قازاقستان • 24 شىلدە، 2020

بۇگىننەن باستاپ قازاقستاندىقتار ونلاين قۇرباندىق شالا الادى

878 رەت كورسەتىلدى

بۇل تۋرالى قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي قاجى تاعان ۇلى مالىمدەدى، - دەپ حابارلايدى Egemen.kz.

ء"دىني باسقارما ەل مۇسىلماندارىنىڭ ءوتىنىشىن ەسكەرە وتىرىپ بيىلعى جىلى العاش رەت قۇربان ايت قارساڭىندا حالىقارالىق تاجىريبەگە سۇيەنىپ، قاشىقتىقتان قۇربان شالۋ جوباسىن قولعا الدىق. وسى ماقساتتا qurban2020.kz سايتىن اشىپ، 24 شىلدەدەن، ياعني بۇگىننەن باستاپ 24 ساعات بويى ىسكە قوسىلادى. 30 شىلدەگە دەيىن قۇرباندىق شالۋعا ونلاين تاپسىرىس قابىلدايدى. كەز-كەلگەن ازامات ونلاي تۇردە قۇربان شالۋعا تاپسىرىس بەرە الادى. 

ونلاين رەجيمدە تاپسىرىس قابىلداپ، قۇرباندىق ەتىن كومەككە ءزارۋ جاندارعا تاراتۋ تاجىريبەسى تۇركيا، مالايزيا، يندونەزيا، بىرىككەن اراب امىرلىكتەرى سىندى بىرقاتار مۇسىلمان مەملەكەتتەرىندە بۇرىننان قالىپتاسقان جانە جىل سايىنعى يگى داستۇرگە اينالعان. بۇل جۇيەنىڭ باستى ەرەكشەلىگى قۇرباندىق ەتى تۇگەلدەي مۇقتاج ازاماتتارعا تاراتىلادى. العاش رەت ىسكە قوسىلعالى تۇرعان بۇل جۇيەنىڭ كەيبىر كەمشىلىكتەرى بولۋى مۇمكىن. تەحنيكالىق كەمشىلىكتەر ورىن الىپ جاتسا، حالىقتى تۇسىنىستىكپەن قاراۋعا شاقىرامىز"، - دەدى ول.

ناۋرىزباي قاجى اتالمىش جوبا كەلەسى جىلى دا جالعاسىن  تاباتىنىن ايتتى. 

"اتالمىش جوبا كەلەسى جىلى دا ءوز جالعاسىن تابادى دەپ جوسپارلاۋدامىز. ونلاين قۇرباندىق شالۋ بارىسىندا يمامدارىمىز دەلدالدىق قىزمەت جاسامايدى، ەكى ورتادا ءجۇرىپ پايدا تابۋمەن اينالىسپايدى. ءبىزدىڭ مىندەت – حالىققا قىزمەت، قۇرباندىق شالۋ ءراسىمىن ۇيىمداستىرۋ جانە قۇربان ەتتەرىن مۇقتاج جاندارعا ۇلەستىرۋ بولىپ تابىلادى"، - دەدى باس ءمۇفتي.

 

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار