باس پروكۋراتۋرا مەملەكەت باسشىسىنىڭ «قازاقستان-2050» ستراتەگياسى» اتتى قازاقستان حالقىنا ارنالعان جولداۋىنان تۋىنداعان كەلەلى مىندەتتەردى ىسكە اسىرۋ, مەملەكەتتىك ءتىل اياسىن كەڭەيتۋ ماقساتىندا پروكۋراتۋرا ورگاندارى قىزمەتكەرلەرى اراسىندا «ءتىل – تاتۋلىق تىرەگى» اتتى رەسپۋبليكالىق كونكۋرس وتكىزدى.
باس پروكۋراتۋرا مەملەكەت باسشىسىنىڭ «قازاقستان-2050» ستراتەگياسى» اتتى قازاقستان حالقىنا ارنالعان جولداۋىنان تۋىنداعان كەلەلى مىندەتتەردى ىسكە اسىرۋ, مەملەكەتتىك ءتىل اياسىن كەڭەيتۋ ماقساتىندا پروكۋراتۋرا ورگاندارى قىزمەتكەرلەرى اراسىندا «ءتىل – تاتۋلىق تىرەگى» اتتى رەسپۋبليكالىق كونكۋرس وتكىزدى.
كونكۋرستىڭ نەگىزگى ماقساتى – حالىقتىڭ بىرلىگىن جانە ۇلتارالىق كەلىسىمدى نىعايتۋ, سونىمەن قاتار, پروكۋراتۋرا ورگاندارى اراسىندا مەملەكەتتىك ءتىلدى ودان ءارى ناسيحاتتاۋ.
سايىسقا پروكۋراتۋرانىڭ بارلىق سالالارىنان جانە وبلىستىق پروكۋراتۋرالاردىڭ كوماندالارى قاتىستى. مەملەكەتتىك ءتىلدى باستاۋىش دەڭگەيدە مەڭگەرگەن قىزمەتكەرلەردەن قۇرالعان 17 كوماندا جەڭىس ءۇشىن باق سىناستى. كونكۋرسقا قاتىسۋشىلار وزدەرىنىڭ شەشەن سويلەۋ شەبەرلىگىن, ماقال-ماتەلدەردى ءبىلۋ, ابايدىڭ قارا سوزدەرىن, قازاقتىڭ ۇلى عۇلامالارىنىڭ قاناتتى سوزدەرىن مانەرلەپ ايتۋدا ءبىلىم-بىلىكتەرىن كورسەتتى. كونكۋرسقا قاتىسۋشىلاردىڭ كورسەتكەن تەاترلاندىرىلعان قويىلىمدارىن كورەرمەندەر ەرەكشە ىقىلاسپەن قابىلدادى. كونكۋرس قورىتىندىسى بويىنشا كوماندالار ەستەلىك باعالى سىيلىقتارمەن, باس جۇلدە, 1, 2, 3 دارەجەلى ديپلومدارمەن جانە العىس حاتتارمەن ماراپاتتالدى, دەپ حابارلادى باس پروكۋراتۋرانىڭ باسپاسوز قىزمەتى.
