ۇكىمەت • 23 شىلدە، 2020

COVID-19 بويىنشا جەدەل شتاب وڭىرلەردە باقىلاۋدى كۇشەيتۋدە

26 رەت كورسەتىلدى

قر پرەمەر-ءمينيسترىنىڭ ورىنباسارى ە. توعجانوۆتىڭ توراعالىعىمەن وتكەن COVID-19 ماسەلەلەرى جونىندەگى جەدەل شتابتىڭ وتىرىسىندا مەملەكەتتىك ورگانداردىڭ كوروناۆيرۋسپەن كۇرەسۋدە اتقارىپ جاتقان جۇمىستارى تىڭدالدى، - دەپ جازادى Egemen.kz

دەنساۋلىق ساقتاۋ مينيسترلىگى ەكى اپتا ىشىندە جەدەل شارالاردى قابىلداۋ ارقاسىندا بىرقاتار وڭ ناتيجەلەرگە قول جەتكىزگەنىن مالىمدەدى:

  • COVID-19 جۇقتىرۋدىڭ تاۋلىكتىك ءوسىمى 4%-دان 2،3-كە دەيىن تومەندەدى;
  • ساۋىعىپ كەتكەندەردىڭ سانى 60%-عا ارتتى;
  • جەدەل جاردەمدى شاقىرۋلار سانى 31%-عا، ونىڭ ىشىندە COVID بويىنشا شاقىرۋلار 19%-عا قىسقاردى;
  • رەانيماتسيالىق توسەك-ورىن سانى 12%-عا، ستاتسيونارلارداعى توسەك-ورىن 81%-دان 56%-عا دەيىن تومەندەدى.

سونىمەن قاتار، جەدەل شتاب باتىس قازاقستان جانە قىزىلوردا وبلىستارىنىڭ اكىمدىكتەرىنىڭ جۇمىسى جەتكىلىكسىز ەكەنىن اتاپ ءوتتى. دەنساۋلىق ساقتاۋ مينيسترلىگىنىڭ COVID-19-بەن كۇرەس بويىنشا  وڭىرلەر رەيتينگىسىندە وسى وبلىستاردا ەڭ تومەن كورسەتكىشتەر تىركەلگەن.

سونداي-اق، پرەمەر-ءمينيستردىڭ ورىنباسارى سولتۇستىك قازاقستان اكىمدىگىنە قولدانىستاعى توسەك-ورىن قورىنىڭ جۇكتەمەسىن ازايتۋ بويىنشا جەدەل شارالاردى قابىلداۋدى تاپسىردى.

ىشكى ىستەر مينيسترلىگى اعىمداعى جىلدىڭ 5 شىلدەسىنەن باستاپ 4،3 مىڭ كارانتيندى بۇزۋدىڭ انىقتالعانىن باياندادى. بۇل رەتتە پاۆلودار، قىزىلوردا، قوستاناي، اقتوبە جانە باتىس قازاقستان وبلىستارىندا ولاردى انىقتاۋ بويىنشا جۇمىستىڭ جەتكىلىكسىزدىگى اتاپ ءوتىلدى.

جەدەل شتاب ازاماتتاردىڭ سانيتارلىق جانە بەتپەردە رەجيمىن ساقتاۋ ماسەلەلەرىنە ەرەكشە نازار اۋداردى.

ء"بىز ءومىردىڭ ءار ادام ءۇشىن قىمبات ەكەندىگىنە جانە قايتالانبايتىندىعىنا باسا نازار اۋدارا وتىرىپ، قوعامنىڭ سانا-سەزىمى مەن مىنەز-قۇلقىن تۇبەگەيلى وزگەرتۋىمىز كەرەك. بىزدە ءالى كۇنگە دەيىن "ماسكا كومەكتەسپەيدى، كيمەسە دە بولادى، پايداسى جوق” دەپ ويلايتىندار بار. ادامدار ءالى كۇنگە دەيىن فاكتىلەردى ەمەس، وزدەرىنىڭ جاڭساق پىكىرلەرىن عانا باسشىلىققا الادى. ۆيرۋسپەن كۇرەس بارلىق قازاقستاندىقتاردى "ورتاق ماقسات سەزىمىمەن" بىرىكتىرۋى ءتيىس، ال كارانتين رەجيمىن بۇزعانداردى قوعام ءوزى ايىپتاۋى كەرەك. وسى جۇمىستى ۇيىمداستىرۋ مەملەكەتتىك ورگانداردىڭ مىندەتتەرىنىڭ ءبىرى"، - دەپ اتاپ ءوتتى ە.توعجانوۆ.

قورىتىندىلاي كەلە، ە. توعجانوۆ پاندەميا كەزىندە ازاماتتاردىڭ ءوزىن-ءوزى ۇستاۋ ەرەجەلەرىن ازىرلەۋدى، وڭىرلەردە كارانتين رەجيمىن بۇزۋلارعا قاتىستى كۇندەلىكتى رەيدتەر جۇرگىزۋدى جانە بىرقاتار باسقا دا شۇعىل تاپسىرمالاردى جۇكتەدى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار