ماڭعىستاۋ وبلىسىنىڭ اقتاۋ قالاسىندا 600-دەن استام قىمبات باعالى كولىكتەر ۇلى وتان سوعىسىنىڭ ارداگەرلەرى مەن مۇگەدەكتەر اتىنا تىركەلىپ, بەلگىلى مولشەردە مەملەكەت قازىناسىنا سالىق تۇسپەگەن. بۇل تۋرالى «تۋمبا» جازدى.
بۇعان دەيىن بۇقارالىق اقپارات قۇرالدارىندا جازىلعانداي, جەرگىلىكتى جەردەگى بىرقاتار ازاماتتار اۆتوكولىكتىڭ دۆيگاتەل كولەمىن وزگەرتىپ,سالىق مولشەرىن ازايتىپ تولەۋگە ارەكەت جاساعان. جالپى, اقتاۋ قالاسىنداعى سالىق باسقارماسى دۆيگاتەلىنىڭ كولەمى ۇلكەن 646 اۆتوكولىكتىڭ ارداگەرلەر مەن مۇگەدەكتەر اتىنا تىركەلگەنىن انىقتادى. وسىنىڭ سالدارىنان مەملەكەت قازىناسىنا 30 ملن. تەڭگە تۇسپەگەن.
مۇگەدەك جاندار مەن ارداگەرلەردىڭ اتىنا تىركەلگەن اۆتوكولىكتەردىڭ قاتارىندا «Toyota Land Cruise», «Lexus 570», «Nissan Patrol», «نummer», «BMW X5» جانە وزگەلەرى بار. وسى ورايدا, حالىق قالاۋلىلارىنىڭ كەلەر جىلدىڭ كوكتەمىندە سالىق زاڭدىلىعىن قايتا قاراۋدى جوسپارلاعانىن اتاپ وتكىمىز كەلەدى.
دانيار تۇيمەباي.
