قازاقستان • 03 تامىز، 2020

قازاقستاندا 22 ءىرى ءسۇت فەرماسى ءوز جۇمىسىن باستايدى – اشم

18 رەت كورسەتىلدى

ءبىرىنشى جارتىجىلدىقتا قازاقستاندا 6 ءىرى ءسۇت فەرماسى ىسكە قوسىلدى، جىل سوڭىنا دەيىن تاعى 16 ستف پايدالانۋعا بەرىلەدى دەپ جوسپارلانىپ وتىر، دەپ حابارلايدى اشم ءباسپاسوز قىزمەتى.

بۇعان دەيىن حابارلاعانىمىزداي، قازاقستان رەسپۋبليكاسى اۋىل شارۋاشىلىعى مينيسترلىگىنىڭ الدىنا ءسۇت ونىمدەرىنەن يمپورتتى الماستىرۋ بويىنشا ۇلكەن  مىندەت قويىلعان. وسى جوسپاردىڭ اياسىندا اۋىل شارۋاشىلىعى مينيسترلىگى جىل سايىن 25 ونەركاسىپتىك ءسۇت فەرماسىن پايدالانۋعا بەرۋ بويىنشا بەلسەندى جۇمىس جۇرگىزۋدە.

اعىمداعى جىلدىڭ العاشقى التى ايىنىڭ قورىتىندىسى بويىنشا 3810 باس ىقم-عا ارنالعان 6 ءسۇت فەرماسى ىسكە قوسىلدى. ولاردىڭ بەسەۋى الماتى وبلىسىندا ورنالاسقان: "اكسۋت LLC" جشس ستف جانە "فيرما اپرەل"، "الماتى" پلەمزاۆود، "قاراباسوۆا" جانە  سادىحان شق.

سونىمەن قاتار، تۇركىستان وبلىسىندا ءسۇت تاۋارلارى فەرماسىن كەڭەيتۋ جوباسى اياسىندا 1600 باسقا ارنالعان «قازىنا جەر» جشس اشىلدى.

سونداي-اق، اۋىل شارۋاشىلىعى مينيسترلىگىنىڭ باستاماسى بويىنشا يندۋستريا جانە ينفراقۇرىلىمدىق دامۋ  مينيسترلىگى ستف قۇرىلىسى جوبالارىنا ساراپتاما جۇرگىزۋ ءراسىمىن جەڭىلدەتكەنىن اتاپ وتكەن ءجون.

ءىرى قارا مالدار سانى 1500-گە دەيىن (قوسا العاندا) ءسۇت وندىرۋگە ارنالعان مال شارۋاشىلىعى كەشەندەرىن II (قالىپتى) جاۋاپكەرشىلىك دەڭگەيىنە جاتاتىن عيماراتتار مەن قۇرىلىستاردى تەحنيكالىق جانە (نەمەسە) تەحنولوگيالىق تۇرعىدان كۇردەلى نىساندارعا جاتقىزۋدىڭ جالپى ءتارتىبىن ايقىنداۋ قاعيدالارىنا تۇزەتۋلەر ەنگىزىلدى.

بۇل مەملەكەتتىك مونوپولياعا قاتىستى كەشەندى ۆەدومستۆولىق ەمەس ساراپتامادان ءوتۋ مىندەتتەمەسىن جوققا شىعارادى. وسىلايشا، جوبانىڭ تاپسىرىس بەرۋشىلەرىنە (فەرمەرلەرىنە) كەز-كەلگەن اككرەديتتەلگەن ساراپتامالىق ۇيىمدى تەن نەمەسە جوبالىق-سمەتالىق ساراپتاما جۇرگىزۋ ءۇشىن تاڭداۋعا مۇمكىندىك بەرىلەدى. بۇل پروتسەستەردى جەدەلدەتۋگە جانە قۇرىلىسقا قاجەتتى قۇجاتتاردى دايىنداۋ شىعىندارىن ازايتۋعا مۇمكىندىك بەرەدى.

ەستەرىڭىزگە سالساق، بۇعان دەيىن فەرمەرلەر كەشەندى ۆەدومستۆودان تىس ساراپتامادان وتكەن كەزدە مال شارۋاشىلىعى جوبالارىن ىسكە اسىرۋدىڭ قۇنى مەن قىمباتتاۋى تۋرالى بىرنەشە رەت شاعىمدانعان بولاتىن.

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار