قازاقستان • 03 تامىز، 2020

كەز كەلگەن جاعدايداعى اسكەري قۇرىلىمنىڭ نەگىزى - جاۋىنگەرلىك دايىندىق

22 رەت كورسەتىلدى

قازىرگى ۋاقىتتا قارۋلى كۇشتەر كۇردەلى جاعدايدا قىزمەت ەتۋدە. اسكەرلەر ءالى دە ەلدى مەكەندەردى دەزينفەكتسيالاۋعا قاتىسىپ،  كوروناۆيرۋسپەن كۇرەستە ازاماتتارعا وزگە دە كومەك كورسەتۋدە، وعان قوسا قارقىندى اسكەري دايىندىق جۇرگىزىلۋدە.

 

وتكەن اپتادا قورعانىس ءمينيسترىنىڭ ءبىرىنشى ورىنباسارى – قر قك باس شتابىنىڭ باستىعى گەنەرال-لەيتەنانت مۇرات بەكتانوۆ الماتى، قاپشاعاي جانە وتار گارنيزوندارىنىڭ اسكەري بولىمدەرىن تەكسەردى.

تەكسەرۋ ماقساتى:

گارنيزونداردىڭ قۇرامالارى مەن اسكەري بولىمدەرىن دابىل بويىنشا كەنەتتەن كوتەرىپ، اسكەرلەردىڭ جاۋىنگەرلىك دايارلىعى مەن ماشىعىن باعالاۋ;

قارۋ-جاراق قويمالارىنداعى قارۋ-جاراق پەن وق-دارىلەردىڭ ساقتالۋى جونىندەگى ءىس-شارالاردى تەكسەرۋ.

باعالاۋ كەلەسى كريتەريلەر بويىنشا جۇرگىزىلدى:

وقۋ-جاۋىنگەرلىك مىندەتتەردى ورىنداۋ كەزىندە كومانديرلەر مەن شتابتاردىڭ بولىمشەلەردى باسقارۋداعى دايىندىعى;

جاۋىنگەرلىك داعدى مەن مورالدىق-پسيحولوگيالىق تۇراقتىلىق دەڭگەيى;

قارۋ-جاراق پەن تەحنيكانىڭ تەحنيكالىق جاعدايى.

دابىل بويىنشا كوتەرىلگەننەن كەيىن قاپشاعاي مەن الماتىداعى دەسانتتىق-شابۋىل بريگادالارى، وتارداعى ارتيللەريالىق جانە تانك بريگادالارى كورسەتىلگەن پوليگوندارعا شىقتى. وندا تاكتيكالىق، دەنە شىنىقتىرۋ جانە اتىس دايارلىعى تەكسەرىلگەن. جەكە قۇرام تانك، بمپ، بتر قارۋ-جاراعىنان، اتىس قارۋىنان پراكتيكالىق وق اتۋدى ورىندادى، جاۋدىڭ شارتتى ديۆەرسيالىق توپتارىنىڭ شابۋىلىن تويتارۋ جانە باسقا دا كىرىسپە بويىنشا ءىس-قيمىلدار پىسىقتالدى، بۇل رەتتە اتىستاردىڭ ءبىر بولىگى تۇنگى جاعدايلاردا جۇرگىزىلدى.

سونىمەن قاتار، ءارتۇرلى اەرودرومداردان ءتارتىپ بۇزۋشى كەمەلەر رەتىندە كوتەرىلگەن مايدان اۆياتسياسىنىڭ ۇشاقتارى، سوققى جانە بارلاۋ ۇشقىشسىز ۇشۋ اپپاراتتارى كۇزەتىلەتىن وبەكتىلەرگە شارتتى سوققى بەردى. الماتى وبلىسىنداعى اشقق بولىمشەلەرىنىڭ كەزەكشى كۇشتەرى مەن قۇرالدارى ناقتى رەجيمدە باقىلاۋ ماقساتتارىن ۋاقتىلى تاۋىپ، زەنيتتىك-زىمىران بولىمشەلەرىن (شارتتى تۇردە) جويدى.

جەكە قۇرامنان باسقا تەكسەرۋگە بارلىعى 200 بىرلىكتەن استام تانك، بمپ جانە بتر، 10-عا جۋىق ۇشاق، تىكۇشاق جانە ۇشقىشسىز ۇشۋ اپپاراتتارى، سونداي-اق  3 زەنيتتىك-زىمىراندىق ديۆيزيون، 10-نان استام راديولوكاتسيالىق بولىمشە تارتىلدى.

كۇردەلى ەپيدەميولوگيالىق جانە اۋا-رايىنىڭ جاعدايىنا قاراماستان، قويىلعان وقۋ-جاۋىنگەرلىك مىندەتتەر ءساتتى ورىندالدى. باس شتابتىڭ باقىلاۋ توپتارى جەكە دايىندىقتىڭ جاقسى دەڭگەيىن، بولىمشەلەردىڭ ۇيلەسىمدىلىگىن جانە جەكە قۇرامنىڭ جوعارى مورالدىق رۋحىن اتاپ وتەدى.

سونىمەن قاتار، باس شتاب باستىعى وق-دارىلەردى ساقتاۋ قويمالارىنا بارىپ، قاۋىپسىز ورنالاستىرۋ جاعدايلارىن، ورتكە قارسى قاۋىپسىزدىكتى جانە باسقا دا بىرقاتار ماسەلەلەردى تەكسەردى. 

بارلىق وتكىزىلگەن ءىس-شارالار بويىنشا جەرگىلىكتى جەرلەردە تالداۋ جۇرگىزىلدى، ءتيىستى نۇسقاۋلار مەن تاپسىرمالار بەرىلدى.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار