5 تامىز ساعات 15.00-دەگى جاعداي بويىنشا شىلدە ايىندا شەكتەۋ شارالارىن ەنگىزۋگە بايلانىستى تابىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان ەڭ تومەنگى جالاقى – 42 500 تەڭگە مولشەرىندە بىرجولعى تولەم تاعايىنداۋعا ازاماتتاردان 2,4 ملن-نان استام بىرەگەي ءوتىنىش قابىلداندى. تولەم 2 ملن 201 مىڭ ادامعا تاعايىندالدى.
اقشالاي قاراجات 2 ملن 182 مىڭ قازاقستاندىققا اۋدارىلدى. 2,4 ملن-نان استام ءوتىنىمنىڭ ىشىندە: – 835,5 مىڭ ادام پرواكتيۆتى فورماتتا تولەم تاعايىنداۋعا كەلىسىم بەردى;
– 621,4 مىڭ ادام Egov.kz پورتالى جانە Telegram بوت ارقىلى;
– 358,7 مىڭ ادام 42500.enbek.kz پورتالى ارقىلى; – 634,8 مىڭ ادام ەكىنشى دەڭگەيدەگى بانكتەردىڭ موبيلدىك قوسىمشاcى مەن ينتەرنەت رەسۋرسى ارقىلى ءوتىنىش بەرگەن. ازاماتتاردىڭ ساناتتارى بولىنىسىندە:
– 835,5 مىڭ ءوتىنىش بىرىڭعاي جيىنتىق تولەم تولەۋشىلەردەن بەرىلدى (پرواكتيۆتى فورماتتا);
– 216,4 مىڭ ءوتىنىشتى جالدامالى قىزمەتكەرى ءۇشىن جۇمىس بەرۋشىلەر بەردى;
– 1 ملن 398,5 مىڭ ءوتىنىش ازاماتتاردىڭ باسقا ساناتىنان كەلىپ ءتۇستى (جەكە كاسىپكەرلەر; جەكە پراكتيكامەن اينالىساتىن ادامدار; ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار).
تولەم 2 ملن 201 مىڭ ادامعا تاعايىندالدى. اقشالاي قاراجات 2 ملن 182 مىڭ قازاقستاندىققا اۋدارىلدى. بۇل رەتتە قازاقستان اۋماعىندا كارانتيننىڭ 2 اپتاعا سوزىلۋىنا بايلانىستى ماسق-تان بىرجولعى تولەم الاتىن 969,5 مىڭ ادامعا قوسىمشا 0,5 ەڭ تومەنگى جالاقى (بۇدان ءارى – ەتج) – 21 250 تەڭگە تولەندى.
وسى باعىتتاعى جۇمىس جالعاسۋدا. جاقىن ارادا اقشالاي قاراجات ازاماتتاردىڭ شوتتارىنا اۋدارىلادى. بۇعان دەيىن حابارلانعانداي, 2020 جىلدىڭ شىلدەسىندە ماسق-تەن بىرجولعى تولەم العان قازاقستاندىقتارعا كارانتيننىڭ ۇزارتىلۋىنا بايلانىستى قوسىمشا اقى اۆتوماتتى تۇردە تاعايىندالادى. قايتا ءوتىنىش بەرۋدىڭ قاجەتى جوق. ءوتىنىش قابىلداۋ 2020 جىلدىڭ 1 قىركۇيەگىنە دەيىن جالعاسادى.
