ايماقتار • 03 تامىز، 2020

ستەپنوگورسك قالاسىندا پحد-قالدىقتاردى كادەگە جاراتۋ زاۋىتى بولمايدى

18 رەت كورسەتىلدى

قر ەكولوگيا، گەولوگيا جانە تابيعي رەسۋرستار مينيسترلىگى ستەپنوگورسك قالاسىندا قۇرامىندا پوليحلورديفەنيل بار (پحد) قالدىقتاردى كادەگە جاراتۋ زاۋىتىن سالۋدى جوسپارلامايدى. بۇل تۋرالى بۇگىن ستەپنوگورسك قالاسىنىڭ ەكولوگيالىق ماسەلەلەرىنە ارنالعان بەينەكونفەرەنتسيا بارىسىندا ۋاكىلەتتى ورگاننىڭ ۆيتسە-ءمينيسترى احمەتجان پىرىمقۇلوۆ مالىمدەدى. قازىرگى زامانعى قوندىرعىنى ورنالاستىرۋ ءۇشىن وڭىردەن تىس بالامالى ۋچاسكە ايقىندالاتىن بولادى.

كونفەرەنتسياعا 40-تان استام ادام قاتىستى، ولار ستەپنوگورسك قالاسىنىڭ باسشىسى ەركەبۇلان باياحمەتوۆ، «جاسىل دامۋ» اق باسشىلىعى، قازاقستاننىڭ ەكولوگيالىق ۇيىمدارى قاۋىمداستىعى، تۇراقتى ورگانيكالىق لاستاعىشتارمەن جۇمىس جونىندەگى ساراپشىلار، قوعام قايراتكەرلەرى جانە ستەپنوگورسك قالاسىنىڭ باستاماشىل توبىنىڭ وكىلى ۆياچەسلاۆ چەرەپكوۆ.

قاتىسۋشىلار پحد-قالدىقتاردى ساقتاۋ ماسەلەسىنە ەرەكشە نازار اۋداردى. وعان تاۋەلسىز ساراپشى ءامينا بەيبىتوۆانىڭ قورىتىندىسى ۇسىنىلدى. «قالدىقتار حالىقارالىق اكتىلەر مەن ۇلتتىق ەكولوگيالىق زاڭنامانىڭ تالاپتارىنا سايكەس قايتا ورالعان، قاپتاما ماتەريالى بۇۇ تالاپتارىنا سايكەس سەرتيفيكاتتالعان جانە تاڭبالانعان، سونداي-اق  تاسىمالداۋ، قايتا تيەۋ جانە ساقتاۋ كەزىندە اعىپ كەتۋ مەن زاقىمدانۋدى (كورروزيانى) بولدىرمايدى»،- دەلىنگەن ساراپشىنىڭ قورىتىندىسىندا.

ساراپشىلار «ەكوليۋكس-اس» جشس قويماسىنداعى پحد - قالدىقتار قاپتاماسىنىڭ قورعالۋ دەڭگەيى حالىقارالىق اكتىلەرمەن بەلگىلەنگەن قاجەتتى تالاپتاردان بىرنەشە ەسە اسىپ تۇسكەنىن اتاپ ءوتتى.

مينيسترلىك وكىلدەرى «ەكوليۋكس-اس» جشس قويمالارىن قاراپ، بەينەكونفەرەنتسيا بارىسىندا: «پحد ساقتاۋ شارتتارى زاڭنامانىڭ بارلىق تالاپتارىنا سايكەس كەلەدى جانە قورشاعان ورتا مەن حالىقتىڭ دەنساۋلىعىنا قاۋىپ توندىرمەيدى»، - دەپ تۇيىندەدى. ءوز كەزەگىندە، مينيسترلىك «قازگيدرومەت» رمك ماماندارىنىڭ پحد-قالدىقتاردى ۋاقىتشا ساقتاۋ قويماسى اۋماعىنداعى اۋا مەن توپىراق ساپاسىنا تۇراقتى مونيتورينگ جۇرگىزۋ ماسەلەسىن قاراستىرۋدا.

قر ەكولوگيا، گەولوگيا جانە تابيعي رەسۋرستار مينيسترلىگى ستەپنوگورسك قالاسىنداعى جاعدايدى باقىلاۋدا ۇستايدى جانە وسى وڭىردەگى وزەكتى ەكولوگيالىق ماسەلەلەردى تالقىلاۋ بويىنشا بىرقاتار كەزدەسۋلەر وتكىزۋگە نيەتتى.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار