الماتى قالاسىنا جىلۋ 15 قازاننان باستاپ بەرىلە باستادى. الايدا, جىلۋ بارلىق ۇيلەرگە بىردەي بارعان جوق. بۇل تۋرالى «الماتى اقشامى» گازەتى جازدى.
ناقتى ەسەپكە جۇگىنسەك, قالاداعى 7 مىڭعا جۋىق تۇرعىن ءۇيدىڭ 370-ءى جىلۋسىز وتىر.«بۇگiنگi تاڭدا قالاداعى دەنساۋلىق ساقتاۋ جانە بiلiم بەرۋ مەكەمەلەرi سياقتى الەۋمەتتiك نىسانداردىڭ 100 پايىزى جىلۋ ەنەرگياسىمەن قامتاماسىز ەتiلدi. ال تۇرعىن ۇيلەردiڭ 95 پايىزى جىلۋعا قوسىلسا, قالعان 5 پايىزى جىلۋعا قوسىلماعان. سەبەبi, بۇل ۇيلەر جىلۋ بەرۋ ماۋسىمىنا دايىن ەمەس»,-دەيدi الماتى قالاسى ەنەرگەتيكا جانە كوممۋنالدىق شارۋاشىلىق باسقارماسى باسشىسىنىڭ ورىنباسارى عانيبەك ورازباەۆ.
مامانداردىڭ ايتۋىنشا, جىلۋدىڭ شاھارعا بiركەلكi بەرiلمەۋiنە پاتەر يەلەرi كووپەراتيۆتەرi كiنالi ەكەن.«الماتى جىلۋ جۇيەلەرi» جشس باس ديرەكتورىنىڭ ورىنباسارى مارينا ياكوۆلەۆا بيىل الماتىداعى كوپقاباتتى ۇيلەردiڭ جارتىسىنان كوبi قىسقى ماۋسىمعا تيiستi دەڭگەيدە دايىندالماعانىن اتاپ ءوتتى. قىسقى ماۋسىم قارساڭىندا جىلۋ جۇيەلەرi مۇلدە جوندەلمەگەن. كوپ جاعدايدا, اعىمداعى جوندەۋ جۇمىستارىمەن شەكتەلگەن كورiنەدi. مۇنىڭ بارلىعى دا پيك توراعالارىنىڭ ءوز قىزمەتتەرiنە سالعىرتتىعىن اڭعارتىپ وتىر. پيك-تەردiڭ جىلۋ جۇيەلەرiن قىسقا دايىنداماي, وزدەرiنە جۇكتەلگەن مiندەتتi دۇرىس اتقارماۋىنىڭ سالدارىنان, پاتەرلەرگە جىلۋ مەزگiلiندە بەرiلمەي, تۇرعىندار سۋىق پاتەردە وتىرۋعا ءماجبۇر بولىپ وتىر.«پيك-تiڭ باستى مiندەتتەرiنiڭ بiرi-كوپقاباتتى تۇرعىن ۇيلەردiڭ قىس مەرزiمiنە تولىق دايىندىقپەن كەلۋiن قامتاماسىز ەتۋ. اتاپ ايتقاندا, ولار, قۇبىرلاردى تازالاپ, جەلiن شىعارىپ, اقاۋلارى بولسا جويىپ, جۇيەلەردi جىلۋ بەرۋ ماۋسىمىنا دايىنداۋدى قامتاماسىز ەتەدi. بيىل كوپقاباتتى ۇيلەردiڭ جارتىسىنان كوبi قىسقى ماۋسىمعا تيiستi دەڭگەيدە دايىندالمادى. سوندىقتان, «الماتى جىلۋ جۇيەلەرi» ولارعا جىلىتۋ ماۋسىمىنا دايىندىق اكتiسiن بەرمەدi. جالپى, بiز بۇگiن قالاعا جىلۋدى 100 پايىز بەرiپ, ءوز مiندەتiمiزدi تولىق اتقارىپ وتىرمىز. سوندىقتان, ەگەر ۇيiڭiزدە جىلۋ بولماسا, پيك-كە بارىڭىز»,-دەيدi «الماتى جىلۋ جۇيەلەرi» جشس باس ديرەكتورىنىڭ ورىنباسارى مارينا ياكوۆلەۆا.
قىسقى ماۋسىم باستالعاندا پاتەرگە تيiستi مولشەردە جىلۋ بەرiلمەسە, تۇرعىندار ۇيرەنشiكتi ادەتiمەن جىلۋ ورتالىقتارىنا شاعىمداناتىنى بار. دەگەنمەن, پاتەردiڭ جىلى بولۋىنا تەك كوممۋنالدىق كاسiپورىن عانا ەمەس, پيك-تەردىڭ دە جاۋاپتى ەكەنiن ەسكەرە بەرمەيدى. قازىر جەرگىلىكتى بيلىك پيك وكىلدەرىنەن كەپىلدەمە حات الىپ, جىلۋ بەر ماسەلەسىن وڭتايلى شەشۋگە كىرىسىپ كەتتى...
دانيار تۇيمەباي.
