ەلوردا • 28 شىلدە، 2020

ەلوردانىڭ ۇركەر تۇرعىن الابىنا سۋ تارتىلدى

12 رەت كورسەتىلدى

مۇندا ەكى قوعامدىق كەڭىستىكتىڭ قۇرىلىسىن اياقتاپ جاتىر. بۇل تۋرالى ەلوردا اكىمدىگىنىڭ رەسمي سايتىنى سىلتەمە جاساي وتىرىپ Egemen.kz حابارلايدى.

بۇگىن نۇر-سۇلتان اكىمى ۇركەر ەلدىمەكەنىندە جۇرگىزىلىپ جاتقان جۇمىستاردىڭ بارىسىمەن تانىستى.

"ەلدى مەكەندە "اۋعان ورامى" بار (ەكىنشى سەكتور). بىلتىر ەلدى مەكەن تۇرعىندارى ۇيلەردى سۋمەن قامتاماسىز ەتۋ، كوشەلەر مەن جولداردى جارىقتاندىرۋ بويىنشا بىرقاتار ماسەلەنى كوتەردى. بيىل جازدا اۋداننىڭ بارلىق ۇيلەرىنە سۋ تارتىلدى. جول توسەلىپ، جارىق بەرىلدى. كارىز جۇمىستارى جۇرگىزىلىپ جاتىر. سونىمەن بىرگە وقۋ جىلى باستالعانعا دەيىن ەلدى-مەكەندە ۇيالى بايلانىستى جاقسارتۋ ءۇشىن انتەننا ورناتۋدى تاپسىردىم"، دەپ جازادى التاي كولگىنوۆ ءوزىنىڭ Instagram پاراقشاسىندا.

سونىمەن قاتار ۇركەر ەلدى مەكەنىندە ەكى قوعامدىق كەڭىستىكتىڭ قۇرىلىسى اياقتالادى.

"بۇل جەرگىلىكتى تۇرعىندار ۋاقىتىن پايدالى وتكىزەتىن جەرگە اينالماق. ۇركەر ەلدى-مەكەنىندە 2 مىڭ ورىندىق مەكتەپ قۇرىلىسىن جوسپارلاپ وتىرمىز. جىل سوڭىنا دەيىن ەلدى مەكەندە 10 كاناليزاتسيالىق سورعى ستانساسىن ورناتامىز، 8،5 كم جول اسفالتتايمىز"، دەپ اتاپ ءوتتى التاي كولگىنوۆ.

قالادا بارلىعى 280 مىڭ حالىق تۇراتىن 16 ەلدى-مەكەن بار. بۇل — قالا حالقىنىڭ تورتتەن ءبىرى. جۇمىستار بارلىق ەلدى مەكەندەردە جۇرگىزىلىپ جاتىر. ەلدى مەكەندەردى دامىتۋ ماسەلەسى مەملەكەت باسشىسىنىڭ باقىلاۋىندا.

سوڭعى جاڭالىقتار

ۇقساس جاڭالىقتار