2020 جىلعى 3 تامىزدا قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ سالالىق ماسەلەلەر جونىندەگى كەڭەستىڭ كەزەكتى وتىرىسىن وتكىزدى.
جيىن بارىسىندا جەر قويناۋىن پايدالانۋعا بەرىلگەن كەلىسىمدەردىڭ مەرزىمىن ۇزارتۋ, جەر قويناۋىن پايدالانۋشىلار مەن ولاردىڭ جەتكىزۋشىلەرىنىڭ قاتتى پايدالى قازبالاردى ءوندىرۋ بويىنشا وپەراتسيالار وتكىزۋدە قولدانىلاتىن تاۋارلار, جۇمىستار مەن قىزمەتتەردى ساتىپ الۋ ءتارتىبىن جەتىلدىرۋ جايى قارالدى.
كولىك سالاسىنا قاتىستى كولىكتىك باقىلاۋ تىرەكتەرىنىڭ جۇمىسىن ۇيىمداستىرۋ ماسەلەسى قاراستىرىلدى. سونداي-اق, ەڭبەك ونىمدىلىگىن ارتتىرۋعا جانە وڭىرلىك كلاستەرلەردى دامىتۋعا باعىتتالعان يندۋستريالىق-يننوۆاتسيالىق قىزمەت سۋبەكتىلەرىن مەملەكەتتىك قولداۋ ماسەلەلەرى تالقىلاندى.
وعان قوسا كەڭەس وتىرىسىندا نورماتيۆتىك قۇقىقتىق بازانى جەتىلدىرۋگە باعىتتالعان بىرقاتار تولىقتىرۋلار ماقۇلداندى. اتالعان ماسەلەلەر مينيسترلىك دەڭگەيىندە ءتيىستى نورماتيۆتىك قۇقىقتىق اكتىلەرگە وزگەرتۋلەر مەن تولىقتىرۋلار ەنگىزۋ ارقىلى ىسكە اسىرىلادى.
بارلىق جاڭالىقتارمەن ءارى قاراي ماقۇلدانعان جاعدايدا مۇددەلى تاراپتار زاڭناماعا سايكەس تانىسا الادى. بارلىق نورماتيۆتىك قۇقىقتىق اكتىلەر قوعامدىق تالقىلاۋ ءۇشىن جاريالانادى.
