توتەنشە جاعداي كەزىندە مەديتسينالىق كومەك كورسەتۋگە ماماندانعان ارنايى بريگادانى ن.ۆ. سكليفوسوۆسكي اتىنداعى عزي-ءدىڭ حيرۋرگى ولەگ چەرنىش باسقارادى. توپ قۇرامىندا ماسكەۋ قالاسىنداعى 8 مەديتسينالىق مەكەمەنىڭ قىزمەتكەرلەرى بار.
رەسەيلىك ماماندار قوستاناي وبلىسىندا 2 اپتا بولادى. جەرگىلىكتى دارىگەرلەرگە كەڭەس بەرىپ, كورونوۆيرۋس يەفەكتسياسىنا قارسى كۇرەسكە ۇلەس قوسادى. بريگادالار قوستاناي جانە رۋدنىي قالالارىنداعى پروۆيزورلىق جانە ينفەكتسيالىق ستاتسيونارلاردا جۇمىس ىستەيتىن بولادى.
بۇگىن ماسكەۋلىك دارىگەرلەر وبلىس اكىمى ا.مۇحامبەتوۆتىڭ قابىلداۋىندا بولدى. كەزدەسۋ بارىسىندا ايماق باسشىسى وبلىستا ىندەتكە قارسى قابىلدانىپ جاتقان شارالار تۋرالى اڭگىمەلەپ, پاندەميانى ەڭسەرۋدە ەكىجاقتى ىنتىماقتاستىقتىڭ ءالى دە جالعاسا تۇسەتىندىگىنە سەنىم ءبىلدىردى.
ولەگ چەرنىشتىڭ ايتۋىنشا, بريگادا 3 باعىتتا جۇمىس ىستەيتىن بولادى. – بىرىنشىدەن, قوستانايتسلىق ارىپتەستەرىمىزگە كەڭەس بەرۋ, ەكىنشىدەن, كورونوۆيرۋسپەن اۋىرعان ناۋقاستاردى ەمدەۋ, ۇشىنشىدەن, جەرگىلىكتى دارىگەرلەرگە ءدارىس وتكىزۋ, - دەدى ماسكەۋلىك دەلەگاتسيانىڭ باسشىسى.
