قارجى • 03 تامىز، 2020

تۇرعىن ءۇي قۇرىلىس جيناق بانكىنىڭ “ جاس وتباسى” جاڭا باعدارلاماسى ىسكە قوسىلدى

2930 رەت كورسەتىلدى

2020 جىلعى 1 شىلدەدە قازاقستاندا «جاس وتباسى» جاڭا تۇرعىن ءۇي باعدارلاماسى ىسكە قوسىلدى. بۇل تۋرالى PrimeMinister.kz-كە بەرگەن سۇحباتىندا «قازاقستاننىڭ تۇرعىن ءۇي قۇرىلىس جيناق بانكى» اق باسقارما ءتورايىمى ءلاززات يبراگيموۆا ايتىپ بەردى.

"قۇرىلعانىنا ءۇش جىل تولماعان جاس وتباسىلار دەپوزيت اشىپ، بىردەن تۇرعىن ءۇي قۇنىنىڭ 50%-ىن سالا الادى، سوندا يپوتەكا تومەندەتىلگەن مولشەرلەمەمەن رەسىمدەلەدى. بىزدە نەگىزىنەن 8،5%، ال جاس وتباسىلار ءۇشىن ارنايى 6% بەلگىلەدىك. سۇرانىس وتە جوعارى، ءبىر ايدا 1،5 مىڭعا جۋىق دەپوزيت اشىلدى»، — دەپ حابارلادى ل. يبراگيموۆا.

ونىڭ ايتۋىنشا، قازىر جاس وتباسىنىڭ جاسىن 3 جاستان 5 جاسقا دەيىن ارتتىرۋ ماسەلەسى قاراستىرىلىپ جاتىر.

«قازىر كوپتەگەن وتباسىلار: “نەگە 3 جىل؟ 5 جىل دا جاس وتباسى ءۇشىن ۇزاق ۋاقىت ەمەس. ءبىزدى دە قولداڭىزدار” دەپ جازىپ جاتىر. ءبىز بۇل ۇسىنىستاردى قاراستىرامىز. سوندىقتان ءبىز ءۇشىن وتباسى بانك ترانسفورماتسياسى تەك قاعاز جۇزىندە عانا ەمەس، ءىس جۇزىندە ورىندالعانى وتە ماڭىزدى. ءبىز بارلىق وتباسىلار ءۇشىن ماماندىققا، الەۋمەتتىك مارتەبەگە قاراماستان، تەڭ قولجەتىمدى بولعانىن قالايمىز»، — دەدى ول.

تابىسى تومەن ءاربىر وتباسى تومەن مولشەرلەمەمەن يپوتەكا الۋعا ۇمىتكەر بولۋى قاجەت.

«وسى قاعيدالاردى ەنگىزەمىز، ءبىز جىل سوڭىنا دەيىن يندۋستريا جانە ينفراقۇرىلىمدىق دامۋ مينيسترلىگىمەن بىرگە، ۇكىمەتتىڭ قولداۋىمەن زاڭنامالىق باستامالاردىڭ ۇلكەن توپتاماسىن ىسكە اسىرىپ، قوعامعا تۇسىندىرەتىن بولامىز، سودان كەيىن تولىق دايىن بولعاندا جانە وتباسى بانكىنىڭ اتالعان جوعارى ستاتۋسىنا ساي بولعان ساتتە ءبىز قايتا اتاۋ پروتسەسىن قولعا الامىز»، — دەپ اتاپ ءوتتى ل. يبراگيموۆا.

جىلجىمايتىن م ۇلىك نارىعىنا كەلەر بولساق، بۇل قوعامدا كوپ تالقىلانىپ جاتقان وزەكتى ماسەلە.

«كارانتيننەن كەيىن ءبىز بارلىق يپوتەكاعا دەگەن قىزىعۋشىلىقتىڭ ارتقانىن بايقادىق. ماۋسىم ايىندا ءبىز 5 مىڭنان استام قارىز بەردىك. بۇل ناۋرىز، ءساۋىر جانە مامىردان باستاپ كەيىنگە قالدىرىلعان سۇرانىس. شىلدە ايىندا دا سۇرانىس اسا جوعارى بولدى. ءبىز سونداي-اق “باقىتتى وتباسى”، “اسكەري باسپانا” باعدارلامالارىن ىسكە اسىرىپ جاتىرمىز، “5-10-20” وتىنىمدەرىن قاراۋدى تولىقتاي تامىز ايىنان باستايمىز. ايتا كەتەرلىگى، ەليتالىق تۇرعىن ءۇي نارىعىندا باعانىڭ تومەندەۋى بايقالادى، ويتكەنى وتە ۇلكەن قىمبات پاتەرلەرگە دەگەن سۇرانىس تومەن. مەنىڭ ويىمشا، قايتالاما تۇرعىن ءۇي نارىعىندا باعا تومەندەۋى مۇمكىن، ويتكەنى وندا ءبارى ساتۋ جىلدامدىعىنا بايلانىستى، ياعني، ەگەر ءسىز قىمبات باعاعا ساتقىڭىز كەلسە، وندا ءسىز ۇزاق ۋاقىت ءجۇرىپ قالاسىز»، — دەپ ءتۇسىندىردى ل. يبراگيموۆا.

ونىڭ ايتۋىنشا، بۇگىنگى تاڭدا قازاقستاندا جىلجىمايتىن م ۇلىك باعاسىنىڭ وسۋىنە ىقپال ەتەتىن ەشقانداي فاكتورلار جوق. سونىمەن قاتار ۇزاق مەرزىمدى پەرسپەكتيۆادا سۇرانىس جوعارى بولادى، ويتكەنى جاستار سانى وسۋدە.

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار