قوعام • 05 تامىز، 2020

تۇركىستان وبلىسىندا مال ۇرلاۋ دەرەگى ازايدى

32 رەت كورسەتىلدى

تۇركىستان وبلىسىنىڭ پوليتسەيلەرى جىل باسىنان بەرى مال ۇرلىعىمەن اينالىسقان 13 قىلمىستىق توپتى ۇستاپ، جولىن كەسكەن. بۇل تۋرالى ءىىم ءباسپاسوز قىزمەتى حابارلايدى، دەپ جازادى Egemen.kz

تۇركىستان وبلىسى پوليتسيا دەپارتامەنتىنىڭ جەدەل-قىزمەتتىك جۇمىسىنىڭ باسىم باعىتتارىنىڭ ءبىرى بوتەن م ۇلىكتى ۇرلاۋدىڭ، ونىڭ ىشىندە مال ۇرلىعىنىڭ الدىن الۋ جانە جولىن كەسۋ بولىپ تابىلادى. بۇل باعىتتاعى نەگىزگى ءىس-شارالار 2018-2020 جىلدارعا ارنالعان "بوتەننىڭ مۇلكىن ۇرلاۋعا قارسى ءىس-قيمىل" ۆەدومستۆولىق باعدارلاماسى جوسپارىنىڭ تارماقتارىن ورىنداۋ شەڭبەرىندە ىسكە اسىرىلۋدا.

جۇرگىزىلگەن جەدەل-پروفيلاكتيكالىق ءىس-شارالاردىڭ ناتيجەسىندە تۇركىستان وبلىسىندا مال ۇرلىعىنىڭ جالپى سانى 30،1% (365-تەن 255-كە دەيىن) تومەندەگەن. مال ۇرلىعىنىڭ اۋىر تۇرلەرىنىڭ  اشىلۋى 71،7%-دان 78،6%-عا دەيىن جاقساردى، ال ورتاشا اۋىرلىقتاعى مال ۇرلىعىن تىركەۋ 48،8% –عا تومەندەدى (297-دەن 152-گە دەيىن). وسى ارالىقتا پوليتسەيلەرى 77 مال ۇرلىعىنا قاتىسى بار 35  ادامنان قۇرىلعان 13 قىلمىستىق توپتى ۇستادى.

مىسالى، كريمينالدىق پوليتسيا قىزمەتكەرلەرى  2020 جىلدىڭ مامىر ايىندا جەدەل-ىزدەستىرۋ شارالارىنىڭ ناتيجەسىندە تۇركىستان جانە كەنتاۋ قالالارىنىڭ اۋماعىندا ءۇش جىل بويى مال ۇرلاۋمەن اينالىسقان  بەس ادامنان تۇراتىن ۇيىمداسقان قىلمىستىق توپتى قۇرىقتادى. تەرگەۋ قىلمىستىق توپتىڭ 19 مال ۇرلىعىنا قاتىستىلىعىن دالەلدەدى. ولار بارلىعى 125 جىلقى مەن 30 باس ءىرى قارا مالدى جىمقىرعان.  سوتقا دەيىنگى تەرگەۋ بارىسىندا كۇدىكتىلەردەن 19 جىلقى مەن توعىز سيىر تاركىلەنىپ الىندى.

بارىمتاشىلاردىڭ تاعى ءبىر قىلمىستىق توبى ماۋسىم ايىندا ۇستالدى. جەتى ادامنان تۇراتىن قىلمىستىق توپ وبلىستىڭ ءۇش اۋدانى: قازىعۇرت، سارىاعاش جانە تولەبي اۋداندارىندا مال ۇرلىعىن كاسىپ ەتكەن. پوليتسەيلەر كۇدىكتىلەردىڭ 264 باس جىلقىلاردى ۇرلاپ، مال ۇرلىعىنىڭ 16 جايتىنا قاتىسى بارىن انىقتادى. ايعاقتى زات رەتىندە كۇدىكتىلەردەن 69 باس جىلقى تاركىلەندى. قازىرگى ۋاقىتتا قىلمىستىق توپ مۇشەلەرىنە قاتىستى قىلمىستىق ىستەردىڭ جيناقتالعان ماتەريالدارى ايىپتاۋ اكتىسىمەن زاڭدى شەشىم قابىلداۋ ءۇشىن سوتقا جولداندى.

سونىمەن قاتار، تۇركىستان وبلىسىنىڭ پوليتسياسىندا مال ۇرلىعىنىڭ الدىن الۋ ماقساتىندا وبلىستىق پوليتسيا دەپارتامەنتى باسشىلىعىنىڭ قاتىسۋىمەن حالىقپەن جيىندار وتكىزۋ تاجىريبەسى ەنگىزىلدى. جىل باسىنان بەرى ۋچاسكەلىك پوليتسيا ينسپەكتورلارىنىڭ حالىقپەن 375 كەزدەسۋى وتكىزىلدى، ونىڭ ىشىندە 148-ءى پوليتسيا ورگاندارى باسشىلارىنىڭ قاتىسۋىمەن. ءتارتىپ ساقشىلارى اۋىل تۇرعىندارىمەن مال ۇرلىعىنىڭ الدىن الۋ بويىنشا شارالار قابىلداۋ قاجەتتىلىگى تۋرالى ءتۇسىندىرۋ جۇمىستارىن جۇرگىزۋدە. وندا مال باسىن انىقتاۋدان جانە ۇجىمدىق جايىلىمدى ۇيىمداستىرۋدان باستاپ،  قازىرگى زامانعى تەحنولوگيالىق قۇرالداردى قولدانۋعا دەيىن ايتىلۋدا. "مال يەسى – جەرگىلىكتى اتقارۋشى ورگان – باقتاشى" ءۇش جاقتى كەلىسىم-شارت جاساۋ جوباسى اياسىندا 5،5 مىڭنان استام كەلىسىم-شارتقا قول قويىلدى.

تۇركىستان وبلىسى پد-ءنىڭ  پوليتسەيلەرى ءۇي مالدارىن ۇستاۋ جانە ساتۋ ورىندارىندا قۇقىقبۇزۋشىلىقتاردى انىقتاۋ، ءۇي مالدارىن تاسىمالداۋمەن اينالىساتىن اۆتوكولىكتەردى، ونىڭ ىشىندە رەسپۋبليكالىق ماڭىزى بار تراسسالاردا باقىلاۋ جانە تەكسەرۋ بويىنشا تۇراقتى نەگىزدە پروفيلاكتيكالىق جانە رەيدتىك ءىس-شارالار جۇرگىزۋدە. سونىمەن قاتار، قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىن بۇزعانى جانە اۋىل شارۋاشىلىعى جانۋارلارىن جايۋ ەرەجەلەرىن بۇزعانى ءۇشىن ۋچاسكەلىك ينسپەكتورلار 700-دەن استام ءتارتىپ بۇزۋشىنى اكىمشىلىك جاۋاپكەرشىلىككە تارتتى.  

سوڭعى جاڭالىقتار

اسىل اعانىڭ شاراپاتى

رۋحانيات • بۇگىن، 00:08

قۇيماقۇلاق

رۋحانيات • كەشە

گاز باعاسى نەگە قىمبات؟

ايماقتار • كەشە

ۇقساس جاڭالىقتار