ايماقتار • 03 تامىز، 2020

5 بالالى وتباسىنا باسپانا ساتىپ الىپ بەردى

16 رەت كورسەتىلدى

"مىڭ العىس" اكتسياسىنا ۇلەس قوسۋدى پارىز ساناعان جومارت جاندى ازاماتتار الماتى وبلىسىنىڭ الاكول اۋدانىنان كوپتەپ شىعۋدا. قولىندا بارىن مۇقتاج وتباسىلارىنا ءبولىسىپ، قايىرىم جاساۋعا ارقاشان دايىن جۇرەتىن ولار قازىرگىدەي سىندارلى شاقتا ىندەتپەن كۇرەسۋ ءۇشىن جۇمىلۋدا، - دەپ حابارلايدى egemen.kz.

جاقىندا الاكولدىك بىرنەشە شارۋا قوجالىعىنىڭ باسشىلارى باس قوسىپ، 3 باس ءىرى قارا سويدى. ال مالدىڭ جاس ەتىن اۋدان اۋماعىندا ىندەتپەن كۇرەسىپ جاتقان مەديتسنا قىزمەتكەرلەرىنە تاراتىپ بەردى. قازىر ورتالىق اۋرۋحانانىڭ ينفەكتسيالىق ءبولىمى مەن ءۇشارال اسكەري گورنيزونىنىڭ لازارەتى كوروناۆيرۋس جۇقتىرعان ناۋقاستاردى ەمدەۋ ىسىمەن كۇندىز-ءتۇنى اينالىسۋدا. شارۋا قوجالىقتارى اكەلگەن جارتى توننا ەت دارىگەرلەر مەن ناۋقاستاردىڭ ىستىق تاماعىنا جۇمسالماق. سونداي-اق، الاكول اۋدانىنىڭ قۇرمەتتى ازاماتى، "ZHERSU" كورپوراتسياسى باقىلاۋ كەڭەسىنىڭ توراعاسى باۋىرجان وسپانوۆ قۇربان ايت قارساڭىندا 4 وگىزدى قۇرباندىققا شالىپ، لەپسى جانە جىلاندى اۋىلدارىنداعى تۇرمىسى تومەن، مۇقتاج وتباسىلارعا تاراتىپ بەرگەن.

ال "ىرىس" جانە "ايمانبەتوۆ" شارۋا قوجالىعىنىڭ يەسى رىسكەلدى ايمانبەتوۆ اۋداندىق اۋرۋحاناعا 5 بىردەي جاساندى تىنىس الۋ اپپاراتىن سىيعا تارتتى. جاقىندا الماتى قالاسىندا ورنالاسقان "Surveygroup" جشس باس ديرەكتورى ەرجان ماناپوۆ تا اۋداندىق اۋرۋحاناعا  4 جاساندى تىنىس الۋ اپپاراتىن ساتىپ اپەرگەن بولاتىن. جالپى وسىنداي يگى ىسكە ۇلەس قوسۋ الاكول اۋدانىنىڭ قالتالى ازاماتارى ءۇشىن داستۇرگە اينالدى دەسە دە بولادى. كاسىپكەرلەر ەمدەۋ مەكەمەلەرىنە مەديتسينالىق قۇرال-جابدىقتاردى سىيعا تارتۋدا. سول ارقىلى جەرلەستەرىنىڭ ءومىرىن ساقتاپ قالۋعا بارىنشا ات سالىسۋدا. بۇعان دەيىن ولار ىندەتكە شالدىققان ناۋقاستاردىڭ ەمىنە شيپا بولار دەگەن سەنىممەن قولداۋ كورسەتىپ، 11 وتتەگى كونتسەنترانتىن تابىس ەتكەن بولاتىن.

ال قۇربان ايت قارساڭىندا باسپاناعا مۇقتاج الاكولدىك كوپبالالى وتباسى ءۇشىن ەرەكشە قۋانىشتى وقيعا ورىن الدى. اۋدانداعى "ديانا" قايىرىمدىلىق قورى قارجى جيناپ، ولارعا 3 بولمەلى ءۇي ساتىپ الىپ بەردى. ەندى اقتۇبەك اۋىلىندا تۇراتىن كوپبالالى انا سامال نۇرپەيىسوۆانىڭ جەكە شاڭىراعىنىڭ ءتۇتىنىن تۇتەتىن بولدى.

- سامال 5 بالا تاربيەلەپ وتىر ەكەن. ءبىز ونىڭ باسپاناعا مۇقتاج ەكەنىن ەستىپ، قايىرىمدى جاندارعا ساۋىن ايتتىق. از ۋاقىت ارالىعىندا 920 000 تەڭگە قارجى جينالدى. وسى اقشاعا اقتۇبەك اۋىلىنان 3 بولمەلى ءۇي ساتىپ الىپ، كوپبالالى وتباسىن قۋانتتىق، - دەيدى "ديانا" قايىرىمدىلىق قورىنىڭ وكىلى ق.قاپار.

جالپى، الاكولدىك قايىرىمدى ازاماتتار جيناعان قارجىعا مۇقتاج وتباسىلار ءۇشىن باسپانا ساتىپ الۋ ءىسى جولعا قويىلعان. بۇگىنگە دەيىن التى وتباسى قونىس تويىن مەنشىكتى باسپانالارىندا اتاپ ءوتتى.

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار