قازاقستان • 04 تامىز، 2020

قازاقستان سەيسميكاعا ءتوزىمدى قۇرىلىستىڭ حالىقارالىق قاۋىمداستىعىنا ەندى

21 رەت كورسەتىلدى

قازاقستاننىڭ IAEE قۇرامىنا ەنۋى رەسپۋبليكانىڭ سەيسميكالىق قاۋىپسىزدىك سالاسىنداعى وزىق ازىرلەمەلەر مەن تەحنولوگيالارعا قول جەتكىزۋىن قامتاماسىز ەتەدى، دەپ حابارلادى يدم ءباسپاسوز قىزمەتى.

IAEE قۇرامىنا كىرۋ تۋرالى ءوتىنىمدى قۇرىلىس جانە ساۋلەت عىلىمي – زەرتتەۋ جانە جوبالاۋ ينستيتۋتىنىڭ ("قازقسعزي" اق) بازاسىندا قۇرىلعان "قازاقستان رەسپۋبليكاسى سەيسميكاعا ءتوزىمدى قۇرىلىس قاۋىمداستىعى" بەردى.

IAEE تالاپتارىنا سايكەس، مۇشەلىككە ەنگىزۋ جونىندەگى ءوتىنىش 6 اي ىشىندە  قارالدى، سودان كەيىن IAEE  اتقارۋ كوميتەتىنىڭ وتىرىسىندا قازاقستانعا ۇلتتىق دەلەگات مارتەبەسى بەرىلدى.  

IAEE مۇشەسى بولۋ قازاقستاندىق ماماندارعا سەيسميكالىق قاۋىپسىزدىكتى قامتاماسىز ەتۋدە حالىقارالىق تاجىريبە الماسۋعا، جاڭا قۇرىلىس تەحنولوگيالارىن زەرتەۋگە جانە قولدانۋعا، جاس مامانداردى بىرلەسىپ وقىتۋعا، بىرلەسكەن زاتتاي سىناۋلار ۇيىمداستىرۋعا مۇمكىندىك بەرەدى.

IAEE قۇرامىنا 59 مەملەكەت كىرەدى.

قازىرگى ۋاقىتتا قازاقستان 2025 جىلى وتەتىن دەلەگاتتار باس قاۋىمداستىعىنىڭ 18 وتىرىسىنىڭ وتەتىن ورنىن (18WCEE) تاڭداۋ جونىندە ونلاين – نۇسقاۋ الدى (ۇلتتىق دەلەگات رەتىندەگى ءبىرىنشى تاپسىرما). داۋىس بەرۋ 15 قازان مەن 25 قاراشا ارالىعىندا ونلاين رەجيمدە وتەدى.

انىقتاما ءۇشىن: حالىقارالىق سەيسميكاعا ءتوزىمدى قۇرىلىس قاۋىمداستىعى (IAEE) – بۇل كوممەرتسيالىق ەمەس ۇيىم، ونىڭ ىشىندە سەيسميكالىق ءتوزىمدى قۇرىلىس بويىنشا الەمنىڭ ۇلتتىق قوعامدارىنىڭ وكىلدەرى بار. ۇيىم 1963 جىلدىڭ اقپان ايىندا توكيوداعى ورتالىق كەڭسەدە قۇرىلعان. 

IAEE سەيسميكاعا ءتوزىمدى قۇرىلىس سالاسىنداعى عالىمدار مەن ينجەنەرلەر اراسىنداعى ءبىلىم، ۇسىنىستار، زەرتتەۋ ناتيجەلەرى جانە پراكتيكالىق تاجىريبە الماسۋ ارقىلى حالىقارالىق ىنتىماقتاستىققا ىقپال ەتۋگە مۇددەلى.

سونىمەن قاتار IAEE مامانداندىرىلعان مەرزىمدى باسىلىمداردى شىعارادى جانە ءار 4 جىل سايىن بۇكىل الەمنەن مىڭداعان قاتىسۋشىلار جينالاتىن سەيسميكاعا ءتوزىمدى قۇرىلىس جونىندەگى دۇنيەجۇزىلىك كونفەرەنتسيانى (WCEE) وتكىزەدى.

سوڭعى جاڭالىقتار

ۇقساس جاڭالىقتار