ەجەلدەن توپىراعى قويىنداس, مال-جانى ارالاس سىر بويى مەن قازىنالى قاراعاندىنىڭ ۇزىلمەگەن باۋىرلاستىق ءۇردىسى وسكەلەڭ زامان تالابىنا ساي قايتا جاڭعىرىپ, نىعايىپ كەلە جاتۋىنا جارقىن مىسالدار جەتكىلىكتى.
ەجەلدەن توپىراعى قويىنداس, مال-جانى ارالاس سىر بويى مەن قازىنالى قاراعاندىنىڭ ۇزىلمەگەن باۋىرلاستىق ءۇردىسى وسكەلەڭ زامان تالابىنا ساي قايتا جاڭعىرىپ, نىعايىپ كەلە جاتۋىنا جارقىن مىسالدار جەتكىلىكتى.
تاۋەلسىزدىك جىلدارىندا جاڭاشا سيپاتتا جالعاسۋشى ءوزارا وڭىرارالىق مادەني, ەكونوميكالىق ىنتىماقتاستىق كورشىلەس ايماقتار ءومىرىنىڭ دامۋ ەكپىنىنە سونى سەرپىن ەستىرىپ تە وتىر. ءوندىرىستى ولكە مادەنيەتى مەن ونەرىنىڭ قىزىلورداداعى كۇندەرى سونىڭ ناقتى ءبىر كورىنىسىنە اينالىپ, ەلىمىزدىڭ ەرتەڭىن ەڭسەلەتەر جاسامپاز ىستەر ءىزىن تەرەڭدەتۋگە تىڭ جول سالدى. سونداي-اق, شاھاردىڭ قۇرىلعانىنا 195 جىل تولۋى مەرەكەسىمەن تۇسپا-تۇس كەلىپ وتكەن بۇل مەرەيلى شارا سىردى ارقانىڭ ءان مەن جىر سامالىنا بولەپ قويماي, نيەتتەس سەرىكتەستىككە ىنتالاندىرعان سان سالالى شارۋاشىلىقتىڭ كەڭ تىنىسىن العا جايدى.
ەلباسىنىڭ تاپسىرماسى بويىنشا اتقارىلۋداعى مەملەكەتتىك جانە سالالىق باعدارلامالاردىڭ ماڭىزدى بولىگى قوس وبلىستىڭ ۇلەسىنە دە تيسە, سونىڭ ىشىندە «قۇمكول», «قاراقويىن» مۇناي ايداۋ قۇبىرلارى, جەزقازعان – بەينەۋ تەمىر جولىنىڭ سەكسەۋىلمەن ءتۇيىسەتىن قۇرىلىسى ماقساتى ورتاق, مۇددەسى ءبىر قويىن-قويناۋى بايلىققا تولى ايماقتار يگىلىگىن بىرلەسىپ ەسەلەۋگە سەرپىلىس بەرۋدە.
«سارىارقا – سايران ەلىم» اتتى تاقىرىپ اياسىندا ءان مەن كۇيگە كۇمبىرلەگەن كۇندەر جاس جاعىنان دا, جولى جاعىنان دا ۇلكەن قالانى اسەم اۋەنگە تەربەتتى. قاراعاندىلىقتاردىڭ مادەنيەت جانە ونەر مەرەكەسى ءابدىلدا تاجىباەۆ اتىنداعى امبەباپ عىلىمي كىتاپحانادا «سارىارقا – دالالىق وركەنيەتتىڭ التىن بەسىگى» كورمەسىنىڭ كورسەتىلۋىمەن باستالىپ, نارتاي بەكەجانوۆ اتىنداعى دراما تەاترى عيماراتىندا ارنايى ازىرلەنگەن ارقانىڭ ءىنجۋ-مارجانى توگىلگەن ساز كەشىمەن جالعاستى. ەرتەدەن دە «ارعىندار «احاۋ» دەسە, كەتەدى ۇزاپ, كىسىدەي بىلتىر كەتىپ, بيىل كەلگەن» دەيتىن ءازىل سوزدەرى بار جەرگىلىكتى جۇرتتى مەيىرحان ادامبەكوۆ, جاقسىگەلدى كەمالوۆ, سەرجان مۇسايىن سىندى ساڭلاق ونەرپازدار شىرقاعان تۋعان توپىراقتارىنىڭ اسپانداعان, مىڭ بۇرالعان اندەرى قۇلاق قۇرىشىن قاندىردى.
قازاقتا سۇلۋ سىر ەلىنە ارنالعان اسەم اۋەندەر از با! اقىن سەرىك اقسۇڭقار ۇلىنىڭ سوزىنە شىعارىلعان تانىمال سازگەر ەسجان ءامىروۆتىڭ قاسيەتتى داريا سۋىنداي تولقىپ سىڭعىرلاعان «قىدىر قونعان – قىزىلوردام» ءانى سولاردىڭ قاتارىنان ورىن العانداي قىزىلوردالىقتارعا تاماشا تارتۋ بولدى.
مەملەكەت باسشىسى ءبىلىمىن تەرەڭدەتكەن قاراعاندى مەملەكەتتىك تەحنيكالىق جانە قورقىت اتا اتىنداعى قىزىلوردا ۋنيۆەرسيتەتتەرى اراسىندا وقىتۋ جۇيەسىن, عىلىمي بايلانىستاردى جەتىلدىرۋ بويىنشا كەلىسىمشارت جاسالدى. ەلىمىزگە بەلگىلى ينجەنەر كادرلارى قانات قاققان ورتالىق قازاقستانداعى بەدەلدى وقۋ ورداسىنىڭ رەكتورى, ۇعا اكادەميگى ارىستان عازاليەۆ مۇناي مەن گاز سالاسى ماماندارىن دايارلاۋ ءبولىمى اشىلۋىنا وراي وسى قازىنا مول ءوڭىر تالاپكەر جاستارىنا جول اشىقتىعىن ايتىپ, قۋانتتى.
قاراعاندىلىقتار دەلەگاتسياسىنىڭ ءبىر قاۋىم شوعىرلى توبىن باستاپ كەلگەن وبلىس اكىمى باۋىرجان ابدىشەۆ قارسى الۋشى ءوڭىر باسشىسى قىرىمبەك كوشەرباەۆپەن بىرگە سىرداريا ارناسىن بوگەپ, كۇرىش القاپتارىنا سۋ تارتۋ قۇرىلىسىن بارىپ كوردى. سونداي-اق, نازارباەۆ زياتكەرلىك مەكتەبىندە بولىپ, وقۋشىلارعا ينتەراكتيۆتى تاقتا تارتۋ ەتتى. وڭىرارالىق مادەني بايلانىستار مەن ەكونوميكالىق ىنتىماقتاستىقتى نىعايتۋعا ارنالعان مەموراندۋمعا قول قويىلۋ راسىمىندە باۋىرجان تۇيتە ۇلى ەلباسىنىڭ ايماقتاردىڭ ءارىپتەستىكتىڭ بارلىق دەڭگەيىن كوتەرۋ تاپسىرماسىنا سايكەس جاڭعىرتىلعان بۇل شارا دامۋ قادامىن قارىشتاتۋعا ىقپالى زور بولماقتىعىن اتاي كەلىپ, ءوندىرىس وشاعى رەتىندە وبلىستىڭ كورشىلىك كومەك-قولداۋدى كۇشەيتۋى مەرەيلى مىندەت سانالادى دەدى. ءوز كەزەگىندە قىرىمبەك ەلەۋ ۇلى مۇنىڭ وتە ماڭىزدى جانە ءتالىمدى تاجىريبە ەكەنىن ايتىپ, ەكىجاقتى ىنتىماقتاستىق ارتا بەرەتىندىگىنە, ەكونوميكالىق الەۋەتى مىقتى ولكەنىڭ سوعان شىنايى ىنتاسى مەن مۇددەلەستىگىنە ريزالىق ءبىلدىردى.
ايقىن نەسىپباي,
«ەگەمەن قازاقستان».
قىزىلوردا – قاراعاندى.
