىڭ تەڭگەدەن 1،5 ملن تەڭگەگە دەيىن، جىلقىعا 160 مىڭنان 380 مىڭ تەڭگەگە، سيىرعا 110 مىڭنان 220 مىڭ تەڭگەگە، ۇساق مالعا 25 مىڭنان 45 مىڭ تەڭگەگە، ءۇي قۇسىنا 2 مىڭ تەڭگەگە دەيىن وتەماقى بەرىلگەن.

جالپى، تاسقىن سۋدان زارداپ شەككەن اۋىلداردى قوقىستان تازارتۋ كەزىندە 930-دان استام مال ولەكسەسى شىعارىلدى. ونىڭ ىشىندە 40 ءىرى قارا، 876 ۇساق مال، 9 جىلقى، 6 تۇيە ولەكسەسى بار. انىقتاۋ جۇمىستارى بارىسىندا ءتورت ت ۇلىكتىڭ باسىم بولىگى وزبەكستان رەسپۋبليكاسىنان توپان سۋمەن اعىپ كەلگەنى بەلگىلى بولعان. وبلىستىق اۋىل شارۋاشى­لى­عى باسقارماسى، ماقتاارال اۋداندىق اۋماقتىق ينسپەكتسياسى جانە اۋداندىق «ۆەتەرينارلىق قىزمەتى» كمم-ءنىڭ وكىلدەرىنەن ارنايى كوميسسيا قۇرىلىپ، جوعالعان ءۇي جانۋارلارىن تۇگەندەۋ جانە مال ولەكسەلەرىن جويۋ جۇمىستارى جۇرگىزىلدى. توتەنشە جاعداي­دان زارداپ شەككەن ەلدى مەكەندەر تولى­عىمەن دەزينفەكتسيالاندى.

قازىرگى تاڭدا ماقتاارال اۋدانىن­داعى جاڭا شاعىن اۋدان­دا 386 ءۇي مەن بىرقاتار الەۋ­مەت­تىك نىسان بوي كوتەرگەن. سو­لار­دىڭ ىشىندە تۇرعىنداردىڭ دەمالۋىنا، سەرۋەندەۋىنە ارنال­عان جەلىلىك ساياباق پەن گۇل­زار­لار سالىنۋدا. دەمالىس ايماق­تارىندا قازىرگى ساتتە اباتتاندىرۋ جۇمىس­تارىمەن قاتار ۆەلو­جول توسەلىنىپ، سۋاعارلار ورنا­تىلعان. اينالاسى جاسىل جەلەكپەن كومكەرىلىپ، تۇرعىندار ءۇشىن بارلىق جاعداي جاسالۋدا.

وتكەن اپتادا جاڭاجول اۋىل­دىق وكرۋگىنە قاراستى ورگەباس جانە فيردوۋسي اۋىل­دارىن قالپىنا كەلتىرۋ جۇمىستارىن تەكسەرگەن ومىرزاق ەستاي ۇلى جاۋاپتى باسقارما باسشىلارى مەن قۇرىلىس كومپانياسى وكىلدەرىنە بىرقاتار تاپسىرما جۇكتەدى. ءارى تاسقىن سۋدان زارداپ شەككەن ماقتاارال اۋدانىنداعى ەلدى مەكەندەردى قالپىنا كەلتىرۋ جۇمىستارى ءجىتى باقىلاۋدا ەكەنىن جەتكىزدى.

ء«ار نىسان ساپالى تۇرعى­زىلىپ، اۋدان تۇرعىن­دارىنا ۋاقتىلى تاپسىرىلۋى قاجەت»، دەدى وبلىس اكىمى.

ەستەرىڭىزگە سالار بولساق، جالپى، ورگەباس اۋىلىنداعى بارلىق 194 ءۇي بۇزىلىپ، جاڭادان سالىنىپ جاتىر. بۇگىندە 116 ءۇيدىڭ قابىرعاسى قالانعان. 49 ءۇيدىڭ شاتىرى جابىلۋدا. ال فيردوۋسي ەلدى مەكەنىندە جالپى 303 ءۇيدىڭ باسىم بولىگىنىڭ قابىرعاسى قالانعان. 38 ءۇيدىڭ شاتىرى جابىلعان.

تۇركىستان وبلىسى،

ماقتاارال اۋدانى