مەديتسينا • 21 شىلدە، 2020

ەلوردا تۇرعىنى اكەسىنىڭ امان قالعانى ءۇشىن دارىگەرلەرگە العىسىن ايتتى

64 رەت كورسەتىلدى

ەلوردا تۇرعىنى مەديتسينا قىزمەتكەرلەرىنە اكەسىنىڭ ءومىرىن ساقتاپ قالعانى ءۇشىن العىس ءبىلدىردى. بۇل تۋرالى نۇر-سۇلتان اكىمدىگىنىڭ رەسمي سايتىنا سىلتەمە جاساي وتىرىپ Egemen.kz حابارلايدى.

ايىم ءداۋىت

گاليا ابرايموۆا Facebook پاراقشاسىندا دارىگەرلەردىڭ اكەسىنىڭ دەنساۋلىعى ءۇشىن قالاي كۇرەسكەنىن ايتىپ بەردى.

"سىزدەر كۇن سايىن ادام جانىنا اراشا بولاسىزدار! مەنىڭ اكەم اۋرۋعا شالدىعىپ، حاتتاماعا سايكەس ۇيدە 11 كۇن ەمدەلسە دە، جاعدايى جاقسارمادى. ستاتسيونارلىق ەمدەۋ تۋرالى تەرىس پىكىرلەردى وقىعاننان كەيىن اۋرۋحاناعا بارۋدان قورىقتىق. بىراق ءىس جۇزىندە ءبىزدىڭ دارىگەرلەردىڭ كەرەمەت ەكەنىنە كوزىمىز جەتتى. تالداۋدىڭ بارلىق ناتيجەسىن زەردەلەپ، بىزدەن اۋرۋحاناعا جاتقىزۋدى تالاپ ەتىپ، ۋاقتىلى مەديتسينالىق كومەك كورسەتتى"، دەپ جازدى گ.ابرايموۆا.

اكەسى ورازعالي ابرايىموۆتىڭ ايتۋىنشا، ەمدەۋشى دارىگەر مەن ءبولىم مەڭگەرۋشىسى كۇن سايىن تەكسەرىپ، ونىڭ دەنساۋلىعىنىڭ جاي-كۇيىن قاداعالاپ، ەم-دوم تاعايىندادى، سونىمەن قاتار ناۋقاس ءۇشىن وتە ماڭىزدى پسيحولوگيالىق كومەك كورسەتتى.

"مەن ءوز اتىمنان جانە اكەم ابرايموۆ ورازعالي چاكەربەك ۇلى اتىنان №3 كوپسالالى قالالىق بالالار اۋرۋحاناسىنىڭ شجق مكك ۇجىمىنا: ءبولىم مەڭگەرۋشىسى نۋرتازينا گۋلميرا گۋسماۋلەنوۆناعا، ەمدەۋشى دارىگەر قۇتتىبەك گاۋحار دۇيسەنقىزىنا، سونىمەن قاتار كىشى مەديتسينالىق قىزمەتكەرلەر مۇساحمەتوۆا نۇربانۋ، احمەتوۆا گۋلايرا، بايكەنوۆا مەرۋەرتكە قاجىرلى ەڭبەگى ءۇشىن ريزاشىلىعىمدى بىلدىرگىم كەلەدى! قازىر ءار ناۋقاستىڭ ءومىرى ءۇشىن ناقتى كۇرەس ءجۇرىپ جاتىر دەپ ويلايمىن. سىزدەرگە جانە جاقىندارىڭىزعا مىقتى دەنساۋلىق تىلەيمىن! اكەم بىلىكتى دارىگەرلەردىڭ ارقاسىندا امان قالدى! ۇلكەن راحمەت ايتاپ وتىرىپ، ەڭبەكتەرىڭىزگە تاعزىم ەتەمىن!" دەپ اتاپ ءوتتى ابرايموۆا.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز