اتالعان ورتالىق Covid-19 ەپيدەمياسىنا قارسى ءىس-شارالارىنىڭ ىشىندە باسىم باعىتتا مەديتسينالىق قىزمەت كورسەتكەن. ماماندار ناۋقاستاردىڭ وكپە قۋىسىنىڭ رەنتگەن جانە كومپيۋتەرلىك توموگرافيا زەرتتەۋلەرىن جۇرگىزگەن. ال, پتر زەرتحاناسى جوعارى ساپالى زەرتتەۋ ناتيجەلەرىن قامتاماسىز ەتەدى. مۇندا سovid-19 ۆيرۋسىن انىقتاۋ ءۇشىن 9350 ازاماتتان سىناما الىنعان.
سونىمەن قاتار, مۇرات ايتەنوۆ ورتالىقتىڭ ەلەكتروندى قىزمەتتەرىمەن تانىسىپ, مىندەتتى الەۋمەتتىك مەديتسينالىق ساقتاندىرۋ جۇيەسى شەڭبەرىندە اتقارىلىپ جاتقان جۇمىستاردى كوردى.
ايتا كەتەيىك, زاماناۋي تەحنولوگيالارمەن جابدىقتالعان دياگنوستيكا مەكەمەسى 1990 جىلى اشىلعان. بۇل ورتالىق دياگنوستيكا جانە ەمدەۋدىڭ وتە جاڭا, ءتيىمدى, يننوۆاتسيالىق ادىستەرىن قولدانا وتىرىپ, كونسۋلتاتسيالىق-دياگنوستيكالىق كومەك كورسەتەدى. 2019 جىلى مەديتسينالىق مەكەمە قر دەنساۋلىق ساقتاۋداعى ۇلتتىق ساپا ستاندارتتارىنا مەديتسينالىق قىزمەتتەردىڭ سايكەستىگىنە وڭىردەگى مەديتسينالىق ۇيىمداردىڭ ىشىندە ءبىرىنشى بولىپ جوعارعى ساناتپەن اككرەديتتەلگەن. ورتالىقتا 38 مەديتسينالىق ماماندىق بويىنشا, جوعارى بىلىكتى دارىگەرلەر كەڭەس بەرىپ, 800-گە جۋىق دياگنوستيكالىق, 6000-عا جۋىق زەرتحانالىق قىزمەتتەر كورسەتىپ كەلەدى.
