ايماقتار • 03 تامىز، 2020

تاراز قالاسىن اباتتاندىرۋ جۇمىستارى ءالسىز جۇرگىزىلۋدە

45 رەت كورسەتىلدى

اعىمداعى جىلى تاراز قالاسىنداعى 163 اۋلانى اباتتاندىرۋعا 2،3 ميلليارد تەڭگە بولىنگەن. بۇل ورايدا جامبىل وبلىسىنىڭ اكىمى بەردىبەك ساپارباەۆ ايتەكە بي كوشەسىندەگى №30 كوپقاباتتى ءۇيدىڭ اۋلاسىنداعى اباتتاندىرۋ جۇمىستارىنىڭ ساپاسىن بارىپ تەكسەردى.

اتالعان جۇمىستىڭ قۇنى 13،6 ميلليون تەڭگەنى قۇرايدى. ال، بۇل جۇمىستاردى مەردىگەر «ERK-Astana» كومپانياسى جۇرگىزۋدە. بۇگىندە تۇرعىنداردىڭ وزدەرى اۋلالارىن كۇءتىپ-باپتاۋعا بەلسەنە كىرىسىپ كەتكەن. كوپقاباتتى ءۇيدىڭ ءتورايىمى مادينا اتاجانوۆا اتقارعان جۇمىستارى ءۇشىن سەرىكتەستىك ديرەكتورى مەن جۇمىسشىلارىنا العىس ءبىلدىردى. سونىمەن قاتار، بەردىبەك ساپارباەۆ تاراز قالاسىنىڭ اكىمى ايتقازى قارابالاەۆقا اۋلا ارىقتارى ارقىلى سۋ جەتكءىزۋ ماسەلەسىن شەشىپ، جەرگىلىكتى تۇرعىنداردىڭ اۋلالارىن كوگالداندىرۋ ىسىنە كومەكتەسۋدى تاپسىردى.

 سونداي-اق، قازىرگى كەزدە تارازداعى جەلتوقسان جانە دۋلاتي كوشەلەرىنىڭ قيىلىسىنداعى سۋارمالى ارىق جۇيەسىن قايتا قۇرۋ جۇمىستارى جۇرگىزىلۋدە. مۇندا 36 شاقىرىمدى قۇرايتىن ارىق قالپىنا كەلتىرىلەدى. الايدا، ونىڭ بۇگىنگە دەيىن تەك 8،5 شاقىرىمى عانا جوندەلگەن. بۇل ءۇشىن بەردىبەك ساپارباەۆ مەردىگەر كومپانيانىڭ جۇمىسىن سىنعا الدى. سونداي-اق، ول «جايلاۋ» شاعىناۋدانىنداعى № 1،3،4،6،7 ۇيلەردىڭ اۋلالارىن قالپىنا كەلتىرۋ جانە ءجوندەۋ جۇمىستارى تۋرالى دا ايتتى. بولشەكتەلگەن جيەكتاستاردىڭ ساپاسىنا ايرىقشا نازار اۋداردى. اكىم جارامسىز دەپ تابىلعان جيەكتاستاردىڭ ءالى دە 10 جىلعا جارايتىندىعىن ايتىپ، بۇعان كەتكەن اقشانى بالالار مەن سپورت الاڭدارىن اباتتاندىرۋعا جۇمساعان دۇرىس ەكەنىن جەتكىزدى. بۇل رەتتە بەردىبەك ساپارباەۆ وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى قۇدايبەرگەن قورعانباەۆقا جاقىندا تاراز قالاسىنىڭ تۇرعىندارى شاعىمدانعان جيەكتاستاردى اۋىستىرۋ جانە اۋلالارداعى اعاشتاردى كەسۋ بويىنشا جۇرگىزىلىپ جاتقان جۇمىستاردىڭ قانشالىقتى ورىندى ەكەنىنە تالداۋ جۇرگىزۋدى تاپسىردى.

قازىرگى كەزدە تاراز قالاسىنىڭ «بايتەرەك» شاعىن اۋدانىنداعى № 13، 14، 15 كوپقاباتتى ۇيلەردىڭ اۋلالارى دا اباتتاندىرىلۋدا. «اليمانسۋر» جاۋاپكەرشىلىگى شەكتەۋلى سەرىكتەستىگى ديرەكتورىنىڭ ورىنباسارى مامبەت ساعىنبەكوۆتىڭ ايتۋىنشا، 25 مامىردا باستالعان جۇمىس 10 تامىزعا دەيىن اياقتالادى. الايدا، اكىم بۇل جەرگە اباتتاندىرۋ جۇمىستارىنىڭ 2017 جىلى عانا جۇرگىزىلگەنىن، ەندى مۇنىڭ نە قاجەتى بار ەكەنىن ەسكەرتىپ، ونىڭ ورنىنا جولداردى ساپالى جوندەگەن دۇرىس ەكەنىن جەتكىزدى. جالپى، بەردىبەك ساپارباەۆتىڭ ايتۋىنشا، اۋلالاردى اباتتاندىرۋ كەزىندە مەردىگەرلەر كەمشىلىكتەر جىبەرگەن. سونداي-اق، بۇل تاراز قالاسى اكىمدىگى باسشىلىعىنىڭ سالعىرتتىعىنان ورىن العان. بۇگىندە سىپاتاي باتىر، كوشەنەي، قويگەلدى، نيەتقاليەۆ كوشەلەرى مەن اباي جانە جامبىل داڭعىلدارىنىڭ بويىنداعى م-2 جىلۋ ماگيسترالىن قايتا جوندەۋ جۇمىستارى جۇرگىزىلۋدە. بەردىبەك ساپارباەۆ قويگەلدى كوشەسىندەگى جول جامىلعىسىن قالپىنا كەلتىرۋ جۇمىستارىمەن تانىستى. اسفالتتىڭ ءبىرىنشى قاباتى توسەلگەن. سمەتالىق قۇجاتتارعا سايكەس، ەكىءنشى قاباتتى توسەۋ جوسپارلانۋدا ەكەن. بىراق بانكروتقا ۇشىراعان مەردىگەر كومپانيانىڭ جۇمىستى اياقتاۋعا قاراجاتى جوق بولىپ وتىر. ەكى جىلدان بەرى قازىلعان جولدار تاراز قالاسى تۇرعىندارىنىڭ شاعىمدارى مەن نارازىلىعىن تۋدىرۋدا. بەردىبەك ساپارباەۆ قالا اكىمىنە ءتيىستى بارلىق مەملەكەتتىك ورگانداردى قاتىستىرا وتىرىپ، بۇل ماسەلەنى شەشۋدى تاپسىردى.

 

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار