ايماقتار • 03 تامىز، 2020

قىزىلوردا وبلىسىندا جەرگىلىكتى جولداردى جاڭعىرتۋ جۇمىستارى جالعاسۋدا

77 رەت كورسەتىلدى

جىل سوڭىنا دەيىن قىزىلوردا وبلىسىنداعى جاقسى جانە قاناعاتتاندىرارلىق جاعدايداعى جەرگىلىكتى جولداردىڭ ۇلەسى 69% قۇراماق، دەپ حابارلايدى Egemen.kz.

بيىل مۇندا اۆتوموبيل جولدارى سالاسىندا جيىرمادان استام جوبا جۇزەگە اسىرىلىپ جاتىر. جالپىلاي العاندا جولشىلار جولداردىڭ شامامەن 470 شاقىرىمىن جاڭارتاتىن بولادى.

اتاپ ايتقاندا، اۋداندىق ماڭىزى بار «ايتەكە بي – قازالى» جانە «سامارا – شىمكەنت – ايتەكە بي» جولدارىندا قايتا جاڭارتۋ جۇمىستارى جۇرگىزىلۋدە. بۇدان بولەك، وڭىردە  «قازالى – قوجاباقى – بوزكول – قاۋكەي» جانە «جالاعاش – جوسالى» جولدارىنىڭ ۋچاسكەلەرىن، سونداي-اق، «قىزىلوردا – جالاعاش – سامارا – شىمكەنت» جولىنىڭ اپاتتىق جاعدايداعى كوپىرلەرى كۇردەلى جوندەۋدەن وتكىزىلىپ جاتىر.

مۇنىمەن قوسا، بيىل وبلىستىق ماڭىزعا يە «جالاعاش – جوسالى»، «سامارا – شىمكەنت – قامىستىباس – امانوتكەل – بوگەن»، «سامارا – شىمكەنت – جاڭاقورعان – تۇگىسكەن – كەلىنتوبە» جانە «سامارا – شىمكەنت – جاڭاقورعان – جەمىس-جيدەك» جولدارى ورتاشا جوندەۋ جۇمىستارىمەن قامتىلدى. ال اۋداندىق ماڭىزى بار «قاراتەرەڭ – جاڭا قۇرىلىسى»، «بوگەن – اقلاق»، «سامارا – شىمكەنت – بەسارىق ستانتسياسى»، «سامارا – شىمكەنت – جايىلما»، «سامارا – شىمكەنت – مادەنيەت – ت. جۇرگەنوۆ – جاڭاتالاپ – اققىر»، «سامارا – شىمكەنت – ەڭبەك – ەسەت باتىر – جاڭاداريا» جانە «قىزىلوردا – قوعالىكول – شىركەيلى» جولدارى ورتاشا جوندەۋدەن وتكىزىلۋدە. ارال جانە شيەلى اۋداندارىنىڭ ەلدى مەكەندەرىنە كىرەتىن جولدار دا جاڭارتىلماق.

بۇدان بولەك، «جۇمىسپەن قامتۋدىڭ جول كارتاسى» باعدارلاماسى بويىنشا جولداردىڭ 255 شاقىرىمى جوندەلسە، «اۋىل – ەل بەسىگى» باعدارلاماسىنىڭ اياسىندا جولشىلار وڭىردەگى جولدار مەن كوشەلەردىڭ 56،4 شاقىرىمىن جاڭارتاتىن بولادى.

ەسكە سالايىق، قىزىلوردا وبلىسىنداعى جەرگىلىكتى جولداردىڭ جالپى ۇزىندىعى 2382 شاقىرىمدى، جاقسى جانە قاناعاتتاندىرارلىق جاعدايداعى جەرگىلىكتى جولداردىڭ ۇلەسى 65% قۇرايدى. جىل سوڭىنا دەيىن بۇل كورسەتكىش 4% ارتپاق.

 

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار