پارلامەنت • 04 تامىز، 2020

قىزىلوردا اگرارلارى كۇرىش القابىن سۋارۋعا سۋ تاپشى ەكەنىن جەتكىزدى

65 رەت كورسەتىلدى

ەگىن ەگۋشىلەر ءوز ماسەلەسىن سەنات دەپۋتاتى مۇرات باقتيار ۇلىنا ايتتى. جاڭاقورعان مەن شيەلى اۋداندارى تۇرعىندارىنىڭ ايتۋى بويىنشا سىرداريا وزەنىنىڭ سۋى تومەندەۋدە، وسىعان بايلانىستى ولار اكىمدىككە جۇگىنگەن. بۇل تۋرالى پارلامەنت سەناتىنىڭ ءباسپاسوز قىزمەتى حابارلايدى، دەپ جازادى Egemen.kz

ايتۋلارىنشا، اۋداندا قۇنى ءبىر ميلليارد تەڭگە تۇراتىن سۋ پلاتيناسى سالىنعان. بىراق ءۇش جىلدان كەيىن ىسكە جارامسىز بولىپ قالعان. قازىرگى تاڭدا پلاتينا جۇمىس ىستەپ تۇرعان جوق. سەنات دەپۋتاتى قۇقىق قورعاۋ ورگاندارىنىڭ وسى ماسەلەگە نازار اۋدارۋىن سۇرادى.

مۇرات باقتيار ۇلى ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆپەن جانە ونىڭ ورىنباسارلارىمەن سويلەستى. سەناتور قالىپتاسقان جاعداي تۋرالى ايتىپ، وسى ماسەلەنى جاقىن ارادا شەشۋدى سۇرادى، ونسىز اگرارلار وراسان شىعىنعا باتاتىنىن جەتكىزدى. ءتيىستى مينيسترلىك 5 تامىزعا دەيىن سىرداريا وزەنىندەگى سۋ دەڭگەيىنىڭ تومەندەۋىن بولدىرماۋ جولدارىن قاراستىرۋعا ۋادە بەردى.

مامانداردىڭ ايتۋى بويىنشا، بيىل شامامەن 90 مىڭ گەكتار القاپقا كۇرىش ەگىلگەن. مۇنداي اۋماقتى 3 اي سۋارۋ كەزەڭىندە سۋمەن قامتاماسىز ەتۋ قيىن. سەناتور ءوز كەزەگىندە سۋ رەسۋرستارىن ۇنەمدەۋگە مۇمكىندىك بەرەتىن زاماناۋي تەحنولوگيالاردى پايدالانۋدى ۇسىندى.

مۇرات باقتيار ۇلى ەگىن ەگۋشىلەرگە كۇرىشتەن بولەك سۋدى كوپ قاجەت ەتپەيتىن جوڭىشقا، راپس، جۇگەرى جانە باۋ-باقشا ونىمدەرىن ءوسىرۋدى ۇسىندى.

وسى رەتتە سەناتور كىشى ارالدى تولتىرۋ ماسەلەسىنە دە نازار اۋداردى.

مۇرات باقتيار ۇلى ءوڭىر اگرارلارىمەن جانە باسشىلىعىمەن كەزدەسۋدە: "بىزگە كىشى ارالدى تولتىرۋ ءۇشىن دە سۋ قاجەت. سۋدىڭ تەڭىزگە جەتپەي جاتقانىن ەسكەرسەك، كىشى ارالدىڭ سۋ دەڭگەيى تومەندەۋى مۇمكىن. قازىردىڭ وزىندە قامباش كولى جاعالاۋدان 150 مەترگە شەگىنىپ كەتتى. قىزىلوردا سىردارياعا وتە تاۋەلدى، سوندىقتان كوپ سۋدى قاجەت ەتپەيتىن داقىلداردى ءوسىرۋ ماڭىزدى. بۇل باعىتتا ديحاندار ءۇشىن ارنايى باعدارلاما ازىرلەگەن ءجون"، دەدى.

ەگىن القاپتارىنان بولەك سەنات دەپۋتاتى اۋداندىق اۋرۋحاناعا بارىپ، جەرگىلىكتى جۇرتپەن تىلدەستى.

سوڭعى جاڭالىقتار

ۇقساس جاڭالىقتار