04 تامىز، 2020

قورداي قاقتىعىسىندا ۇستالعانداردىڭ جايى نە بولادى؟

656 رەت كورسەتىلدى

جامبىل وبلىسىنىڭ قورداي اۋدانىندا ورىن العان قاقتىعىسقا قاتىسى بار دەگەن كۇدىكپەن ءبىراز ادام ۇستالعان بولاتىن،  دەپ جازادى Egemen.kz

جۋىردا جامبىل وبلىسىنىڭ اكىمى بەردىبەك ساپارباەۆ ۇستالعانداردىڭ اتا-انالارى جانە تۋىستارىمەن كەزەكتى رەت كەزدەستى.

  اكىم ۇستالعانداردىڭ تۋىستارىنىڭ بارلىق وتىنىشتەرىن مۇقيات تىڭدادى. سونداي-اق، ولاردىڭ ەشقايسىسى نازاردان تىس قالمايتىنىن جانە پروكۋراتۋرا، قۇقىق قورعاۋ جانە جەرگىلىكتى اتقارۋشى ورگاندارمەن قارالاتىنىن ايتتى. ول بارلىق وزەكتى ماسەلەلەر قازاقستان رەسپۋبليكاسىنىڭ زاڭناماسى اياسىندا شەشىلۋى ءتيىس ەكەندىگىن جەتكىزدى. ء«بىز بولعان قايعىلى وقيعالار 11 ادامنىڭ ولىمىنە اكەلىپ سوقتىرعانىن، 200-گە جۋىق ادام جاراقات العانىن، ازاماتتارىمىزدىڭ مۇلكى زارداپ شەككەنىن ۇمىتپاۋىمىز كەرەك. سىزدەردىڭ بارلىق وتىنىشتەرىڭىز قارالادى. ۇستالعاندارمەن كەزدەسۋلەر مەن تەلەفون ارقىلى سويلەسۋلەر ۇيىمداستىرىلادى. قۇقىق قورعاۋ ورگاندارى تەرگەۋ جۇمىستارىن اياقتادى. ول ماتەريالدارمەن تاراپتار تانىستىرىلۋى كەرەك. زاڭدى بۇزعان جانە ولاردىڭ كىناسى دالەلدەنگەن ادامداردىڭ ءبارى جازالانۋى قاجەت ەكەنىن تاعى دا ايتقىم كەلەدى. بارلىعى زاڭ بويىنشا بولۋى كەرەك. بۇل ماسەلە مەملەكەت باسشىسى قاسىم-جومارت توقاەۆتىڭ جەكە باقىلاۋىندا»، دەدى بەردىبەك ساپارباەۆ.

 

سوڭعى جاڭالىقتار

ۇقساس جاڭالىقتار