كوروناۆيرۋس • 03 تامىز، 2020

COVID-19: جاڭارتىلعان ستاتيستيكانىڭ العاشقى ناتيجەسى

45 رەت كورسەتىلدى

COVID-19 جانە پنەۆمونياعا شالدىققان ناۋقاستار تۋرالى مالىمەت بارىنشا اشىق بولۋ ءۇشىن قازاقستان رەسپۋبليكاسى دەنساۋلىق ساقتاۋ مينيسترلىگى 18 شىلدەدەن باستاپ ستاتيستيكالىق دەرەكتەردى ەسەپكە الۋ مەن قالىپتاستىرۋدىڭ جاڭا تاسىلدەرىن انىقتادى. بۇل تۋرالى اتالعان ۆەدومستۆونىڭ اقپارات ورتالىعى حابارلادى.

ددۇ-نىڭ ەۋروپالىق ايماقتىق بيۋروسىمەن بىرقاتار تەحنيكالىق كونسۋلتاتسيا جۇرگىزىلگەنننەن كەيىن، COVID-19 اۋرۋلاردىڭ حالىقارالىق جىكتەمەسىنىڭ جاڭا كودى بويىنشا كودتاۋ جانە ەسەپكە الۋ تۋرالى شەشىم قابىلداندى.

2020 جىلدىڭ 1 تامىزىنان باستاپ زەرتحانادا انىقتالعان COVID-19 بەن پتر-تەست ناتيجەسى تازا، بىراق كوروناۆيرۋس ينفەكتسياسىنىڭ كلينيكالىق جانە ەپيدەميالىق بەلگىلەرى بار پنەۆمونيا بىرگە ەسەپكە الىنادى.

كۆي جانە پنەۆمونيانى ەسەپكە الۋ­دىڭ جاڭا ءتاسىلى دۇرىس بولجام جاساۋعا، قاجەتتى رەسۋرستاردى: مەديتسينالىق كادر، توسەكتىك ورىن، مەديتسينالىق جابدىق، دارىلىك زاتتاردى جوسپارلاۋعا، سونداي-اق ستاتيستيكانىڭ اشىق بولۋىنا مۇمكىندىك بەرەدى. بۇل مەملەكەتىمىزدىڭ پاندەميا­عا قارسى بىرگە كۇرەسۋگە جانە ونىڭ سالدارىن حالىقارالىق قاۋىمداستىقپەن تىعىز بايلانىستا زەرتتەۋگە دايىن ەكەنىن كورسەتەدى.

دەنساۋلىق ساقتاۋ مينيسترلىگى كوروناۆيرۋس ينفەكتسياسى بويىنشا ستاتيستيكانى دۇرىس قالىپتاستىرۋ ءۇشىن كودتاۋ الگوريتمى مەن دەرەكتەردى اقپاراتتىق جۇيەلەرگە ەنگىزۋدىڭ نۇس­قاۋ­لىعىن ازىرلەدى، مەديتسينا قىزمەت­كەرلەرىن COVID-19 كودتارىن احج-10 جىكتەمەسى بويىنشا ازىرلەۋگە وقىتتى.

وسىلايشا، 2020 جىلدىڭ 1 تامى­زىن­داعى جاعداي بويىنشا، 1 226 ادامنان COVID-19 انىقتالىپ، سوڭعى تاۋلىكتە 36 ادام قايتىس بولدى. 5 181 ناۋقاس زەرتحانادا انىقتالماعان، بىراق كوروناۆيرۋس ينفەكتسياسىنىڭ كلينيكالىق جانە ەپيدەميالىق بەلگىلەرى بار پنەۆمونياعا شالدىققان. وتكەن تاۋلىكتە وسى دياگنوزدان 30 پاتسيەنت قايتىس بولدى.

 

 

سوڭعى جاڭالىقتار

ۇقساس جاڭالىقتار